الموضوع: هو سهل اوي كده تحبس اخوك ظلم

بص يا سيدى الفاضل المواضيع اللى من النوع ده مبحبش احكم فيها"او المفروض محدش يحكم فيها " من غير منسمع الطرف التانى لان غالبا بيبقى فى جزء ناقص فيها ولكن بفرض الموضوع كامل ومفيش جزء ناقص مختفى عن حضرتك وبالتالى عننا يبقى بعد انه يدعى ربنا يفك ضيقته وياخد حقه عليه انه ياخد بالاسباب

اولا موضوع القضيه طالما تعدى بالضرب فدى قصه لو محامى بيفهم بنسبه 60 % حيطلعه منها لان الموضوع لازمله اثباتات واجراءات معينه لو فى غلط فى الاجراءات او الاثباتات دى وطبعا ده اكيد موجود حيطلعه منها بس يخللى باله من الجلسات لان واضح ان محامى اخوه مظبط الناس بتاعت الاخطارات انها متستدلش على العنوان علشان يفوت عليه الجلسات .

ثانيا حضرتك كلامه مع الاخ ده يكون بشكل حاد ولكن ببرود شديد بأن المحامى الجديد بتاعه بلغه ان القضيه فشنك وانه بعد ميخلص القضيه حيرفع عليه قضيه تشهير ويقوله مفيش فلوس ولا غيره غير عن طريق المحكمه

ثالثا خللى زميل حضرتك يشوف امين شرطه فى قسم قريب منه يقعد معاه قعده ويظبطه بقرشين ويحكيله الموضوع ويقوله انه عايز ياخد حقه بالقانون وبغير القانون ويسمع منه وصدقنى حيلاقى حلول عمرنا محنعرف نقولهاله ولا تخطر على بالنا

رابعا خليه يسأل المحامى الجديد اللى حيوكله "ولازم يكون مخه شغال مش دماغ موظف حكومه" لو ينفع يرفع قضيه ابتزاز ويثبت فيها اللى بيحصل سواء بالشهود او بالادله الماديه "اوراق وغيره " علشان تكون قضيه قصاد قضيه .

ربنا يسهل لصاحبك ويفك ضيقته .
تحياتى .