موضوع اطول مائده في العالم و مش عارف ايه
عرض للطباعة
موضوع اطول مائده في العالم و مش عارف ايه
ولا حاجة ياسيدى
اه دخلنا رسمى الموسوعه أخبارك.نت | الإعلان رسميًا عن دخول الإسكندرية موسوعة "جينيس" بأطول مائدة طعام في العالم
بس فى نفس الوقن الناس ضربت بعض اللي حاجزين واللي مش حاجزين
الموسوعة ملهاش غير طول المائدة اللي هي الطربيزة
سواء عليها بشر ام لا
سواء كانت وقت الإفطار أم لا
زي بالظبط اطول سندوتش في موسوعة جينيس
سواء كان طعمه حلو او لا
سواء حد اكله او اترمي بعد كده
وممثلي الموسوعة راحوا قاسوا الطرابيزة وقت العصر
وبكده يبقى خلصت الليلة والهدف منها تم
وبعدها المنظمين للمائدة اخدوا بعضهم ومشيوا
شوية والمغرب اذن والناس ملقتش افطار
الناس اللي دفعوا الاشتراك واللي مدفعش
اصلها مائدة رحمن واي حد يتفضل
وحصل خناقات على الكراسي اصلها بالعدد والحجز
وشوية والاكل جه في ظل غياب المنظمين
الاكل بدأ يتحدف من العربيات وده طبعا بعد المغرب بحوالي عشر دقائق
وحصل خناقة وتكسير كراسي وطابيزات
بتوع الفراشة لموا الكراسي والطرابيزات بالعافية
الاكياس والكراتين والاطباق بهدلوا الكورنيش بطول المائدة
بس المهم دخلت الموسوعة واخدت لقب اطول طرابيزة فاضية
مع الإخلاص و صلاح النيه تكون حاجه مُشرفه . .
لكن الشو و المنظره و المُكايده جعلها مُقرفه !!
استاذ مصطفي هوا حضرتك من اسكندرية ؟!!! مين قال لحضرتك انها فيه ناس دفعت اشتراكات ؟!
اشتراك ايه حضرتك؟؟!!
كلها بدون فلوس وناس كتير محترمة راحت بأكلها اساسا لمجرد المشاركة.
الموضوع هو غياب الامن لان للاسف الشعب المصري يعشق الهمجية وميعرفش يبقى محترم غير لما يلاقي حواليه ظباط
شيء غير مستغرب من شعب همجي وفوضوي بطبيعته
اللي بيسألني انا من الاسكندرية ولا .. اه من الاسكندرية
والافطار كان بالحجز وتذاكر والتذاكر بقت نظام سوق سودا
روحت النهارده انا واصدقائي اسكندريه
واتفرجنا عليها قبل المغرب بدقائق .. وعرفنا ان مستحيل هنفطر عليها لأسباب كتيره
وروحنا فطرنا في مطعم عادي
كان في امن شرطه وجيش وشرطة عسكريه واسعاف وتلفزيون وكل حاجه .
لكن مكنش في تنظيم نهائي .. والناس كانت بتتخانق على الميه اللي بتتوزع من العربيات
ما بالك لو اكل .
ومعرفتش ايه اللي حصل . الا لما رجعنا بعد العشا ولقينا المولد انفض والكراسي بتتلم والترابيزات
وعرفت بعد كده ان الناس كسرت الترابيزات
وااه كان بالحجز وفي امين شرطة سألناه قال بفلوس .
كان يوم فاشل وضايع بالنسبالنا .
مدهش إننا لما فكرنا ندخل جينيس كان عن طريق المعدة مش العقل .
لو المحافظ ده فكر يستغل إمكانيات المحافظة و يدخل بيها جينيس يبقى عن طريق أكبر كمية زبالة فى مدينة على مستوى العالم
ده المنظر بعد ما أكلوا
http://nileup.com/up/uploads/nilemotors_14353872911.jpg
الظريف بقى إن كل الناس اللى أكلوا دول النهاردة حيسبوا و يلعنوا المحافظ (رغم إنه فاشل ) و أجهزة المحافظة ( رغم إنها فاسدة عن بكرة أبيها ) على الإهمال الجسيم و كمية الزبالة المنتشرة فى الشوارع
http://nileup.com/up/uploads/nilemotors_14353876541.jpg
http://nileup.com/up/uploads/nilemotors_14353876552.jpg
فعلا شعب نضيف و متحضر و الحكومة هى اللى بتاكل و ترمى فى الشارع
12000 متر
فيهم مشكله في 150 متر
ده ضعف نظر ولا نسميه اييييه
تحلوا بالموضوعية ده انتم صايمين :)
في الاخر النتيجة النهائية
الاسكندرية اللي هي في مصر اتسجل ليها انجاز
اكيد اكيد حيساعد اللي بيسوق ليها سياحيا عشان يحسن من وضعها الاقتصادي
وبرضه ناس مش عايزه اي خير يحصل لاغراض في نفسها
عميانه عن ده و شغاله في اسطوانات مستهلكه
ماشي
ما تزعلش يابو يحيى
بلدنا بتتقدم رغم انف الجميع
انا كنت معزوم على الفطار و سايق العربية عالبحر و مش عارف حوار المائدة دي. لقيت الدنيا واقفة من ستانلي لسيدي بشر. ناس كتير و ترابيزات و جيش و شرطة و كل اللي سايق ماشي بالراحة علشان يتفرج.
