الموضوع: مشكلة فى استهلاك بنزين سوزوكي سويفت

السلام عليكم ورحمة الله وبركاتة

جبت العربية من 7 شهور
اول ما جبت العربية كان الاستهلاك الصفيحة بتعمل معايا 110 كيلو رحت لمكنيكي غيرلى فنية فيات 100
لان الى كانت ركبة 135
الصراحه ما حستش بفرق كبير لانها عملت 125 كيلو فى الصفيحة لما رحتله تانى قالى يبقى عاوزه طقم اصلاح كربراتير
جبت طقم اصلاح كربراتير كان فى فنيتين 135 و 94 ركب 2 94 وبعد التركيب حسيت بكركرة جامده والعربية مخنوقة اوى
قام مقلل كهربة العربية وغيرت طقم بيجوهات
وظبط تيكيهات
وغيرت فلتر بنزين فيات ! مش عارف ليه مع ان بتاع السوفت كان موجود

دالوقتى العربية بتعمل معايا فى الزخمة 160 كيلو وعلى الطوالى بتعمل معايا 200كيلو فى الصفيحة

لانى بسمح ان المفروض السويفت موفرة والصفيحة بتوصل ل 250 واكتر على الطوالى
والمشكلة تنك البنزين صغير جدا يعني لما يكون المؤشر على صفر بحط 26 لتر علشان يرجع فل وبخاف على الطرق ما تكملش معايا
فهل فى حلول تانية اقدر اعملها تساعدني !

كمان لما اشغل الكونتاك بسمع صوت تكتكه فى الغالب مضخة البنزين الى فى حوض العربية هل دى فيها مشكلة او عيب