موضوع للنقاش!!! ناوى تخلف كام عيل ؟؟؟

**Dr. Assem** · 20-06-2015 05:39 PM

انت تريد و انا اريد و الله يفعل ما يريد

لو بالأخذ بالأسباب. يبقى اتنين معقول جدا. انا كنت ناوي على كده بس ربنا رزقني بالثالث. الموضوع مرهق شوية لكن الحمد لله على نعمه و فضله

**dede_dodo88** · 20-06-2015 05:55 PM

المشاركة الأصلية كتبت بواسطة farouk84

ربنا يباركلك فيهم!!

بس صدقنى البنات فيهم حنيه اكتر من الولاد بالف مره

انا لو عندي ولدين هروح انتحر.. لأ تربية الولاد مبتبقاش سهلة خالص و محتاجة مجهود خارق..

**fares_311** · 20-06-2015 07:08 PM

بنتين وولد والحمد لله.
العدد المثالي 2 أو 3 بالكثير قوي

**unl0veable** · 20-06-2015 07:13 PM

العدد 2 هو العدد المثالي للأطفال

**hamo81** · 20-06-2015 07:39 PM

لو بالأماني الواحد يتمنى يكون عنده 20 ولد و20 بنت
لكن في الزمن إلي إحنا فيه تمام كده وزي الفل وربنا يقدرك وتعلمهم كويس وتوفرلهم حياة كريمة

**adel1212** · 20-06-2015 09:46 PM

المشاركة الأصلية كتبت بواسطة dr. Assem

انت تريد و انا اريد و الله يفعل ما يريد

لو بالأخذ بالأسباب. يبقى اتنين معقول جدا. انا كنت ناوي على كده بس ربنا رزقني بالثالث. الموضوع مرهق شوية لكن الحمد لله على نعمه و فضله

+111111111111111

**Ahmed Tarek 00** · 20-06-2015 09:59 PM

كفاية ياصديقى واعتنى بيهم وربيهم كويس جدا

**volociximab** · 20-06-2015 10:58 PM

على الاقل اربعه

**eslamrace** · 20-06-2015 11:15 PM

الفكره مش فى الكم الفكره فى الكيف
بمعنى لو حضرتك مقتدر وحتقدر تربي اكتر من طفلين تربيه قويمه بالمعنى المادى والادبي يعنى تقدر تصرف عليهم ومتخلهمش محتاجين حاجه وادبيا بمعنى انك متسبهمش للتلفزيون والشارع وصحابهم يربوهم علشان تشتغل 3 شغلانات علشان تسد الجانب المادى وبالتالى تضيعهم يبقى خلف اكتر زى متحب

رأيي الشخصى اول 9 شهور لسنه تكون بدون خلفه علشان تقدر تشوف الشخص اللى بتتعامل معاه "سواء زوج او زوجه" حتقدر تكمل المشوار معاه وترتبط بيه اكتر عن طريق الاولاد ولا تنفصلوا وتفضل علاقتكم فى حدود الادب وبدون تعقيدات فى الانفصال
بعد الفتره دى لقيت نفسي حابب اكمل يبقى نخلف مره ونشوف الوضع المادى والنفسي والضغوطات على الاسره شكلها ايه والله تقبلنا الوضع وربنا موسع على الواحد ويقدر يخلف تانى يبقى نجيب كمان طفل وكده يبقى الواحد عنده العدد المثالى للاطفال ويكتفى بهذا القدر

الخلفه مسؤليه وسبب بوظان المجتمع ان اللى بيخلف بيخلف للخلفه بدون حساب للمسؤليه فبقى عندنا كم اطفال هائل بدون كيف او بدون نوابغ فى اى مجالات لاننا بنجيب اطفال وغصب عننا نهملهم بدون قصد .

ربنا يبارك لصاحب الموضوع فى اولاده ويهديه للقرار الصحيح
ويكرمنا احنا كمان ونتزوج فى وقت ما بالرغم ان الموضوع بقى صعب جدا فى ظل ظروف البلد خاصه قبل ال30
تحياتى .