الموضوع: تقرير تفصيلي صيانه ال5000 كيلو سوزوكي التو 2015 مع استفسار للاءعضاء النيو التو2015

تقرير تفصيلي صيانه ال5000 كيلو سوزوكي التو 2015 مع استفسار للاءعضاء النيو التو2015
.................................................. .................................................. ................................
1- التكلفه الاجماليه للصيانه 450 جنيه ....وتفصيليا كالتالي من واقع الفاتوره...
.................................................. .................................................. ........
- صيانه 5000 كيلو 65 جنيه .
- غسيل المحرك 50 جنيه .
- زيت توتال عشرة الاف 240 جنيه.....وعملته 10 الاف لاني عرفت انه احسن من ال5000 وخصوصا العربيه زيرو ومشاويري كتير وبردو هغيرو في صيانه ال5000 القادمه الي عشرة وبصراحه حسيت بفرق ونعومه في اداء المحرك ...
- فلتر زيت سعرة 50 جنيه .
- ضريبه مبيعات 40 جنيه .
- مصروفات اخري 10 جنيه .
- خصم خاص 5 جنيه .
- الاجمالي العام 450 جنيه لا غير .
2- واما بخصوص الاستفسار انه عند عمل الصيانه رفعوا العربيه عرفوا ان العربيه عامله حادثه وانا طبعا مقولتش خوفا من انهم يطلعوا العربيه من الضمان كميكانيكا ولما سالوا قولتلهم ايوة فعلا خبطت في رصيف ...
سالت مهندس الصيانه قال الكوبلن لو متغيرش هيفرك وهنغير المقص ونعمل ترصيص وضبط زوايا ولو مظبطتش هنحتاج نوديها مراجعه لورشه وكتبوا كدا في الفاتورة .......واستشرت اصدقاء قالوا امشي بيها عادي لحد الصيانه الجايه لان فعلا قومت بتغيير المقص الشمال بعد الحادث ....
الرجاء المشورة ماذا افعل الان؟
1- انتظر للصيانه القادمه .
2- اشتري كوبلن شمال ومقص شمال واركبهم خارج التوكيل ؟ وماذا عن اسعارهم وبلد الصنع؟
3- اعملهم في التوكيل فورا ...ويا تري التكلفه تكون كام؟
وعيد سعيد علي الجميع واشكركم مسبقا............

المشاركة الأصلية كتبت بواسطة mohammad isdf

رأيى تستنى الصيانه الجاية وتعملها ف التوكيل وابعد عن فتى الميكانيكية وقطع الغيار غير المضمونة
وبعدين متنزلش الزيت العشر تلاف بعد خمسه .. هتيجى ف موعد الصبانه الجاية الخمس تلاف وهيعملو كل حاجه وهيعدو الزيت انا سالت المهندس لما حطيت الزبت وفالى كده
بس انت اكد عليهم

لسه مش عارفه والله اعمل ايه؟ والل مخليني مهتمه بالموضوع اني بسمع عند السرعات العاليه وخصوصا اثناء تشغيل التكييف بصوت دبدبه كاني راكبه طيارة....وبيقل الصوت لما بقلل السرعه ....فمش عارفه العربيه هتستحمل تستني ولا هتفاجائني بتوقفها وتعطلها في الطريق ويبقي المنظر مش تمام ؟