الموضوع: اثنى عشر عيب خطير بطائرات الرافال

لقد أضحكتنى حقا يا فتي

المشاركة الأصلية كتبت بواسطة eng_amg

توجد إتفاقية كامب ديفيد إلي بتحدد التسليح المصري أن يكون أمريكيا لأن ببساطة يمكن السيطرة عليك تماما إذا كان مع العدو تفاصيل السلاح وتصميمه وتكنولوجيا السلاح.

وبما إن إمريكا عضو من أعضاء الناتو وأيضا فرنسا عضو آخر. فتكنولوجيا السلاح مشاركة بين الأعضاء.

ودا بيفسر إصرار أمريكا علي عمل مناورات سنوية مع دول الناتو وخاصتا ألمانيا وفرنسا لأنهم ينزعان إلي الإستقلال إلي حد ما. (الرافال في فرنسا) (والدولفين في ألمانيا)

أما الروس لا يشاركون تكنولوجيا مع أحد. حتى عملائهم أنفسهم.

ويمكننا أن نرى ما فعله المصريون في 1973 بتطوير طائرات الميح 21 - 17 ومنظومة الرادار السوفيتي تطويرات بسيطة لكن جعلت الكفة تميل بشكل كبير للسلاح السوفيتي علي قدمه الكبير.

اعترض على حضرتك فى بعض النقاط ....

لا اعتقد ان اتفاقية كامب ديفيد نفسها هى التى تحدد نوع السلاح .... و للأسف هذه الاتفاقية تقريبا بنودها سرية و غير معلنة ... و لكن اعتقد ان هذا اتفاق ضمنى

يمكن للعدو السيطرة عليك بمعرفة نوع سلاحك ..... انهى عدو تحديدا ؟؟!!! اسرائيل ؟؟؟ كلام حضرتك صحيح بالفعل ..... انما لو العدو ده امريكا ؟؟!! انسى .... صناديق التحكم السوداء الموجودة فى مختلف الاسلحة لا يتم التعامل معها و لا صيانتها فى مصر ....
بتتبعت زى ما هى للشركة المصنعة فى امريكا ... و ترجع تانى تركب زى ما هى
لا تعرف ايه الى بتعمله و لا اتعمل فيها ايه ... و مش حقول لحضرتك على حكايات كتير و اشاعات كدة عن عدم قدرة تفعيل الاسلحة و الصواريخ الامريكية ... امام الاسلحة الامريكية

تكنولوجيا السلاح ..... فى الغالب ... لا تكون مشاركة الا عند الضرورة و عند المصلحة

و فيه دول كتير عندها ال اف 16 و عندها الرسومات .... بس اتصرف انت فى خامة التصنيع نفسها

سبائك ريش التربينات ( على سبيل المثال ) من الاسرار .... و الغريب انها من الاسرار فى الطائرات المدنية كمان

فلا اعتقد اطلاقا ان امريكا تشارك اى دولة اخرى تكنولوجيا سلاحها ... و ممكن المناورات دى تكون لأسباب سياسية

و بالفعل ... فرنسا تحديدا ... ترى انها الاقدر على قيادة اوروبا و تلجأ الى الانفراد برئيها كلما سنحت لها الفرصة بذلك

المانيا .... اوروبا كلها لسة خايفة من المانيا .... من الى عملته فى الحرب العالمية الاولى و التانية ده غير تاريخها القديم مع كل دول اوروبا تقريبا

و اتفق مع حضرتك ان الروس لا يشاركون علمهم مع اى حد تانى ....

و عذرا ..... ايه التطوير الى طورناه للميج و لمنظومة الصواريخ فى حرب 1973 ؟؟!!

متابع معاك ... و مستمتع بالحوار مع حضرتك

و تقبل تحياتى

لا يوجد باتفاقيه كامب ديفيد ما يحد التسليح المصرى لا نوعا و لا تصنيعا الى بيحده معاهدات دوليه معروفه مش من حقك تشترى نووى او تصنعه مش من حقك تشترى صواريخ متوسطه و طويله المدى او تصنعها احنا بنشترى سلاح و معدات تصنيع سلاح من كل حته بقالنا كتير الغرب عاما يعنى اوروبا و امريكا و من زمان من 2008 تقريبا او قبل كده كنا متفقين على غواصات دولفين المانيه ازاى بقى مينفعش نجيب سلاح غير من امريكا

روسيا بتشارك تكنولوجيا السلاح المتاخره جيل مقابل مادى الهند بتشترى حق التصنيع مع كل صفقه بتعملها مع اى حد بس احنا للاسف لا

المشاركة الأصلية كتبت بواسطة ahmed_eng2001

اعترض على حضرتك فى بعض النقاط ....

