الموضوع: هو انا غلطت و لا ده نصيب

مغلطتش لانك غير مقتنع بالبنت
فيه موضوع تانى واحد مقتنع بواحده ابوها تاعبه و هو عاوز يعمل المستحيل--لو كان موضوع عابر زى موضوعك كنا قلناله كبر دماغك دى مش السفيره عزيزه
انت غير مقتنع بالبنت
كنت عاوز تتجوز و خلاص
عشان كده من اول مطب صغير قفلت الموضوع
انت مش غلطان
يبدو ايضا انك مش مقتنع بجواز الصالونات و عشان كده بتتعامل بشك و وسواس كأنك داخل النار---اهالينا و كتير مننا تزوجوا بهذه الطريقة زواجا ناجحا-----كن صريحا مع نفسك--انت عاوز ايه بالضبط من البنت الى بتتمناها و لما تجيك الفرصة قبل ما تروح او الى هيعرض عليك البنت هيكون هعارف انها مناسبة او لا
مثلا انا كنت عاوز واحدة منقبة--مش هيجي واحد يقول لى حد فلانه و هى مش منقبه
كنت عاوز متعلمة تعليم معين-مش هيجي واحد يعرض عليا واحده مش متعلمه
و فى الاخر انا الى وجدتها
لكن لما اكون مش عارف انا عاوز ايه--الاقى واحده من الشرق اقول ماشى--و تانيه من الغرب اقول ماشى-و امشى فى الموضوع لانى اريد ان اتزوج و خلاص و لانى غير مقتنع هامسك عليها كل موقف انها تربية مش مناسبة لو اهلها بخلاء او طماعين

الفكرة فقط ان تجربتك اللي فاتت مكنش فيها اي معوقات او كعبلة
لكن حضرتك عملت من الحبة قبة واخدت بنصائح مش في محلها للاسف
دلوقتي المفروض ان حضرتك تلاقي تجربة كاملة من مجاميعه
عائلة كاملة وتتحط على الجرح يطيب وحالتهم المادية كويسة
عروسة جميلة مفيهاش غلطة بتحبك ومقتنعة بيك وانت مقتنع بيهم
مفيش اي طلبات من اهلها ومش عايزين مهر ولا مؤخر ولا شبكة ولا قايمة
كل ما تقول حاجة يقولوك حاضر احنا بنشتري راجل
لو ده السيناريو اللي نفسك تلاقيه يبقى حتتعب على ما تلاقيه

المشاركة الأصلية كتبت بواسطة volociximab

مغلطتش لانك غير مقتنع بالبنت
فيه موضوع تانى واحد مقتنع بواحده ابوها تاعبه و هو عاوز يعمل المستحيل--لو كان موضوع عابر زى موضوعك كنا قلناله كبر دماغك دى مش السفيره عزيزه
انت غير مقتنع بالبنت
كنت عاوز تتجوز و خلاص
عشان كده من اول مطب صغير قفلت الموضوع
انت مش غلطان
يبدو ايضا انك مش مقتنع بجواز الصالونات و عشان كده بتتعامل بشك و وسواس كأنك داخل النار---اهالينا و كتير مننا تزوجوا بهذه الطريقة زواجا ناجحا-----كن صريحا مع نفسك--انت عاوز ايه بالضبط من البنت الى بتتمناها و لما تجيك الفرصة قبل ما تروح او الى هيعرض عليك البنت هيكون هعارف انها مناسبة او لا
مثلا انا كنت عاوز واحدة منقبة--مش هيجي واحد يقول لى حد فلانه و هى مش منقبه
كنت عاوز متعلمة تعليم معين-مش هيجي واحد يعرض عليا واحده مش متعلمه
و فى الاخر انا الى وجدتها
لكن لما اكون مش عارف انا عاوز ايه--الاقى واحده من الشرق اقول ماشى--و تانيه من الغرب اقول ماشى-و امشى فى الموضوع لانى اريد ان اتزوج و خلاص و لانى غير مقتنع هامسك عليها كل موقف انها تربية مش مناسبة لو اهلها بخلاء او طماعين