و احنا راحعين على الساعة 10. كان العربيات بتلم الكراسي و الترابيزاع و الكورنيش مليان كمية زبالة غير طبيعية !!!!!
فيه ناس بتفكرني بمجانص
"شوربة يا افندم"
إن الله لا يصلح عمل المفسدين ...
إذا صلحت النيه صلح العمل ..وإذا فسدت النيه فسد العمل ..
آ ه ه ه ه...نظرية المؤامره ..أيوه ..هي نظرية المؤامره..
هو اللي عمل الإفطار ده أو اللي عملوا الإفطار ده مكانش نيتهم يطعموا الغلبان ..لا ..ده كان في نيتهم حاجه تانيه خالص ..بس الحمدلله ...ربنا أتلف لهم عملهم
أولا لو إتكلمنى بهدوء بعيدا عن أسطوانات وكره البلد وحبها والتهم المحفوظة لأي حد يحب ينتقد دي...
متهيألي حضرتك لما أتكلمت عن مشكلة في 150 متر من أصل 12000 متر. يعني مبلوعة شوية رغم إنها مش عادي يعني تعدي علي المستوى التنظيمي. بس ماشي.
لكن حوار إنجاز وإتسجل دا فمعتقدش أبدا إن حضرتك حتى مصدق نفسك في الموضوع دا بعد الفضيحة إلي حصلت.
إذا كانت النية خير وبهدف عمل إنجاز فهي محاولة تحمد, ولكن بما إن الأعمال بخواتيمها - فهي صراحة ختمت بغم وبفضيحة - والتنظيم عامتا هي من ينجح أو يفشل أي شيئ,
فأنا شخصيا أحسب هذا فشل للمحافظ ولو كنت مسئولا لأقلته بسبب هذا الفشل.
حضرتك الكلام بهدوء اكيد احسن
حضرتك لما تتناول مسألة تتناولها من كل جوانبها
مش تختار جزء وتسيب الباقي
عشان متبقاش مغرض
وافتكر علي نفس وزن موضوع اكبر مائدة الإفطار
مان فيه اكبر طبق كشري مثلا وكانت ناجحه مع ذلك محدش اشاد بيها
يبقه لما الاقي ناس بتركز علي السلبيات فقط و تمحور الموضوع حولين مشكله وحيده
اكيد حصل سوء تنظيم ماشي و اكيد حصل همجيه من الناس متوقع
يبقه ان شاء الله لما اقيم الموضوع اديله مثلا 8 من 10 عشان السلبيات ديه
مش اديله صفر
واا انت مش معايا
يا باشا انا شغلتي الادارة.
واحب اقولك ان عمل سنة بنجاح يفسده عمل يوم بفشل.
ولو قيمت الموضوع دا حديله سالب 10 لان صفر قليلة.
وبالنسبة لموضوعات اخري ناجحة لم يعلق عليها فدا شيئ طبيعي لان الناس والاعلام المرئي والصحفيين وقعدات ستات البيوت والرجالة علي القهوه لا يذكرون الا الفضائح.
وعلشان احنا دولة تفتقر للتنظيم مش عارفين نختم عمل.
وعلشان احنا دولة مبتعترفش باخطائها وبتدور علي شماعات. اكيد حتقول الاخوان وراء هذه الفضيحة.
وعلشان الاخوان اغبياء حيفضلوا يلبسوا كدا كتير.
انا بقول اغبياء اقصد سياسيا فقط ودا وارد.
بالمناسبة دي مقارنة ظريفة بين إفطار جماعي مصري حكومي. وإفطار جماعي تركي حكومي أيضا. وأعتقد الفرق مش عايز تعليق.
والله لو أتعملت المائدة دي أهليا بعيد عن الحكومة وكل شارع نظم جزء منها حتكون أفضل من كدا 100 مرة
صناديق الزبالة بتتسرق أول ما تتحط .
