عايز رأيكم في لون فرش جلد مناسب لعربيتي

**Dr. Assem** · 26-06-2015 03:58 PM

معايا فلوانس e3 لونها دهبي (شامبين) و انتوا عارفين ان الفئة دي فرشها قماش و جوانبه جلد . عايز اعمله كله جلد. حاجة شيك و نضيفة .

محتاج رأيكم في اللون اللي يليق على عربيتي. و لو حبيت اعمل لونين يبقوا إيه؟

و لو في حد كويس و متجرب في اسكندرية اعمل عنده الفرش ده يبقى تمام

شكرا لاهتمامكم

**hesham fawzy h** · 26-06-2015 04:18 PM

البيج جامد جدا .. و درجات البنى الغامق و الفاتح ذى الجملى مثلا

بيبقى شكلة شيك جدا

**ali ashraf** · 26-06-2015 06:04 PM

اهلا بك ادخل على النت و اكتب الجعفرى واعمل سرش ثم اكتب jeans car , و دى مراكز فرش سيارات فى مصر علشان تاخذ فكرة و اكيد هتعرف مكان كويس فى الاسكن\رية انا برضه بدور على فرش جلد يناسب اللون الاسود غالبا اسود فى فيرانى بالنسبة للذهبى متهيألى الجملى هيكون رائع و بالتوفيق

**Ahmedo0o** · 26-06-2015 06:13 PM

دهبى يمشى معاه الوان كتير
ممكن جملى فى أكسده بنى ـ تغمين لو من الأطراف يعنى

- إسموكى برونزى دا يبقى جامد برده

وكحلى برده شغال
وطبعاً الأسود والأبيض بيليقو على أى حاجه زى ما أهالينا فهمونا وإحنا صغيرين
أهم حاجه المكان يكون كويس و صنايعى صح علشان يستحمل فتره كويسه

**elgohary10** · 26-06-2015 07:21 PM

اتنين فى الاسكندريه وبادن الله تدعى لى
الاول جابر النوام فى الشاطبى خلف الشبان المسلمين وانت نازل من كامب شيزار على محطه الرمل وماشى وعلى يمينك الترام مباشره تدخل الشارع اللى على تاصيته مكتب البريد هو اول محل على الشمال فى هدا الشارع المتجه للبحر
التانى هانى اللى بعد كوبرى الجامعه وانت جاى من شارع كليه الهندسه ونازل على البحر بعد تقاطع شارع بورسعيد مباشره على الشمال
ولوانى بافضل جابر النوام لخبرته الكبيره وكمان عنده صنايعيه على مستوى
وياريت بالمره تفرش ارضيه العربيه جلد حاتفرق معاك كتير فى المحافظه على السياره
وياريت تبقى تنقل لنا تجربتك

**Dr. Assem** · 26-06-2015 10:39 PM

شكرا على اهتمامكم و اذواقكم الحلوة في اختيار الالوان. انا التابلوه عندي و الابواب اسود. يفرق في حاجة و للا ايه؟؟

**M.Elwan** · 30-06-2015 04:38 PM

ده لون الفرش اللي بينزل في 328 شكله شبك لو التابلوه اسود

picture share

**Dr. Assem** · 02-07-2015 03:41 AM

رحت لجابر النوام و لهاني و لاتنين كمان

الاسعار 1200 - 2000 متضمنة الكراسي و الارضية والشنطة

الخامات متقاربة. امريكي او الماني

الصنعة كويسة عند اللي رحت لهم لان كلهم عندهم شغل بيتعمل قدامي و باين نضافته

مشكلتي في الاذواق. اسال اي حد على رايه يقول لي زي ما انت عايز. طب انا عايز كذا بس مش عارف حيبقى شكله حلو و للا لا لما يتنفذ

معلومة بسيطة. العربية دهبي. اللبواب و التابلوه اسود. السقف رمادي فاتح

الاقتراحات:
1. اسود كامل
2. بيج او جملي كامل
3. بيج او جملي و الجناب اسود

اي رايكم

و هل في حد ممكن الجاله في موضوع الاذواق. زي كده مهندسين الديكور في الشقق. و مصممين الجرافيك في الدعاية و الاعلان ؟؟