الموضوع: نداء إلى ملاك السياره فورد فيوجن

السلام عليكم ....
من آراء الناس هنا في المنتدى العربيه جميله وربنا يبارك لك فيها مقدما وثبات زي المرسيدس و سحبها حلو و بنزين 92 بدون مشاكل وانا ركبتها في المعرض و هي واسعه من جوا و شكلها جميل و مقدمتها هجوميه في المجمل عربيه ممتازه لماركه عريقه و محترمه و رأيي الشخصي أن فيها عيبين فقط أولا قطع الغيار مش موجوده إلا في التوكيل واعتقد انك هتعمل الصيانات الدوريه ولسه بدري اوى على قصه قطع الغيار دي .
ثانيا اعاده البيع هتكون تعبانه بس اعتقد لو حضرتك مقتنع بالسياره و مريحاك مش تتفكر في اعاده البيع .. عموما ربنا يكرمك فيها وصدقني ماركه محترمه وعربيه شكلها ملفت وحلو اوى وتشبه الفورد موستانج .

اشكرك يا استاذ أحمد على اهتمامك و ردك...أنا نفسى حد بس من اللى اشترى العربية يكلمنا شوية عنها أو حتى اتواصل معاة بالتليفون لأن العربية مش مخوفانى من ناحية الثبات و الفخامة انا خايف بس من حجمها الكبير مع شوارعنا و قلة انتشارها بشكل غريب

ان من ملاك العربيه و اعزورنى ازا ماكنتش بكتب كتير على المنتدى او على الفيس بوك انا العربيه معايه من حوالي ٤ شهور العربيه عالمله معايا الان ٦٠٠٠ كم بحكم انى سافرت كتير الساحل الفتره الى فات انا معايا الفئه الثانيه العربيه بسم الله ماشاء الله على طريق الصحروى مش اقل من ١٨٠ و الثابات حدت ولا حرج فعلا تنافس البى ام و المرسيدس العربيه مريحه جدا فى العفشه العزل بتاع العربيه ممتاز مش بتسمع اى حاجه المتور وهمى فعلا الاوبشن العربيه فيها كل الى هتحتاجه و زياده الفرامل بتاعت العربيه قويه جدا و علشان اطمنك عمرها ما خدت غير بنزين ٩٢

المشاركة الأصلية كتبت بواسطة Waleed_Fathy

الحكم علي قصة الببنزين بدري عليه جدا
6 الاف كم مش رقم اصلا
البيجو 508 عامله معايا 90 الف ببنزين 92

حضرتك عندك حق بس لما تيجى تقارن بين مشاكل حصلت فى الاوبل انسجنيا و ال c180 الجديده مشاكل البنزين حصلت من ٢٠٠٠ الى ٥٠٠٠ و ثانيا الكاتلوج بتاع motor ecoboost فى امريكا بيقول اقل استخدام 92 فا علشان كده ان قلت راى و كمان ان سحب العربيه و صوت الموتور ما اتاثر تماما من ال ٩٢ دا راي مش اكتر