و علشان محدش يزعل إنى بأنتقد سلوكيات الشعب نمشيها إن الحكومة بتسرق الصناديق بعد ما تحطها .
الموقف ده حصل أمام البيت عندى :
أول السيسى ما إستلم الرياسة السنة اللى فاتت حى المنتزة جاب 5 صناديق زبالة صاج مجلفن على عجل و حطهم فى مكان ظاهر و تانى يوم الصبح مافيش ولا صندوق منهم و الزبالة مرمية كالمعتاد .
بعد كام يوم نلاقى صندوق منهم خلف محل عصير قصب علشان يجمع فيه زبالة المحل مرة واحدة .تقريبا صاحب المحل إفتكر إن الحى جايبله الصناديق بس العمال حطوها فى المكان الغلط .
الموقف التانى :
فى نفس المكان وضعت محافظة الأسكندرية صناديق عجيبة جدا عبارة عن صندوق مقطورة كامل يتم رفعه مرة واحدة بالسيارة النقل . وهذا الصندوق من الضخامة لدرجة إن طوله حوالى 7 متر و إرتفاعه 2.5 متر .طبعا علشان تنزل شايل كيس زبالة وزنة 5-6 كيلو و تروح لغاية الصندوق مطلوب من المواطن أن يتمرن على رمى الجلة علشان يرمى الكيس جوة الصندوق . كانت النتيجة إن 90% من المواطنين و خصوصا السيدات يضعن الأكياس بجوار الصندوق للسيد النباش علشان ما يتعبش . المفاجأة أن صندوق الحكومة به بوابة من الطرف لها قفل و مفتاح بس متعرفش إزاى السيد النباش دايما معاه مفتاح للصندوق
انا عاوز اعرف فرح ايه بموسوعه جينيس لماا ندخلها عن طريق الاكل
ايه الانجاز في كده بعني
المشكلة الاكبر لما تلاقي شباب متعلم ومثقف فاكر ان ده انجاز ابقى قول على الدنيا السلام
يا باش مهندس ده انت عاوز تعيش في المانيا هههه هتقولهم ايه هناك دخلنا موسوعة جينيس بالمائده
انجاز مشوة من انجازات الفساد المستشري في الحكومة والتي يجب النظر اليها وتطهيرها من مقومات الدولة العميقة وعسي المولي اصلاح الامر وماتبقاش وقعة يستغلها المتاخونون ويشمتوا
إنجاز إيه وسياحة إيه ووضع اقتصادي إيه يابو يحيى ؟!!
انت مصدق الكلام اللي انت كاتبه ده ؟ :)
يعني السياح هيتهافتوا على مصر أفواجا علشان يتفرجوا على المكان اللي اتعمل فيه أطول مائدة إفطار في العالم ؟!
انت محسسني انهم عملوا أطول طيارة أو أطول قطار أو أطول مركز بحثي وتقني
اللي حصل فعليا انهم عملوا أطول زبالة في العالم ودي مفروض تدخل جينيس فعلا معرفش مهتموش بيها ليه ما هي إنجاز برده :)
أحب أضيف لكلام حضرتك إن ده اللي بيسموه ضياع المعنى الحقيقي ..أو غياب المضمون ..هو أهم حاجه إنك دخلت جينيس ..لكن دخلتها بإيه ..مش ده المهم ..المضمون مش مهم .أهم حاجه العنوان ..واحد دخل موسوعة جينيس بأكبر كرش ..أو واحد دخل موسوعة جينيس بأكبر تورته ..أو أكبر طبق كشري ..أو أو أو ..لكن فين المعنى الحقيقي للشئ ..يعني إستفدت إيه من دخولك جينيس بكرشك او طبق الكشري بتاعك أو أكبر قفطان مثلا ؟؟؟...مفيش إجابه ..
حاجات كتير تم تفريغها من معناها أو مضمونها وفي النهاية بنحصل على أفكار سطحيه لا تؤدي للتقدم أبدا
شوربة يا افندم
الحمد لله ودخلنا الموسوعة....
وحققنا انجاز مصري عظيم....يضاف الى الانجازات العظيمة في السنتين اللي فاتو....الله يسميك بالخير يا عبعاطي.....
وايوة بقة داخلين على تحسن اقتصادي مذهل هيغرقنا ..
ولا عزاء للمغرضين الوحشين اللي عايزين يوقعوا البلد...
لله الامر من قبل ومن بعد...
يكفى ان احنا خلصنا من الاخوان الارهابيين .. دا وحده يستاهل الحمد 100 سنة