سؤال في الدهانات والتكييفات...

**WHATZUP** · 04-07-2015 02:22 PM

ايهما افضل ...دهان الحوائط البلاستيك ...ام استخدام ورق الحائط ...وهل يمكن ازاله ورق الحائط فيما بعد وعمل نوع اخر من التشطيبات....ام لا.....??????......سؤال اخر بعد ازنكم.....هل فعلا لا يوجد قطع غيار لتكييف ال جي......لان احد المهندسين ...قالي انه افضل من شارب....ولكن عيبه لا يوجد قطع غيار له في مصر ...وانه كله تصنييع سعودي ولا يوجد له توكيل في مصر ....هل الكلام ده صحيح..??????

**Abo_Mazen** · 04-07-2015 03:19 PM

هو أنا هرد على حضرتك في الجزئيه بتاعة ورق الحيط ..ولا البلاستيك ..

شوف حضرتك ..اللي بيجاوب على السؤال ده ..حضرتك ساكن فين؟؟؟ ..لو حضرتك من إسكندرية وخاصة من مناطق زي أبو قير مثلا أو العجمي أو الساحل الشمالي ..فبلاش ورق حيط ..عشان هيفك من الحيطه بسرعه وده بسبب الرطوبه والملوحه العالية اللي في الجو في المناطق دي ..إنما حضرتك لو من القاهره أو في أحد الأماكن الجافة اللي ما بتعانيش مثلا من وجود رطوبه فطبعا ورق الحيط أحسن من البلاستيك ..تصميمات وأشكال والوان وشغل حلو جدا ..والكمبيوتر مخلاش ..بس هو طبعا أغلى كتييير عن البلاستيك يجي أربع أضعاف ..

إيه بقى اللي بيتعمل بعد ما بتشيل ورق الحيط عشان تقدر تعمل أي شغل من جديد على الحيطه؟؟ ...دي بصراحه معنديش عنها فكره ..بس اللي فاكره إن كان في واحد ركبه وشاله وكان مركبه على زيت ..يعني الحيطه كانت واخده زيت وركبه هو على الزيت ..إضطر يقشر الحيطه كلها ..ويجيبها على المحاره عشان يقدر يدي زيت تاني

**midoabdeen** · 04-07-2015 04:24 PM

ورق الحائط اغلي نسبيا من الدهانات العاديه
و شيله مش ازمة مجرد ما ترش مياه علي الحيطة وتسيبها شوية مع شوية تجريح فيه يتقشر عادي مش مشكله
بس نصيحة اعمل جنب او اتنين بالكتير كديكور لان مشاكله كتير