الموضوع: حسبى الله و نعم الوكيل فى توكيل دايو بابو رواش

حكايتى باختصار انى اشتريت دايو مستعملى فابريقة بره و جوه و كانت حالتها ممتازة المهم كان عندى صوت طقطقة فى الجانب الشمال بعد ما أخدت مطب سخن على السريع قلت أريح دماغى و أروح التوكيل و بالمرة أركب قطع أصلى لاقيتهم ادونى قايمة طويلة عريضة بحاجات لازم تتغير فى العربية
فرامل + كبالن + مقصات + طبب ميه و شوية حوارات تانى قلت ماشى خلى العربية ترجع زيرو بصراحة وافقت عشان ما بافهمش كويس فى ميكانيكا السيارات مع ان اصحابى حذرونى من الذهاب اليهم بس ساعة القدر يعمى النظر
طبعا هناك خدمة العملاء زبالة ما حدش بيرد على التليفون و لا حد بيقولك حاجة و العربية قعدت 5 ايام و لما رحت أخده قالولى الحق يا استاذ العربية و احنا بنخرجهالك خرطوم الردياتير انكسر لوحده و لازم تغير الرياداتير كله عشان العربية تمشى و الحساب يجمع طبعا قالوا كده و لاقيتهم اختفوا من قصادى و ماكانش قدامى حل غير انى أغيره
و طبيعى باحاول أتصل كل يوم عشان حد يقولى ايه االأخبار و ما فيش فايدة أصلا خدمة العملاء ما بتردش و تلف حوالين نفسك فعشان كده لازم كل يوم أعمل الرحلة السودة ليهم عشان أخد العربية و برده تلاقى كل واحد فى ناحية و لا حد عارف
المهم أخيرا استلمت العربية و يا ريتنى ما أخدتها بعد ما دفعت 3650 جنيه لاقيت صوت العربية عالى قوى و تسريب للميه فظيع مع انهم على كلامهم غيروا طبب الميه طبعا غير ان الصالون من جوه اتعدم عشان البهايم اللى كانوا شغالين فى العربيةكانوا قاعدين يقزقزوا لب و وقعوا شحم و أرف اسود فوق دماغهم على الصالون
و الأهم من ده كله انهم سرقوا جزمة من العربية و كل ماسأل حد كل واحد يقول أنا ما أعرفش و الكل بيتهرب
لا أملك سوى الحسبنه عليهم و على حسام ابو الفتوح
و حسبى الله و نعم الوكيل فيهم فى الفلوس اللى أخدوها و فى العربية اللى خربوها