بدء تسليم الدفعة الثانية من الجميلة بريليانس Frv

**hemedah** · 18-11-2008 09:15 AM

يا جماعة انا حاجز من 25 / 10 و لسه ما استلمتش ...
كل الى فى السوق من الدفعة الاولى ... لسه الدفعة التانيه ما جتش
و هما بالفعل سلمو المعارض ... ما سلموش الناس .. عشان يعملو انتشار و سوق سوده فى العربية
بالنسبة للدفعة التانيه .. انا متأكد انها لسه ما وصلتش .. لأن شغلى جنب مينا العربيات فى اسكندرية .. و دى بييجى فيها كل العربيات الاستيراد .. هى دلوقتى فيها برسونا .. و ماروتى .. و جين 2 .. اول لما توصل هبلغكو

**castelo** · 18-11-2008 09:22 AM

thnx ya man

**silver505180** · 20-11-2008 01:43 AM

السلام عليكم.....الجميع هنا فى اسكندرية ذهبوا لاسترداد المقدم بعد الزيادة فى السعر وكذلك لما تأكدوا ان المحرك مش يابانى...رضينا بالهم والهم مش راضى بينا....!!!

**silver505180** · 20-11-2008 02:08 AM

أعزائى ..معظم الاسكندرانية اتفقوا - وانا منهم -على ان نشترى موديل اخر من عند المعرض او يوفرها لنا من اى توكيل آخر..من اى ماركة أخرى..لان الايصال به خصم الف جنيه فى حالة الغاء الحجز..وغالبا لن يطبق هذا لان الناس هنا عاملين دوشة جامدة جدا والمعرض فى حالة غليان منذ ان عرفت الناس بالزيادة...واتمنى ان تحاولوا عدم خصم شىء لانهم هم الذين لم يوفوا بالتعاقد ...تحياتى

**batool2008** · 20-11-2008 11:01 AM

يا جماعة أنا لسة مكلم المعادي موتورز اللي أنا حاجز عنده عشان أسأله على التسليم و أجس نبضه في زيادة السعر

قالي أن السعر بقى 75ألف للي بيحجز جديد لكن اللي حجز قبل كدة مجالوش من البافرية حاجة بتقول إنهم العميل هيدفع فرق السعر

فلو حد ممكن يتأكد من المعلومة دي يطمنا

**castelo** · 20-11-2008 11:11 AM

mazonish el kalam dah sa7

**silver505180** · 20-11-2008 11:20 AM

أعزائى..خلونا إيد واحدة ضدد هذا الإستغلال ..أنا بأفكر نبعت رسائل للصحف مثلا الأهرام - ملحق السيارات و الأخبار -ملحق السيارات أيضا..ووسائل الإعلام مثلا =
ahram@ahram.org.eg
akhbarelyom@akhbarelyom.org
al3ashera@dreams.tv
alkaheraalyoum@orbit.net
baridelgomaa@ahram.org.eg
الناس دى لازم تتفضح

**batool2008** · 20-11-2008 12:24 PM

أعتقد يا أخي إنهم شاريين كل الجرائد و الصحافة و مستحيل جريدة تنشر حاجة إلا بإذن من الشركة
دي بلد بايظة و حاميها حراميها و حسبنا الله ونعم الوكيل

**moustafamoussa** · 23-11-2008 10:29 PM

انا بعت الشكوي و ايصال الدفع علي الفاكس ..
وكلمت الرقم الساخن قالولي ليك الحق في استلام السيارة بالسعر 70000 طالما مكتوب في الايصال و العقد ...
ويارب يوفقنا ....

للإتصال بالجهازتليفونيا : فى حالة وجود شكوى أو إستفسار اتصل على الخط الساخن لجهاز حماية المستهلك 19588
بريديا : تقدم للحصول على الشكوى المجانية من أقرب مكتب بريد من مسكنك.
بالبريد الإلكترونى : info@cpa.gov.eg
بالفاكس : يمكنك إرسال الشكوى بالفاكس على رقم 35380384 (02)
االتقديم المباشر : يمكنك تسليم الشكوى باليد بمقر الجهاز بالعنوان التالى:96 شارع أحمد عرابى – المهندسين - الجيزة