طب وحضرتك شاغل بالك بالفئة دي ليه
اسوأ شخصية في العالم اللي لا يكون لديها مبادئ تمشي عليها يعني مثلا مقتنع بشئ و يمشي عكسه لو حضرتك ركزت معاه او جادلته هتموت بالجلطة
فانساه احسن
عرض للطباعة
ممكن سيادتك قبل ما تسأل السؤال نحدد معنى التدين المقصود
أولا أنا فهمت رأيك من طريقة أسئلتك و أتفق معاك و كمان أنا من رأى المذيع شريف بتاع المحورفى هذا الموضوع
إنما
1- هل التدين هو مواظبة على فرائض و عبادات و لبس و مظهر بس مش مشكلة الأخلاق و الضمير .مايضرش لو أخدت رشوة أو هدية علشان أخلص مصلحة ما هو أصل المعايش صعبة و ربك غفور رحيم .أحول المنطقة اللى ساكن فيها لمقلب زبالة كبير و أعيب على الحكومة إنها مش بتشيل الزبالة ميضرش طالما مواظب على العبادات . أروح أدور على واسطة لإبنى علشان حاجة أولى بيها غيره بس مش مشكلة المهم الحمد لله إنه وفقنا فى الواسطة .و هكذا كتييييير .إذا كان التدين كذلك فتأكد أننا أكثر شعب متدين على وجة الأرض
2- لو التدين هو الوصول لجوهر الإيمان و لماذا شرع الله لنا الدين و تحقيق مقاصد الشريعة .فأكيد الشعب المصرى مش متدين بطبعه.
أنا مش شاغل بالي باللي معندوش مبدأ وبيقول على الحاجه ويمشي بعكسها ..أنا شاغل بالي باللي معتقد إنه بيفهم في الدين ...لأ والمصيبه في إيه ..إنه عايزك تبقى زيه ...
ههههههههههه..
أنا مقتنع جدا بأن الدين يشمل كل مناحي الحياه ...بصوره أبسط ..مفيش فصل بين الأخلاق والعبادات ..وحضرتك عارف إن كل اللي حضرتك قولت عليه في الفقره رقم 1 موجودين في الشعب المصري المتدين بطبعه
السلام عليكم
وجهه نظري وقد أكون مخطئا
أن هناك جناحان يتصارعان في مصر خصوصا و العالم عموما
التيار الديني و التيار الآخر (سأستخدم المسمي درءا للخلافات من أي نوع)
التيار الديني يحاول جذب الناس للتمسك بدينهم و التوغل و التعمق في فهمه و تطبيقه
التيار الآخر يحاول إبعاد الناس عن الدين بشتي الطرق لما يمثله الدين من تضييق علي حرياتهم و مماراساتهم
لا أتعجب كثيرا حينما أري حرص التيار الآخر علي نشر كثير من الممارسات التي تتنافي مع طبيعه مجتمعنا وبل و التظاهر أن ذلك هو الأصل و أن المصريين غربيين الهوي و الطباع
تم الترويج لفكره أن الشعب المصري متدين بطبعه لإقناع كثير من الناس أن الدين محله القلب و ربنا رب قلوب و طالما القلب أبيض يبقي كده تمام
المقوله ديه خلت كتير من الناس راضيه بمستواها الديني و لا تحاول تحسينه....بمعني آخر قلل طموح الكثيرين من التعمق و الإستزاده في الدين وهو ما يخدم التيار الآخر
زياده نسبه المحجبات و الملتزمات و مطلقي اللحي دفعت التيار الآخر للسعي بقوه لنشر الأفكار المناقضه للتوجه الديني عن طريق التشكيك و التهييف و السخريه أحيانا
ومنها اللجوء لفكره المصري متدين بطبعه......فيتوهم الكثيرين أنه لا داعي للإجتهاد طالما أننا متدينين بطبعنا
وهو ما عكس ما ينادي به التيار الديني من زياده طموح المسلم و سعيه للوصول للأفضل دوما في التمسك بالقيم و التزود و التوسع في فهم الدين و تطبيقه
جزاكم الله خيرا
رمضان كريم