الموضوع: طقطقه ف قوايم فلوينس فيس ليفت

المشاركة الأصلية كتبت بواسطة mlutfy86

السلام عليكم ورحمه الله
استفسار بخصوص فلوينس e3 فيس ليفت
اشتريت العربيه من 9شهور تقريبا عملت بيها 27الف كيلو
بس بسافر ف طريق الصحراوى الغربي
ومن 5 الاف كيلو بدأت العربيه تطقطق كلها خاصه القوايم وانا ماشي علي طريق غير ممهد او مكسر
ف صيانه العشرين بقلهم قالولي ده محتاجه تربيط للابواب وتظبيط للخلوصات
وده محتاج ابو رواش او العبور لسه هروح ف ال30 الف
بس عل دي ممكن تبقي حاجه ف العفشه عشان اخد بالي وشكرا

لأ مفيش حاجة خالص فى العفشة
ممكن برده تجرب حاجة لغاية لما تروح الصيانة: اغسل حلوق الأبواب كويس بقماشة مبلولة و نشف و بعدين اضف فازلين عند المفصلات
اتأكد كمان ان المفصلة المتحركة بتاعت حزام الأمان اللى موجوده فى القايم متوقفة فى وضعها الصحيح...هى بتتحرك علشان تتظبط حسب طول السائق و ليها اماكن ارتكاز...اتأكد انها ثابتة فى احدى هذه الاماكن عن طريق تحريكها لأعلى و لأسفل

تحياتى