لا اعتقد ان اتفاقية كامب ديفيد نفسها هى التى تحدد نوع السلاح .... و للأسف هذه الاتفاقية تقريبا بنودها سرية و غير معلنة ... و لكن اعتقد ان هذا اتفاق ضمنى

مش لازم تكون معلنة ومقروءة. ممكن حضرتك تستشف الكلام دا من عزل أو تهميش أي أحد يحاول تنويع مصادر السلاخ.. أكثر من وزير دفاع حاول وتم تهميشه ومنهم المشير أبو غزالة... هو أول من أدخل الأف 16 وأيضا الميراج 2000 ومنظومة الشابرال والجازيل وأسلحة أخرى.

وكان العضب عليه كبير لأنة طالب بتعمير سيناء وكان ضد هدم الأنفاق تماما لأنها أمن قومي لمصر. وأيضا القشة التى كسرت ظهر البعير حين سعى في تطوير نظام صواريخ متوسط المدى قادر علي حمل رؤوس كيميائية مع العراق.

يمكن للعدو السيطرة عليك بمعرفة نوع سلاحك ..... انهى عدو تحديدا ؟؟!!! اسرائيل ؟؟؟ كلام حضرتك صحيح بالفعل ..... انما لو العدو ده امريكا ؟؟!! انسى ....

مش عارف ليه حضرتك بتفرق بين أمريكا وإسرائيل كعدو؟ هو مين كمل الحرب ضدنا في 1973 عندما أنهينا القوة الضاربة من الجيش الإسرائيلي؟
عندما تحصل أمريكا علي معلومة فإنها تبيت في إسرائيل.. ودا مكتوب بمنتهى الصراحة والوقاحة في مذكرات مكتبة الكونجرس عن حرب 1973

تكنولوجيا السلاح ..... فى الغالب ... لا تكون مشاركة الا عند الضرورة و عند المصلحة

و فيه دول كتير عندها ال اف 16 و عندها الرسومات .... بس اتصرف انت فى خامة التصنيع نفسها

سبائك ريش التربينات ( على سبيل المثال ) من الاسرار .... و الغريب انها من الاسرار فى الطائرات المدنية كمان

فلا اعتقد اطلاقا ان امريكا تشارك اى دولة اخرى تكنولوجيا سلاحها ... و ممكن المناورات دى تكون لأسباب سياسية

و بالفعل ... فرنسا تحديدا ... ترى انها الاقدر على قيادة اوروبا و تلجأ الى الانفراد برئيها كلما سنحت لها الفرصة بذلك

المانيا .... اوروبا كلها لسة خايفة من المانيا .... من الى عملته فى الحرب العالمية الاولى و التانية ده غير تاريخها القديم مع كل دول اوروبا تقريبا

و اتفق مع حضرتك ان الروس لا يشاركون علمهم مع اى حد تانى ....

تكنولوجيا السلاح في الناتو مشاركة من جهة واحدة إلي حد ما لأن امريكا الممول الأكبر لحلف الناتو. وبدون تمويل أمريكا لا يمكن للناتو تطوير شيئ. ودا إلي حصل في طائرات كثير مثل الميراج 5 واليوروفايتر التي مازالت بتكنولوجيا متخلفة إلي حد ما.

و عذرا ..... ايه التطوير الى طورناه للميج و لمنظومة الصواريخ فى حرب 1973 ؟؟!!

ربنا رزقني بعائلة ضباط ومعظمهم شارك في 67 و 73 وطبعا أصدقائي معظمهم ضباط. علشان كدا أقدر أقولك علي مجموعة تعديلات:
* في الميج النموذج الأصلي يحمل صاروخين أرض جو تم تعديل الطائرة بزيادة حافظتين صواريخ أسفل كل جناح
بالإضافة لتانك وقود أمكنها الوصول إلي حدود سيناء الشرقية
بالإضافة لتعديل في نظام التصويب إلي هو بالأساس يدوي.

* في الدبابات تي تم تعديل في ميكانيكا ناقل الحركة في الجنزير أمكنها السير 3 أضعاف المسافة بدون تغيير الجنزير (كان معروف إن نموذج تي يغير الجنزير كل 150 كم.)

