:cheekkiss5:
عرض للطباعة
مش عارف اتصرفت صح و لاغلط بس الشك دخل قلبي من ناحيه تصرفتهم و تغيير الكلام كل شويه و ان امها مسيطره جدا
بص انا يمكن مريت بموقف مشابه ليك شوية
انا برضة رحت للناس وقولتهم امكانياتى وبمنتهى الصراحة لانى رايح نيتى صافية
وما بقولش مبلغ قليل عشان هم يزودا شوية فاوصل للمبلغ اللى انا عايز لانى مش رايح افاصل
فمثلا قولتهم امكانيتى شبكة ب 15 الف ومؤخر 25 الف
لقيتهم بيقولوا الشبكة مش اقل من 20 والمؤخر دة ما ينفعش نهائى وياريت كدة وبس وحسيت بسخرية شوية من مبلغ الشبكة وقولتهم دى امكانياتى وبامانة نويت انى مكملش اصلا وفعلا البنت كانت محترمة وصعبانة على وساعتها قولتهم هو دة اللى عندى واصلا اسلوب الكلام كانه فصال واسلوب السخرية خلانى نويت انى مكملش
وانا من نفسى تانى يوم اتصلت واعتذرت عن الموضوع كلة ولقيت اسلوب الكلام بتاعهم لما اعتذرت عن الموضوع اتغير نهائى خلاص اللى انت عايزة ومش هنعترض على حاجة بس انا قولتهم اسف مش هكمل لانى كنت صريح جدا وفى ناس مينفعش معاهم الصراحة عايزين يفاصلوا
بعد كدة رحت للناس تانية وقولتهم دى امكانياتى وانا لو امكانياتى اعلى مش هبخل عليها بحاجة قالولى خلاص ومعترضوش على اى حاجة ومزودوش جنية على اللى قولتة لا وكمان قالولى لا لو دة اقصى ما عندك حاول تقلل شوية عشان متضغطش على نفسك والموضوع مشى الحمد لله وبقيت انا من نفسى بشتغل باقصى مجهودى ونفسى اجبلهم احسن من اللى قولت علية باى طريقة عشان ناس محترمة
من الاخر الناس المحترمة بتبان والحمد لله انا الموضوع الاول كنت هكمل فية برضة عشان البنت صعبت على بس كان زمانى ندمان اشد الندم فاوعى تكمل فى موضوع عشان البنت صعبانه عليك لان دية حياة
واوعى تقول البنت مختلفة عن اهلها حتى لو بانت كدة
وللتوضيح مستوى الناس التانين اعلى ماديا واجتماعيا من اول ناس رحتلهم
و الله يا باشا كلامك خفف عني شويه بس انا فعلا الناس دي كنت داخل شاريهم و بعدين اللي عرضته مش وحش و يعتبر الطبيعي و في ناس اعلي منهم رضوا بيه
في كلام انا مذكرتهوش زي مثلا انا قولت للبنت لو البيت اتأثر يبقي تقعدي من الشغل قالتلي ماشي و متقولش لحد بس نجرب الاول نشوفه هيتأثر و لا لأ
لما والدي قال لوالدها الكلمتين دول والدها قال يشوفوا مع بعض راح والدي قاله اني انا هو الشخص اللي هيحكم علي التقصير في البيت علشان ميبقاش في اختلاف و مشاكل
المهم لما كلمتني هي كانت زعلانه اوي اننا اتكلمنا اصلا مع والدها في موضوع الشغل و تقولي ليه اتكلمت فيه المفروض ده حاجه بينا و مكنتش مقتنعه ان المفروض الكلام ده يتم النقاش فيه مع والدها علشان ميحصلش اعتراض في المستقبل
هي صعبت عليا جدا بس طريقه تغيير الكلام و محاوله اقناعي كل شويه اننا بنفهم غلط و مش بنفهم غلط
دي بعد رد امها بعتلتلي و قالتلي بابا وافق علي كل حاجه الا موضوع الشقه و رجعت تاني يوم تقولي بابا مكنش قصده اللي انت فهمته و كان فاهم اني فهمت اني عايز الشقه القريبه منهم و لو منفعش برضه هو موافق علي البعيده
ده اللي قلقني و خلاني احس اني ممكن اتعب معاهم قدام
ربنا يخليك يا باشا علي تخفيفك عني ده كفايه انها كتبت علي ال status بتاعتها حسبي الله و نعم الوكيل بعد ما اعتذرنا عن الموضوع الكلمه دي حسستني اني عملت جريمه و اني ظالم
لا ظالم ولا حاجة
الجواز قسمه ونصيب ..... ولا كل واحد اتقدم لواحده يبقى لازم يتجوزها
ولو ما اتجوزهاش يبقى ظالم ومفترى ...... طبعا ده مش منطق ابدا
هو بس البنات واهلهم عايزين العريس يمشى على مزاجهم وينفذلهم كل طلباتهم وكأن مفيش غير بنتهم
ده انا شوفت العجب ايام مكنت بتجوز والناس عايشه فى الوهم