سوزوكى سياز vs نيو لوجان

**Dr. Assem** · 09-07-2015 03:37 AM

المشاركة الأصلية كتبت بواسطة ginger

انا هقولك اللى مكتوب فى البروشور بتاع الاتنين علشان معايا
suzuki ciaz ......overall hight 1475

logan.........1517

ده الارتفاع الكلي عن الارض. و ده مهم للي بيركن في جراج سقفه واطي. او حد طويل حبتين

لكن انا اقصد ارتفاع ارضية العربية عن الارض. عشان المطبات و الحفر و المفاجآت السعيدة اللي مالية الطرق بتاعتنا. و دي نقطة ممتازة في اللوجان و محتاج اعرف السياز اخبارها ايه علشان المقارنة تبقى واضحة

**mohamed hatem** · 09-07-2015 11:22 AM

المشاركة الأصلية كتبت بواسطة ginger

استاذ محمد انا لقيتلك موضوع عن اللوجان هاى لاين 2015 و دى اللى انا هشتريها , هسألك شوية اسأله و هتعبك معايا :
1- هى عملت معاك كام كيلو دلوقتى و اخبار التعامل مع التوكيل ايه
2-اخبار التكييف ايه ؟ اداؤه زى ما هو من اول ما جبته و لا قل ؟ و اصلا اداؤه مقارنه بالفيرنا لو ركبتها او بالهيونداى عاما ايه؟
3-حصل معاك اى عيوب من اللى الناس بتقول عليها(قطمة الدريكسيون, سخونه من الدواسات , التكييف بيشبر عند الزجاج الامامى ,....)
شكرا جدا ليك و اسفه على ازعاجك

بصي يا سيدتي لحد دلوقتي هي عامله 6000 ، التوكيل فنيا مجربتوش قوي لان صيانه الالف عاديه مفهاش شغل كتير بس العربيه كانت فرقه طبعا بعدها ، لكن هو زحمه شويه و لازم تظبطي المواعيد كويس ويعتبر ناس تعاملها و تفاعلها كويس
اما من حيث التكييف انا كان معايا قبلها اكسنت وكمان نيسان صني ، وطبعا الهيونداي معروف بتكييفه القوي ، وتقدري تقولي ان اللوجان معقوله هي مش زي الهيونداي بس احسن من الصني بالنسبه ليا ، و الميزه بتاعت الاوتو بصراحه فيه حاجه حلوه جدا ، ومش بيأثر على السحب قوي في السرعات الاولى وطبعا مش بتحسي بيه في السرعات العاليه
انا من حيث العيوب - قطمه الدريكسيون مش عندي خالص - سخونة الدواسات و تشبيرة الزجاج اه بتحصل بس بعد مشوار سفر طويل او لف كتير وده مش عيب قوي لو بصيتي للفئة السعريه والامكانيات اللي انت واخداها قصاد التقفيل المتوسط عشان يقللوا السعر

بصراحه انا كنت في نفس حيرتك بالظبط ، لان كل واحده فيهم فيها مميزات تختلف عن التانيه ، وكانت عجباني السياز ، بس لما حسبتها كفلوس و امكانيات و قطع غيار و انتشار وتوكيل ، طبعا كله راح للوجان
مشكلتنا في مصر ان احنا مش بنعرف نركب العربيه اللي بتعجبنا ... وده بسبب ان ما فيش رقابه تجاريه وفنيه على التوكيلات و لا استيراد العربيات و اجبارهم انهم يوفروا الصيانه و قطع الغيار زي بره

**Hisham_1** · 09-07-2015 07:36 PM

السياز

**ginger** · 10-07-2015 05:08 AM

المشاركة الأصلية كتبت بواسطة dr. Assem

ده الارتفاع الكلي عن الارض. و ده مهم للي بيركن في جراج سقفه واطي. او حد طويل حبتين

لكن انا اقصد ارتفاع ارضية العربية عن الارض. عشان المطبات و الحفر و المفاجآت السعيدة اللي مالية الطرق بتاعتنا. و دي نقطة ممتازة في اللوجان و محتاج اعرف السياز اخبارها ايه علشان المقارنة تبقى واضحة

مش عارفه , بس اللى اعرفه اللوجان اعلى فعلا

**ginger** · 10-07-2015 05:10 AM

المشاركة الأصلية كتبت بواسطة mohamed hatem

بصي يا سيدتي لحد دلوقتي هي عامله 6000 ، التوكيل فنيا مجربتوش قوي لان صيانه الالف عاديه مفهاش شغل كتير بس العربيه كانت فرقه طبعا بعدها ، لكن هو زحمه شويه و لازم تظبطي المواعيد كويس ويعتبر ناس تعاملها و تفاعلها كويس
اما من حيث التكييف انا كان معايا قبلها اكسنت وكمان نيسان صني ، وطبعا الهيونداي معروف بتكييفه القوي ، وتقدري تقولي ان اللوجان معقوله هي مش زي الهيونداي بس احسن من الصني بالنسبه ليا ، و الميزه بتاعت الاوتو بصراحه فيه حاجه حلوه جدا ، ومش بيأثر على السحب قوي في السرعات الاولى وطبعا مش بتحسي بيه في السرعات العاليه
انا من حيث العيوب - قطمه الدريكسيون مش عندي خالص - سخونة الدواسات و تشبيرة الزجاج اه بتحصل بس بعد مشوار سفر طويل او لف كتير وده مش عيب قوي لو بصيتي للفئة السعريه والامكانيات اللي انت واخداها قصاد التقفيل المتوسط عشان يقللوا السعر

بصراحه انا كنت في نفس حيرتك بالظبط ، لان كل واحده فيهم فيها مميزات تختلف عن التانيه ، وكانت عجباني السياز ، بس لما حسبتها كفلوس و امكانيات و قطع غيار و انتشار وتوكيل ، طبعا كله راح للوجان
مشكلتنا في مصر ان احنا مش بنعرف نركب العربيه اللي بتعجبنا ... وده بسبب ان ما فيش رقابه تجاريه وفنيه على التوكيلات و لا استيراد العربيات و اجبارهم انهم يوفروا الصيانه و قطع الغيار زي بره

استاذ محمد شكرا ليك جدا و ربنا يباركلك فها و يكفيك شرها

**ahmzd** · 10-07-2015 09:38 AM

يا جماعة اللوجان الجديدة دي مش عاجباني خالص لا شكلا ولا موضوعا، أنا كنت اميارح في معرض عربيات وسمعت صوتها وهي شغالة، كأنها عربية جاز مش بنزين!! بصراحة أنا رأيي إن السياز أحسن منها في كل حاجة.. مع احترامي لآراء الجميع.. والله أعلم.