الموضوع: بعمل غلط ؟

المشاركة الأصلية كتبت بواسطة eso101

حاولت كتير .. بس زي ماتقول كدا هوا معتبرني عدوه .. فالواضح إني مش هقدر أغير الفكرة دي
والدي شخصية صعبة .. مش زي بقية الأباء .. كان معيشني في معسكر ولما خالفت مرة أوامره لإنها غلط كلها اعتبرها خيانة وطعنة فضهره
أنا لو عملت اللي هوا عايزه هرجع أعيش في معسكراته ومش هيسمحلي اشتغل لوحدي
أنا كدا مرتاح عديت أصعب مرحلة .. إني عرفت أبعد .. دا أفضل شيء ممكن لحد دلوقتي
بتصل بيه وشوفته لما جه عمره بيحاول أخلي علاقتنا سؤال عن الأخبار و خلاص

هل عندك اخوات ؟ وهل علاقتهم بيه زيك
انا مريت بعلاقه شبه ديه واتذيت منه كتير معنويا واثر عليا يمكن اكتر منك الى ان مرض وكنت معاه لما مرض الى ان توفاه الله
متقطعش اى خيط بيه وتحمل عشان ربنا
اعمل نفسك الغبى وعوم على اللى عاوزه
مش فاهم يعنى ايه تعيش فى معسكراته او انه هياثر على شغلك
حاول تكون دبلوماسى شويه وكل ما تتضايق تفتكر انه لربنا ..انا عارف انه صعب بس ده الصح لوجه الله ..متحاولش تكون مديون لحد متقدرش تعوضه فى الاخره

نصيحة لوجه الله عشان الموضوع ده على قدر من الخطورة
يوجد فرق كبير بين الاكتئاب كمرض عقلى بيأثر على كيمياء المخ و يسبب اضطرابات فى الشخصية. . . زى ال manic depressive disorder و غيره من ال major depressive disorders
و بين الاعراض الاكتئابية اللى كل انسان على وجه الارض بيعانى من احدها او بعضها لمدة قصيرة
الفرق شيئين مهمين. . . ان الاكتئاب كمرض يمتاز بأستمراره لسنوات عديدة و ليس مدة زمنية قصيرة حتى لو امتدت شهور. . . الفرق التانى المهم هم ان الاكتئاب مرض عضال غالبا ما ينتهى بالانتحار و العياذ بالله. . . عسيان كده مش من السهل نقول لحد انه عنده اكتئاب . . .
برجاء الرجوع لطبيب نفسى

الاخوة الاعزاء يا ريت طبيب امراض نفسية يدخل معنا فى الموضوع مش كل اكتئاب يعتبر خطير و مزمن لانه درجات و مراحل و معظمنا يمر بمرحلة منه دون ان نشعر و يتحسن تلقائيا بتغير الظروف و الاسباب اللى تسببت فى حدوثه و المدهش ان هناك ما يعرف ب psychosomatic disorder اى مشكلة نفسية تؤدى الى حدوث اعراض جسمانية مثل الصداع و الشعوربالضعف وربما الكسل و تغير الشهية سواء بالزيادة او النقصان و قد تصل الى اعراض اكثر خاصة الجهاز الهضمى كمرض القولون العصبى و كما قلت المدهش ان فى البلاد الاكثر ثراء و تقدم تقريبا 75% من الحالات المترددة على العيادات الخارجية ترتبط باعراض نفس جسمانية و هى ليست بالشئ الخطير على الاغلب و اتذكر مريض عندى كان يدخل قسم طوارئ القلب مرة او مرتين شهريا بالام شديدة بالصدر مع تعرق شديد و دوخة تصل الى درجة الاغماء و طبعا عمل كل الابحاث المتاحة بدأ برسم القلب و رسم القلب بالمجهود و مسح ذرى و قسطرة مرتين و يتعاطى اكثر من 7 انواع من عقارات القلب المختلفة و بعد فحص دقيق تبين انه يعانى من panic attacks اى الخوف الشديد من مرض القلب و زادت التجارب و الابحاث من شعوره الكاذب بالمرض و بدأت فى شرح الموضوع للمريض و اقتنع بالمتابعة مع طبيب نفسية و الان مر اكثر من سنة لا يتعاطى اى ادوية للقلب و لم يصاب خلال هذا العام بأى ازمة من الازمات التى كان يمر بها لاننا ببساطة under estimate الحالات النفس جسمانية و ان علاجها بسيط بعد اكتشافها مبكرا و ياريت طبيب نفسى يشاركنا فى الموضوع لانى استشارى قلب وهو هيفدنا اكثر