الموضوع: مطلوب النصيحة من اهل الاوبل فى استرا 2001

مطلوب النصيحة منكم فى اوبل استارا نممواصفاتها كالتالى :
1- موديل 2001 لون فضى موتور 1200 سي سي مانوال بها فتحة سقف وزجاج كهرباء امامى
2- رشة برة نظافة ومن الداخل فبريكة وبها تارة ملتى وكاسيت اصلى شرايط
3- العداد عامل 280 الف كيلو
4- التكييف لا يعمل وبائع السيارة يقول تحتاج شخن للفريون
5- الفتيس بع عضة فى النقلة الاولى لازم تجيب التانى اولا ثم الاول
6- الحالة العامة للفرش والسيارة معقولة والموتور جاب ميه من الشكمان لما كبسنا الموتور
7- السيارة بها رخصة شهرين والبائع معاه عقد بيع مسجل والرخصة باسم البائع الاصلى وهو اول مالك للسيارة كما قالوا
8- المالك الحالى تاجر خضروات فى العبور وربنا فتح عليه وبيشترى سيارة مرسيدس عيون
9- السيارة كانت فى السوق والمالك يريد 45 الف والتجار حاولوا يشتروها ب 43 ولكنه رفض ويبيعون نفس السيارة ب 48 الف
فى انتظار رفع السيارة بعد التفكير للاطمئنان على الاساسيات والموتور
انا سقت السيارة عده مترات وحاسس ان الموتور ضعيف فى الطلعة الاولى

اريد منكم النصائح التاليه :
- هل هذا الموديل كويس وهل هذا الموديل المانى فعلا؟
- هل قطع الغيار فى المعقول ومتوفرة (خاصة الحساسات وكروت الكهرباء)؟
- هل الموتور 1200 ضعيف؟
- هل هذه السيارة لها مستقبل وتعمر ان شاء الله اربع سنوات على الاقل (لانى لست من هواة كثرة البيع والشراء للسيارات)