و الله يا باشا كنت مقتنع بالبنت جدا مش زي ما حضرتك متخيل
و كنت متغاضي عن حاجات كتير برضه علشان خاطرها
بس اللي حصل و نظام والدك قال و والدتك مدتش فرصه لوالدتي هو اللي خوفني من المشاكل في المستقبل
انا بحب الناس اللي كلمتها واحده و والله كنت ناوي اكمل لحد ما لقيتهم بيغيروا كلامهم تماما و بيتهمونا ان احنا اللي بنفهم غلط
شكيت في الامر قلت حياتي مع ناس زي دول هتبقي عامله ازاي
ان لما خرجت من بيتهم قولت هما اكيد هيرودوا بالموافقه و لو عايزين المؤخر يعلي هوافق و ا خلص
لكن هما غيروا الموضوع لحاجه تانيه اللي هو موضوع الشقه
مع اني نافشتها مع البيت كذا مره و قولتلها متخليش الموضوع ده يبقي سبب مشكله
انا مش عارف انا عايز ايه علي فكره عايز ناس طيبه كلمتهم واحده و عايزين راجل و عايزين بيت بنتهم يعمر و لو حصلت مشكله بيني و بين بنتهم يبقوا من النوع اللي بيصلح مش بيقومها علي جوزها
عايز بنت جامعيه مش شرط دكتوره و لا مهندسه و خريجه صيدله

المشاركة الأصلية كتبت بواسطة مُصْطٓفٓى

الفكرة فقط ان تجربتك اللي فاتت مكنش فيها اي معوقات او كعبلة
لكن حضرتك عملت من الحبة قبة واخدت بنصائح مش في محلها للاسف
دلوقتي المفروض ان حضرتك تلاقي تجربة كاملة من مجاميعه
عائلة كاملة وتتحط على الجرح يطيب وحالتهم المادية كويسة
عروسة جميلة مفيهاش غلطة بتحبك ومقتنعة بيك وانت مقتنع بيهم
مفيش اي طلبات من اهلها ومش عايزين مهر ولا مؤخر ولا شبكة ولا قايمة
كل ما تقول حاجة يقولوك حاضر احنا بنشتري راجل
لو ده السيناريو اللي نفسك تلاقيه يبقى حتتعب على ما تلاقيه

استاذ مصطفي انا معلمتش من الحبه قبه
حضرتك لما تلاقي الاسلوب ده من بدايه حياتك هتتغاضي ازاي عن اللي واضح وضوح الشمس
ناس بيكدبوك عيني عينك و يقولوا لك انت سمعت غلط و انت فهمت غلط رغم ان الكلام علي الفايبر مع البنت يؤكد ان الفهم كان صح بعباره " بابا وافق علي كله ما عادا الشقه" و الراجل لما جه يقعد يقنعنا انه وافق علي المؤخر و احنا قاعدين " رغم انه قالنا سبنا نفكر و هنرد عليك " و ده سبب الموضوع اللي انا كتبته في المنتدي هنا
الراجل و احنا قاعدين وافق علي الشقه و رجع غير رأيه لما مراته بلغتنا قرارهم " انه وافق علي كل حاجه الا الشقه لازم تبقي قريبه منهم و شوفوا انتوا عايزين تعملوا ايه "
تقوم البنت مكلماني في التليقون بعد ما مامتها طلبتنا و تقولي انت اتكلمت ليه في موضوع الشغل المفروض مكنتش تقول الكلام ده ( تقصد اني كنت متفق معاها ان لو البيت اتأثر تقعد من الشغل ) و اللي حصل ان والدي قال الكلام ده لوالدها
تقولي احنا اتنازلنا من نحيتنا و وافقنا علي المؤخر مش المفروض انت تتنازل شويه لو انت شاري
اتنازل عن حاجه تفرق بتاع 200 الف جنيه !!!!!!!!!!
تقولي انت ازاي لما نزلت من بيتنا مكلمتنيش علشان تفهمني اللي حصل
هو ايه اللي حصل اصلا احنا ناس عرضنا قدرتنا و والدها كان موافق علي المعظم في القعده و رجع غير كلامه
و لما البنت حست من كلامي معاها في التليفون ان الدنيا اتكعبلت رجعوا و قالوا انتوا فهمتوا غلط
طب تحيل لو قالوا احنا غيرنا رأينا مش كان بقي احسن
لكن اسلوب ا نت الي فاهم غلط و انت اللي مش واخد بالك ده يقلق اي بني ادم
انا كنت عمري ما هتعرض لو الراجل قال كلمتين مباشرين احنا كنا عايزين كده و غيرنا راينا علشان بنشتري راجل
لكن اصل والدتك مدتش المدام فرصه تفهما و اصل والدتك فهمت غلط و اصل والدتك مش عارف ايه
تفسرها بأيه دي من الحبه قبه برضه

