مشكلتى مع السواقه

**Mezomega** · 23-06-2015 06:28 PM

انا بسوق من حوالى 3 شهور فى الشوارع الجانبيه يعنى لسه مطلعتش على اى طرق سريعه خالص و عندى مشكله بحس ان لما بركب مع اى شخص بيسوق على طريق سريع و بحط نفسى مكانو اكنى انا الى سايق بسرح كتير و مش عارف اركز مع الطريق و الحفر والمطبات ولا مع العربيات و حدود عربيتى ولا مع العربيات الى ورايا و جال حواليا ابص على ايه فى الطريق فى الزحمه ؟

**Medo.Malek** · 24-06-2015 05:15 AM

ما تستعجلش
اتمكن من العربية الاول فى الشوارع الفاضية و خد وقتك
كله بيجى بالتدريج

**Abo_Mazen** · 24-06-2015 09:54 AM

ما هو إنت عشان بتبقى قاعد جنب واحد سايق فعشان كده بتسرح ..إنما لو إنت اللي ورا الطاره ..هتلاقي نفسك توماتيكي كده ..عينيك في وسط راسك ..آه ..ده عمر يا ريس مش هزار ..بس فعلا إتمكن بس من عربيتك في الطرق الفاضيه وإتعلم تطلع بسلاسة وتقف بسلاسة وتقف وقت ما إنت عاوز ..وكل حاجه هتيجي لوحدها بعد كده ..