* في الرادار كان في هذا العصر إختراع جديد هو (مستودعات الإعاقة) وهو الإسم المستخدم لدى الدفاع الجوي. ببساطة تقوم الطائرات المعادية بالتمويه عن الرادار (المتخلف لدينا) عن طريق قذف عدد من الأجسام المعدنية خفيفة الكثافة حول الطائرة عندما يشعر الطيار بموجات الرادار. فيرصد الرادار الطائرة إلي جانب الأجسام المعدنية (100 نقطة علي الشاشة بدل من نقطة واحدة)
كان التعديل بسيط وهو نوع من المقاومة الكهربائية تضعف إشارة الرادار فلا يعد قادرا إلا علي رصد الجسم الكثيف إلي هو الطائرة.

وهناك تعديلات كثيييييييييييييير جدا

متابع معاك ... و مستمتع بالحوار مع حضرتك

و تقبل تحياتى

أنا أسعد بالنقاش مع حضرتك...

اتمنى ان حضرتك تعمل اقتباس و ترد فى بوست منفصل .... مش جوة البوست بتاعى ... علشان لما اجى اعمل اقتباس لكلام حضرتك مش بلاقى الرد بتاع حضرتك !!!! اعذرنى انا على ادى شوية فى المواضيع دى

انا بالطبع موافق على كلام حضرتك .... و لكن لن اجزم بوجود مثل هذا البند فى الاتفاقية ... طالما هذه الاتفاقية تحت طى الكتمان .....
و بالفعل امريكا احتكرت توريد السلاح لمصر .... و كلمة احتكار لا تعنى 100% من السلاح المستخدم يكون امريكى ... و لكن السلاح المتقدم المؤثر

و شبه متفق معاك على موضوع ابو غزالة ... و اعتقد ان نظام الصواريخ ده هو المعروف بالكوندور

و على ما اتذكر .... ابو غزالة هو اول من طال بان يعتمد الجيش على نفسه فى توفير احتياجاته الاساسية ... و انشأ ما عرف بعد ذلك بجهاز الخدمة الوطنية ... و يهدف الى كفاية الجيش من الاحتياجات الاساسية

حضرتك مفهمتش وجهة نظرى عن موضوع اسرائيل و امريكا .....

فيه فرق بين انك تعرف نوعية و قدرات السلاح المواجه ليك .... و تعرف تتعامل معاه كويس ..... دى اسرائيل ...

و فيه فرق انك متشغلوش اصلا ... او تخليه يشتغل و ينفذ اوامر تانية غير الى انت بتديهاله .... دى امريكا

و انا بتكلم عن الامكانيات الحالية ... كلام حضرتك مظبوط عن حرب 1973 ....

فيه فرق كبير بين امريكا و اسرائيل .... و انا اختلف مع الى بيقول ان اسرائيل بتمشى امريكا زى ما هى عايزة ....
اسرائيل بتنفز جزء من الى عايزاه امريكا .... بمعنى مثلا ان اسرائيل عاوزة تعيش فى سلام فى وطن واحد و جيرانها يحبوها و يساعدوها ..... انما امريكا عاوزة اكتر من كدة

التعديل فى الميج ... ظريف مش وحش ... بس ده تعديل بسيط .... انا كنت فاكر حضرتك حتقولى انهم غيروا حاجات فى دورات الوقود و اسطح التحكم و حاجات مكلكعة
بقية التعديلات جيدة .... و قابلت من ضمن اطقم العمل فى القوات المسلحة .... معلمين ... فنيين و مهندسين ... بس قليلين جدا و مش مسموح لهم فى الايام الاخيرة باللعب فى المعدات

تقبل مرورى

المشاركة الأصلية كتبت بواسطة hilal

يعني السادات دبسنا صح وخلع

الموضوع ده فيه وجهات نظر كثيرة .... فيه ناس بتقول زى حضرتك بالظبط .... ان السادات لبسنا فى الحيط و اتغلع

و فيه ناس تانية بتقول عليه رجل الحرب و السلام و احسن واحد جابته مصر .... بعد عبد الناصر

ده يختلف من وجهة النظر الى حضرتك حتبص للموضوع منه

هو انا ينفع استشف بند مش موجود و هو مش مطبق اصلا :) ياعم محنا شارين سلاح من المانيا و بريطانيا من ايام حسنى يبقى ازاى فى بند بس :) و بعدين دلوقتى لما اشترينا من روسيا و فرنسا راح فين البند ؟