الموضوع: حضرتك بتعرف تسوق؟

المشاركة الأصلية كتبت بواسطة sab3aawy

اقول لك ايه مفهوم السواقة فى نظرى بظروف بلدنا

1- انك بتعرف تكون انت والعربية حتة واحدة، لو عايز تمشى بيها على الحبل او تعدى بيها البحر متتبلش مبتلاقيش اى صعوبة، سيطرتك على عربيتك 100% واحساسك بيها 100%

2- انك لا تخلى حد يضرب فرامل ولا تخلى حد يخرج من حارته ولا تخلى حد يتلبخ بسبب وجودك حواليه، تعمل اللى انت عايزه من غير ما حد يحس بوجودك او يتضايق منه

3- انك تعرف توصل بالعربية من نقطة أ الى نقطة ب على ان تكون حالة العربية عند وصولك بها الى نقطة ب هى نفس حالةة خروجك بها من نقطة آ، لا اتخبطت ولا فوتت

+ 10000000

من 3 سنين تقريبا كان في ضيافة عمي صحفي كبير ببريطانيا كان قاعد لمدة اسبوع وتصادف انة كان اسبوع المرور الشهير في مصر الراجل انبهر باللي بيحصل في مصر وقال لعمي انة اول ما :k49:حيرجع بريطانيا حيقترح علي الحكومة هناك انها تعمل زي مصر وتعمل اسبوع مرور تسيب الناس تسوق زي ماهي عايزة بدون ان تراعي قوانين المرور بحرية وفوضي تامة ليقدرو بعدة قيمة القانون ..........طبعا عمي اضطر يفهمة ان دة كان اكتر اسبوع الناس ملتزمة بية

القيادة تتلخص فى الاتى :-
1- ذكاء حاد ( يعنى البنى ادم لازم يكون بيفهم )
2- سرعة بديهه (وتكون بدرجة عالية للغاية )
3- القدرة على التحكم والسيطرة ( لازم الانسان يكون شخصية قيادية )
4- القدرة على الهدوء الدائم والتحكم فى الاعصاب ، حب المعرفة والاستطلاع
5- يجب ان يتحلى السائق بصفات ( الادب والاحترام واللباقة )
6- اللياقة الصحية للقيادة
7- يجب ان تكون فى الاساس محب للسيارات والقيادة بشكل كبير جداً لدرجة الهوايا
8- يجب ان تكون مهندم ومنظم ومنضبط ( صفات شخصية )
9- يجب ان تحب لغيرك ما تحب لنفسك ( صفات شخصية )
10- القدرة على التحمل والعمل تحت ضغط شديد


لو كل ده فيك ساعتها هاتكون سواق جامد جداً

المشاركة الأصلية كتبت بواسطة وائل عطية

مفهومي للسواقة يتلخص في توقع فعل الغير والتأهب باستمرار برد فعل سريع وحاسم بلا خسائر لجميع الأطراف إلا في أضيق الحدود

وانا اتفق معاك وفى نفس الوقت السير بسرعه لا يتضايق منها الاخرون

والله لا أجد ما أقوله بعد ما قرأت هذه المشاركات الرائعة وأفتخر اننى أحد الذين لا يجيدون القيادة فى مصر حيث أننى لا أصل إلى سرعة 100 كم/ساعة إلا فى حالة التخطى على الطرق السريعة كطريق الإسكندرية الصحراوى علما بأن الطائرات تكون على يمينى ويسارى بمختلف أحجامها ، وهناك نقطة هامة كذلك وهى السير بسرعة معتدلة فكما أن السرعات الزائدة شديدة الخطورة فكذلك السرعات البطيئة لها خطورتها وخصوصا على الطرق السريعة فخير الأمور الوسط والاعتدال (وجعلناكم أمة وسطا) صدق الله العظيم الاعتدال والوسطية مطلوبة فى كل أمور الحياة ، وربنا يوصلنا بالسلامة.