الى الاستاذ احمد فهمى والاستاذ فادى وكل الى بيفهم

**اوبل 2** · 11-07-2015 12:54 AM

كل عام وانتم بخير وكل اعضاء المنتدى عربيتى فكترا 97 عاملة 133000 وكنت بستخدم زيت موبل 3000 وبعد ما اعضاء كتير شكرو فى زيت شل قلت اغير الى شل جبت شل الاحمر 20/50 اشتغل زى الفل وغيرت على 1500 كيلو وبكدة اتخلصت من بقايا زيت موبل وجبت شل الاصفر15/20اشتغل معايا اول 1000 كيلو تمام ومن فترة العربية بتسحن وصوت المتور عالى وكمان صوت بلف التكيهات ممكن يكون الزيت درجة لزوجة خفت انا راجع لزيت موبل تانى بصراحة اخى معاة فكترا 2002 وسفر على طوووووول والعربية بتعمل حوالى 3000 كيلو فى الشهر وماشى مع موبل من سنيين /السؤال هنا ارجع لموبل او ممكن حد يقولى على زيت مخصوص للاوبل ولا اية الحكاية بالضبط وشكرا

**haisam ali** · 11-07-2015 05:55 AM

ارجع لزيتك القديم .... موضوع الزيت ده قصه طويله ... شوف اللى يناسب موتورك وظروف تشغيل عربيتك وحطه ... وانت كنت مرتاح مع موبيل ليه تغير !
انا كان معايا اوبل فيكترا b موتور ٢٠٠٠ سى سى ... شيل الأصفر ده كان بيتبخر جامد جدا وكان بينزل فى البوابه بالعبيط وزعلنى فى صوت الموتور ... بطلتهوحطيت زيت موبيل xhp وظبط معايا جامد جدا .

**haisam ali** · 11-07-2015 05:00 PM

المشاركة الأصلية كتبت بواسطة medoshalan

طب دلوقتى يا باشا انا معايا اوبل فيكترا 1600 سى سى موديل 2000 عندى مشكله ان الزيت بينقص فعلا بعد 1000 كيلو وساعات بعد 1500 كيلو انا بستخدم شيل 3000 الاصفر على ما اغير على 2500 بيكون نقص نص كيلو او كيلو الا ربع بس مؤخرا من تغيرتين كده الزيت نفس معدل النقصان ثابت بس فيه دخنه بيضاء لما بزود بنزين جامد ممكن حضرتك تفيدنى تكون مشكله ايه ولا كده الماتور فيه مشكله مع ان الصوت والسحب مفيش اى مشاكل واى حد جرب العربيه فاهم شويه بيقولى اكيد عيب زيت الماتور لو فيع مشكله مكنش هيبقى ناعم بالطريقه دى ولا ايه راى حضرتك

دخان ابيض ده موضوع طويل شويتين :-
لو بيظهر مع حضرتك اول ماتدور العربيه الصبح وبعد ما العربيه تسخن كويس يروح مايظهرش يبقى ده عيب جلد صباب
لو بيظهر مع حضرتك فى نص اليوم او فى وقت مع دوسه البنزين الجامده وتلاقيه ريحته نفاذه يبقى للأسف عيب شنابر غرفه الحريق او بالبلدى شنابر البساتم
وانصح حضرتك تروح تكشف عليها برضه عند ميكانيكى شاطر لان الكلام شفوى كده ماينفعش وبالتوفيق باذن الله

**اوبل 2** · 12-07-2015 07:59 PM

كال العادة مفيش ردوود تنور اوتنصح لا من الاعضاء او المنسقين ودى ضاهرة خطييييرة فى المنتدى بثتثناء العضو هيثم تفضل مشكورا بالرد خلينا فى المهم انا نزلت زيت شل الصفر 5000 بعد 1000 كيلو بدا المحرك يسخن صوت بلف التكيهات عالى كل شوية بصوت شكل مع ان فى اول 1000كيلو كان ممتاااااااااااااذ وعلى فكرة انا شارى من مركز معتمد علشان محدش يقول مضروب بعد ما نزلت الزيت غيرت فلتر اصلى g m وجركل زيت موبيل وكانت النتيجة كل الامور رجعت الى الوضع السليم نعومة متناهية قلت بردو دة مش حكم ذهبت الى العمل اليوم وشغلت التكييف فى هذا الجو رايح جاى كلة تمام والحمد لله ومع ذللك دى تجربتى الشخصية بس ممكن يكون فيها افادة للاعضاء وكل عام وانتم بخير

**K.Ossama** · 16-07-2015 11:47 AM

المشاركة الأصلية كتبت بواسطة اوبل 2

كال العادة مفيش ردوود تنور اوتنصح لا من الاعضاء او المنسقين ودى ضاهرة خطييييرة فى المنتدى بثتثناء العضو هيثم تفضل مشكورا بالرد خلينا فى المهم انا نزلت زيت شل الصفر 5000 بعد 1000 كيلو بدا المحرك يسخن صوت بلف التكيهات عالى كل شوية بصوت شكل مع ان فى اول 1000كيلو كان ممتاااااااااااااذ وعلى فكرة انا شارى من مركز معتمد علشان محدش يقول مضروب بعد ما نزلت الزيت غيرت فلتر اصلى g m وجركل زيت موبيل وكانت النتيجة كل الامور رجعت الى الوضع السليم نعومة متناهية قلت بردو دة مش حكم ذهبت الى العمل اليوم وشغلت التكييف فى هذا الجو رايح جاى كلة تمام والحمد لله ومع ذللك دى تجربتى الشخصية بس ممكن يكون فيها افادة للاعضاء وكل عام وانتم بخير

بالراحة بس علينا يا فندم
اعمل حساب رمضان والصلاة ولخبطة المواعيد فى كل حاجة.....!!!

قول لى بقى الزيت اللى كنت بتستخدمه ده بتاع موبيل مواصفاته ايه؟ والعربية مشيت عليه قد ايه من عمرها؟
وأهم حاجة كمان كتالوج العربية كاتب ايه عن مواصفات الزيت الموصى بها....؟