عايز رأيكم بسرعة وضرورى

**sameh65** · 19-07-2015 06:07 AM

النهارده ياجماعة قررت انى اروح اغير زيت فتيس للعربية ( العربية لانوس2 عاملة 110 ألف كيلو) -وكنت واخد القرار انى أغير زيت فتيس موبيل 90 زى الكتالوج مبيقول - بس الصنايعى عرض عليا زيت بترومين 85w-140 فرفضت بشدة ولكن اخذ فى اقناعى ان لزوجة الزيت هذا تبدأ من 85 حتى 140 وده افضل بكتير فى الاجواء الحارة التى نعيشها الآن فى مصر وخاصة عندنا فى المنيا وعندما أصريت على موبيل 90 قال لى أن هذا الزيت على ضمانته وتحت مسؤليته ولو معجبنيش هيغيرهولى على حسابه - المهم اقتنعت بكلامه وقام بفك الكرتيرة ونظفها ووجد الجوان سليم حطله شوية سيليكون وكمان نزل بنزين من الطبه العلويه على التروس عشان يغسلها بعد كده ربط الكرتيره وكان عايز يحط 2كيلو وربع بس انا رفضت وقلت له حط 1.800 ك فقط فوضع ماطلبته منه - وعلى فكره الزيت حطه من جركن أحمر مكتوب عليه بترومين زيت للتروس صناعة مصرية -وأخذ فى المشوار ده 60 جنيه - فأيه رأيكم فى الكلام ده - هل فيه خطورة على الفتيس من الزيت ولا لأ - وهل الفلوس اللى اخدها كتير ولا كويسه - على فكرة انا جربت العربية ولقيت الغيار ناعم ومعقول .. ارجو الرد للأهمية

**zillo** · 19-07-2015 07:56 AM

طبعا كلو غلط في غلط .ازاي تسمع لصنايعي جاهل ,الزيت 85w140 لكوارين النقل التقيل ازاي تحطه لفتيس عربيه صغيره .ايه صب بنزين ؟؟؟ ميعرفش ان البنزين بياكل الجوانات والسيلات الكاوتش ؟؟ .وصدقت انه يضمنه ؟؟ وعاوز يزود عن المطلوب عشان يضرب سيل, دا بيفتح باب خراب عشان تفضل رايح جاي.
في معظم العربيات المنيوال الزيت 75w90 ,وعندك مذكوره 90 تحديدا يبا تشتري له الزيت ويغير حسب طبة المقاس يا تشوف غيره.

**hotmail** · 21-07-2015 01:05 AM

عندي صني 98 غيرت الزيت المانيول بزيت فالفولين نفس مواصفات الكتالوج gl-4 واضفت 3 لتر الفتيس تقل جدا والكتالوج في خانه كميه زيت الفتيس حاطين شرطه (-) مش عارف المفروض احط كام لتر و انزل أد ايه وهل في الفتيس مكان لتصريف الزيت الزائد (level plug) ارجو الرد

**zillo** · 21-07-2015 04:25 AM

gl-4 دي مش لزوجه, زي ما قلت سابقا زيت الجيربوكس لزوجه 75w90 ,
وطبعا في الياباني فيه طبة مقاس تفضل تعبي زيت لحد ما يشر منها وتستني لحد ما يقف وتربط ,يبا كلو تمام .فتيس عربيه صغيره في حدود 3 لتر ومش محتاج تعرف الكمية بالضبط ,طبة المقاس بتؤدي الغرض.