مدرسة لتعليم القيادة في شبرا

**moramora** · 18-07-2015 05:19 PM

يا جماعة انا من شبرا و عاوزة اتعلم السواقة ( اول مرة )

هتعلم ان شاء الله في مدرسة انا اعرف ( خيري كار _ و خلوصي كار )
لو في حد يعرف مين الاحسن او لو في حد تاني غيرهم
و النظام ازاي
خصوصا عشان الرخصة

وهل هتعلم كويس من المدرسة ولا لا لانة طبعا شبرا السواقة فيها صعبة
خصوصا لو كان لسة بتعلم

رجاء المساعدة

**ahmed.awaad** · 23-07-2015 07:41 AM

المدارس كلها بتعلم الأساسيات بس
هي مدرسة خلوصي كويسة بس لو انتي مبتدأة من الصفر
خدي برنامج السيارة الثابتة الأول
وبعدين خدي برنامج فيرنا (مانوال) خمس حصص

**moramora** · 24-07-2015 05:24 PM

اولا شكرا لاهتمامك

ثانيا انا فعلا مش اعرف حاجة في الموضوع دا
انا كنت عاوزة اعرف كل التفاصيل من اول التعليم لحد الرخصة لاني ان شاء الله هسوق سيارة مانول
انا اعرف ان التعليم العملي علي سيارة 128 مانول
مش عارفة لو الفيرنا احسن
و اية هي السيارة القريبة من الماروتي في سوقتها عشان اتعلم عليها ؟؟
انا كمان عاوزة المكان اللي ممكن يساعدني في الرخصة

**eng_amg** · 24-07-2015 07:05 PM

المشاركة الأصلية كتبت بواسطة moramora

اولا شكرا لاهتمامك

ثانيا انا فعلا مش اعرف حاجة في الموضوع دا
انا كنت عاوزة اعرف كل التفاصيل من اول التعليم لحد الرخصة لاني ان شاء الله هسوق سيارة مانول
انا اعرف ان التعليم العملي علي سيارة 128 مانول
مش عارفة لو الفيرنا احسن
و اية هي السيارة القريبة من الماروتي في سوقتها عشان اتعلم عليها ؟؟
انا كمان عاوزة المكان اللي ممكن يساعدني في الرخصة

ليا رأي...
أنا وإبن خالي من الناس القليلة إلي راحوا مدرسة المرور ودرسوا القيادة نظريا قبل منشوف عربية.
وأعتقد إن معظم إن لم يكن كل الناس الوقتي بتطلع رخصة وهما قاعدين في البيت علشان يعرف فلان بيه أو بيدفع فلوس.
والنتيجة إن معظم الناس الوقتي بيتصرف بمنتهى الغباء والجهل وميعرفش إنه كدا غلطان وكان ممكن يعمل مصيبة لا قدر الله.
كتير بيحصل مواقف معايا ولما أتكلم مع الطرف الآخر بلاقيه معدوش فكرة إنه غلطان. زي إلي يكسر من أقصى اليمين للشمال - وزي إلي مياخدش باله من أجنابه - وزي إلي عمره مبص في المرايات الجانبية - وزي إلي ياخد ملف يروح موسع لليمين وكاسر شمال... وأمثلة كتييييير.. وطبعا ركنة العربية وما أدراك ما الركنة.. وأيضا بيدوكي فكرة كويسة جدا عن الميكانيكا والصيانة

رأيي لو روحتي مدرسة المرور وأتعلمتي هناك حتستفيدي جدااااااا وطبعا حتسهلك كتير في الرخصة.

**moramora** · 25-07-2015 01:30 PM

بالنسبة لمدرسة المرور اية مميزتها عن المدرسة العادية
لانة سمعت ان مدرسة المرور مش بتعلم كويس
و مصاريفها كتير
يعني اية الفرق لو اتعلمت برة في اي مدرسة و روحت امتحن عادي من غير واسطة
و او اتعلمت في مدرسة المرور و امتحنت هيفرق اية