اه افسره بكده للأسف
قدر الله وما شاء فعل
انسى التجربة ده إطلاقا ومتندمش عليها

المشاركة الأصلية كتبت بواسطة مُصْطٓفٓى

اه افسره بكده للأسف
قدر الله وما شاء فعل
انسى التجربة ده إطلاقا ومتندمش عليها

و الله يا استاذ مصطفي انا مستغرب ردك اصلا حضرتك لو قريت رودوك علي الموضوع هتلاقي انك نفسك كنت في الاول من ا لناس اللي ناقم علي اهل العروسه و بعد ما قولت ان الراجل جالنا غيرت رأيك
احب اقولك بقي ان اصلا عمتي توفت قبل ما نروح للعروسه بيوم و والدي رفض اننا تقولهم او نأجل الميعاد علشان خاطر ميعتبروش انه تهرب
و لما البنت كلمتني بعد ما والدتها ردت علي والدتي بقرارهم انا قولتلها الكلام ده علشان اخليه دليل علي اننا فعلا شاريين
فالراجل استغل الموضوع ده كفرصه و كلمني و قالي عايز اجي اعزي في البيت و لما جه البيت فتح موضوع الجواز و ان احنا فهمنا غلط و بقيه الحوار
لسه عند رأيك برضه

المشاركة الأصلية كتبت بواسطة mody1982

و الله يا استاذ مصطفي انا مستغرب ردك اصلا حضرتك لو قريت رودوك علي الموضوع هتلاقي انك نفسك كنت في الاول من ا لناس اللي ناقم علي اهل العروسه و بعد ما قولت ان الراجل جالنا غيرت رأيك
احب اقولك بقي ان اصلا عمتي توفت قبل ما نروح للعروسه بيوم و والدي رفض اننا تقولهم او نأجل الميعاد علشان خاطر ميعتبروش انه تهرب
و لما البنت كلمتني بعد ما والدتها ردت علي والدتي بقرارهم انا قولتلها الكلام ده علشان اخليه دليل علي اننا فعلا شاريين
فالراجل استغل الموضوع ده كفرصه و كلمني و قالي عايز اجي اعزي في البيت و لما جه البيت فتح موضوع الجواز و ان احنا فهمنا غلط و بقيه الحوار
لسه عند رأيك برضه

انا كنت رافض تصرفهم لكني مكنتش شايف انه سبب للفشكلة إطلاقا
كنت بقولك خد بالك وفكر بطريقة معينة مع الناس ده
لكني محاولتش اني اقفلك منهم اطلاقا
فيه فرق اني اكون عارف ان الطريقة فيه بعض الشوك لكن نهايته وصول للهدف ان شاء الله او اني اقولك متمشيش في الطريق ده
في الزمن ده وارد انه يحصل بعض المشاكل وبنتحاول نتجنبها
بنحاول نعمل سيستم ميخلناش نقع في المشاكل مرة أخرى
وارد انه ميحصلش مشاكل اطلاقا في الخطوبة وتبدأ بعد الزواج
ووارد ان المشاكل تنتهي ويحصل حالة من الوفاق بعد سنتين او تلاتة
لكن اللي مش وارد انك تلاقي مشوار خطوبة وزواج واهل عريس واهل عروسة ودماغات مختلفة وبيئة مختلفة وسن مختلف ودراسة مختلفة وقناعات مختلفة ومستوى مادي مختلف
وميحصلش مشاكل او عقبات اطلاقا

المشاركة الأصلية كتبت بواسطة rotanamasoud

شوف انا بفكر جديا انى اروح مكتب زواج انا عارف ان الفكره مش منتشره فى المجتمع بس انا فعلا كلمتهم وعندهم كتيب مواصفات حتقولى ايه الضامن حقولك استخاره وتوفيق من الله
انا كلمتهم وحروح بعد العيد اشوف
كفايه انك حتدور على المواصفات اللى انت عايزها من ابسطها لاعقدها

الحلول غير التقليدية الموافقة للشرع بتحل مشاكل و انا عرفت مراتي باسلوب غير تقليدى و اعرف زواجات ناجحة كان بدايتها الخاطبة مع انه اسلوب غير تقليدى ايضا