ظروف ايرلندا ايه

**إنسانة** · 11-07-2015 08:46 PM

السلام عليكم

انا بفكر في الانتقال لايرلندا فيه اشخاص قالولي ان المعيشة هناك افضل من امريكا

والحياة ابسط واكثر هدوء

انا معجبنيش الصخب اللي في امريكا رغم كل مميزاتها

فايه قصة ايرلندا دخولي ليها مبدئيا هيكون كدراسة

بس انا مش دارسة الموضوع كويس ولسه هبدأ بالتفكير الجدي فيه

بس عايزه اعرف الموضوع يستحق البحث ولا غير مجدي

شكرا

**أبو آسر** · 11-07-2015 09:02 PM

وعليكم السلام
أمريكا من أسوأ دول الغرب في تكاليف وظروف المعيشة والغلاء ومليانة عنصرية ويكثر فيها انتهاك الخصوصيات خاصة للوافدين اللي زي حضرتك
أنصحك بألمانيا خاصة لو عايزة تدرسي لأن الدراسة هناك شبه مجانية وسقف الحريات أعلى لكن مشكلتها إن لازم تتعلمي اللغة الألمانية أولا
لكن في جامعات بتدرّس باللغة الإنجليزية أعتقد ممكن تقبلك بدون شرط اللغة لكن على الأقل لازم تكوني عارفة الأساسيات على الأقل علشان تقدري تتعاملي مع الناس يعني على الأقل يكون معاكي a2 مثلا ويفضل b1

**mrvolt** · 11-07-2015 10:50 PM

امريكا حلم بالنسب ليا
هوا حضرتك دخلتى بغرض الدراسة طب كان ينفع تعملى اقامة هناك ازاى ؟

**wawamoha** · 12-07-2015 01:25 AM

المانيا فيها عنصريه جامده جدااااااااااااااااااااااا ااااااااااااااااااااااااا ا
صاحبي الالماني قاللي انهم بيتعصبمم ضد بعض فمابالك بغيررهم

بس طبعا ده مش معلن و مش معنى كده تانك مش هتاخد حقك ...
ايلارلندا اعرف انهم فقرا و عندهممشاكل كتير برضه ...بس مش متاكد من تاعيش هناك شكله ازاي
اعتقد احسن الدول هولندا او النمسا مش متعصبين

**prof2013** · 12-07-2015 01:25 AM

انصحك بالنرويج
انا حاطتها في الليستا
كل الناس بتشكر فيها والحياه كلها رفاهية هناك ونسبة امان عالية وتعليم مجاني وعلاج ببلاش ودخل مرتفع .......الخ

**prof2013** · 12-07-2015 01:45 AM

المشاركة الأصلية كتبت بواسطة mrvolt

امريكا حلم بالنسب ليا
هوا حضرتك دخلتى بغرض الدراسة طب كان ينفع تعملى اقامة هناك ازاى ؟

عاجبني في امريكا انها مزيج من جميع الاعراق والاجناس وتشيع الثقافات المختلفة
فالحارة اللي انت ساكن فيها هيبقى معاك باكستاني على طالياني على امريكاني على هندي على هندوراسي على مكسيكي على صيني وكذلك ف اماكن العمل والمحلات ودي مميزات لتبادل الثقافات المختلفه وهذه الاختلافات تعمل على تشتت العنصرية كتيرا ان وجدت
فأمريكا اقل عنصرية بكتير عن كندا واستراليا والمانيا ودول اخرى
يعيب امريكا فقط التامين الصحي مش بيغطي تكاليف العلاج غير كده كله تمام من ناحية توفر فرص العمل ومستوى الدخول ..... الخ
غير تنوع الثقافات هناك ايضا تنوع في المناخ عايز تعيش في الثلج عيش ف ميتشجن ولا نيوريورك ولا واشنطن عايز شمس روح فلوريدا ولوس انجلوس وهكذا
افضلها عن كندا واستراليا مليون مرة

من ناحية الاقامة بتعملها عن طريق اللجوء لو سافرت سياحة او دراسة او تتجوز امريكانية

البنت بتاعتي خلاص انتهى امرها طلعت عاهرة من عاهرات جنوب افريقيا سأحكي القصة لاحقا
الافضل التعارف وجها لوجه على الارض اللي ناوي تعيش فيها
وده يأتي عن طريق السفر سياحة واستكشاف المنطقة اولا

**prof2013** · 12-07-2015 01:57 AM

المشاركة الأصلية كتبت بواسطة wawamoha

المانيا فيها عنصريه جامده جدااااااااااااااااااااااا ااااااااااااااااااااااااا ا
صاحبي الالماني قاللي انهم بيتعصبمم ضد بعض فمابالك بغيررهم

بس طبعا ده مش معلن و مش معنى كده تانك مش هتاخد حقك ...
ايلارلندا اعرف انهم فقرا و عندهممشاكل كتير برضه ...بس مش متاكد من تاعيش هناك شكله ازاي
اعتقد احسن الدول هولندا او النمسا مش متعصبين

اؤيدك في نقطة العنصرية فكل من سافر المانيا قال ذلك
كفاية اللغة الالمانية كفيلة انها تخلي الواحد ميفكرش في المانيا اساسا
انا قعدت شهرين اتعلم الحروف بس lol
الكلام ده وانا في سنة 3 كلية

**أحمد كمال** · 12-07-2015 02:14 AM

المشاركة الأصلية كتبت بواسطة أبو آسر

وعليكم السلام
أمريكا من أسوأ دول الغرب في تكاليف وظروف المعيشة والغلاء ومليانة عنصرية ويكثر فيها انتهاك الخصوصيات خاصة للوافدين اللي زي حضرتك

مين قال الكلام ده ؟؟؟؟؟؟

امريكا ارخص مما يمكن بالمقارنة ببلاد تانية كتير ....... الكلام ده مش صح بالمرة

**أحمد كمال** · 12-07-2015 02:16 AM

المشاركة الأصلية كتبت بواسطة prof2013

من ناحية الاقامة بتعملها عن طريق اللجوء لو سافرت سياحة او دراسة او تتجوز امريكانية

اللجوء مش بيتوزع على بطاقة التموين ...... لازم تثبت انك فعلا ملاحق او persecuted ....

تتجوز امريكانية مش ضمان للاقامة ..... لازم تثبت صدق العلاقة ...... و لو سافرت سياحة او دراسة او عمل و اتجوزت في اقل من 6 شهور من وصولك دي بتبقى علامة استفهام كبييييييييييرة أوي عليك و على الزواج ده