العربية ما بتدورش !!!

**حسام فتحي** · 15-07-2015 09:41 PM

الأخوة الأفاضل،

نيسان اكس تريل ، غيرت زيت اليوم قبل الفطار وكله تمام، الآن بأدور ما بتدورش. الصوت في آخره زي الماس و الكاسيت عمل reset و طلب الكود بتاعه. البطارية شكلها مش السبب. اي نصائح علشان أعرف أدور او حتي اعرف العيب فين؟ طبعا احنا قبل العيد بيوم يعني كله زحمة و مشغول و ما حدش عايز يسيب ورشته. انا اسكن بالرحال لوحدك يعرف ورشة ممكن تساعد. شكراً لكم.

**mohamed-ahlawy** · 16-07-2015 01:03 AM

انا حصلت معايا نفس المشكلة النهاردة
بس العربية مكانتش بتعمل اي اصوات خالص
و مكانتش بتفتح ولا تكة حتي
و في الآخر طلع عيب بطارية
فشوف حكاية البطارية لو مش كدة شوف بقي الناس هتقولك اية لاني مليش في الحاجات دية
انا بس كنت بحكيلك عن تجربتي

**Mecha** · 16-07-2015 01:52 AM

اكيد عكوا حاجه وقت تغيير الزيت ,عربيه حلوه حلوه ,ايا كان راجع الزيت والميه والقواطيش بمفتاح اربطهم وجرب .ان مدارتش اديها لقطه من عربيه تانيه.دارت حلو خدها مشوار ع السريع لشحن البطاريه .ممكن سبت انوار او كاسيت قايد. طل طله علي سير الدينامو بردك.

**حسام فتحي** · 16-07-2015 02:16 AM

غيرت البطارية و العربية دارت و كله تمام، للاسف موضوع البطارية ده لازم يكون "إذ فجأةً" ما فيش مقدمات خالص .. شكراً للاهتمام والرد.

**Mecha** · 16-07-2015 02:19 AM

مظنيش بطاريه فجاة ,ممكن سبت انوار ,انما جبت بطاريه منين

**حسام فتحي** · 16-07-2015 09:02 AM

من محل في الرحاب و لا اظن ان كان في اي انوار لاني كنت ماشي بالنهار. مش اول مرة تحصل معايا لكن في عربيّات تانية، أدور ما تقومش و تكون البطارية ليها سنتين ونصف و زيادة