الموضوع: تناقضات غريبه فعلا ... هل الناس دي طبيعيه ؟

المشاركة الأصلية كتبت بواسطة abo_mazen

متهيألي كلامك مش كله صح ..في حالات حضرتك ذكرتها في الموضوع بتاعك ممكن نقول عليها مضطرين ..زي مثلا اللي بيجهز شقته عشان يتجوز ..ما هو نفسه يسافر ومش عايز يقعد في البلد دي ثانيه واحده ..بس يعمل إيه ؟؟..ظروفه منعاه ..ممكن يكون عنده مرض الشعب مثلا ..وعشان كده مش قادر يسافر ..بس في نفس ذات الوقت عايز يتجوز عشان يعف نفسه من المجتمع المنحل اللي إحنا فيه ..وأديك شايف ا لنهارده ..الوصول للزنا ..أسهل من الوصول لميدان التحرير يوم 25 يناير من كل سنة

وفي حالات تانيه ممكن نقول عليها مش فاهمين ..زي اللي متجوز ومش موفق في حياته وعايز يتجوز تاني ..ومش قادر يفهم إن المشكلة فيه هو ..أو إن المشكلة ممكن تظل قائمة لغاية هو بنفسه ما يلاقي ليها حل ..
وإن الجواز تاني مش هو الحل

وفي حالات ممكن نقول عليها مستهبلين ...زي مثلا اللي ظروفه الماديه ضعيفه وبيخلف مره وإتنين وتلاتة وأربعه وخمسه ..هو مش عيب إنه يخلف كتير ..لكن العيب إنه يخلف ويفضل نايم في البيت مش عايز يجيب فلوس ..عاوز تخلف ..إشتغل وهات فلوس عشان تعرف تربي

وفي حالات تانيه ممكن نقول عليها حنجورين جعجاعيين ..زي مثلا اللي قاعد بره وهايم في حب مصر وجمال مصر ..ولما تقوله فعلا تعالى عيش فيها تبص تلاقيه قلب وشه ..أصل مصر اللي هو هايم في حبها وفي جمالها مش موجوده غير في خياله ..لكن مصر اللي موجوده في الواقع مش هي مصر اللي هو بيحبها

وفي حالات تانيه ممكن نقول عليها متبرمجين مش فاهمين ..زي مثلا اللي بيهيم في بيادة الجيش ..وبيبوس التراب اللي بتمشي عليه البياده ..ويحطها فوق دماغه كمان ..وتلاقيه معلق صورة الشيتلاند في بيته وفي القهوه ..ولما ييجي ميعاد تجنيد إبنه أو ميعاد تجنيده يجري ..عشان يدور على واسطه تخلعه من التجنيد ..أهو ده بقى حافظ مش فاهم ..حافظ إن جيش مصر خير أجناد الأرض ..لكن مش فاهم إن ده حديث ضعيف مثلا ..او مش فاهم إن محدش منزه أو محدش معصوم وإن التنزيه لله سبحانه وتعالى فقط

مفيش حد مصطر او مغصوب علي حاجه

اللي معاه شقه تمليك و مش طايق البلد ممكن بكل سهوله يبيعها و يسافر و يتجوز بره مصر

لكن في ناس مستسلمه و مش بتفكر تغير الواقع المقرف

أعتقد ان مرض الشعب نزله علاج اسمه سوفالدي

يا رب يكون بنتيجة و ربنا يشفي كل مريض

أنا متفق تماما فى إن الشعب دة عنده إزدواجية فظيعة فى كل حاجة
ربنا يرحمنا برحمتة

المشاركة الأصلية كتبت بواسطة mk3

هو اللى بيوضب شقه عشان يتجوز..يقدر يهاجر بره مصر ؟
سيبها على الله وركز فى نفسك اى نعم فى تناقضات ..ابدأ بنفسك

انا كانب يوضب شقته مش يوضب شقه

في فرق كبير

اقل شقه في مصر ب 200 الف

المبلع ده يجيللك اقامه في دوله اوروبيه محترمه

بس في ناس مش بتحب تشغل مخها

تحياتي

يعني يبيع الشقة ويروح فين ؟ لا لغة ولا وظيفة يروح يموت هناك
الناس اللي بتشتكي فهي بتشتكي من غلبها الشغل اللي اشتغله لو كان في ددولة تانية كان جاب بدل الشقة 3
ولا كان لقي شقق باسعار توفرله رفاهية او انه ميشتغلش شفتين
اللي مخلف 3 عيال يعمل ايه ميخلفش ليه عشان مش لاقي ياكلهم لا هو لاقي ياكلهم بس طافح الدم لو الشغل والتعب دا في ظروف تانية كان بقي الحال غير الحال
اللي بيدور علي جوازه تانية اش دراك بزوجته ماجايز نكدية ولا مريضة ومخلف منها عيال يعني يطلقها عشان يتجوز غيرها
الناس فيها اللي مكفيها وكل واحد بيشيل قربة مخرومة بتخر علي دماغة
دع الملك للمالك