الموضوع: عربيتك من اختيارك

المشاركة الأصلية كتبت بواسطة mankindforce

اعتقد سعرها هيبقى اعلي من ال250 المصري, علي حسب الفئه و الكماليات طبعاً.
المصري كويسه جدا علي فكره, عن تجربه.
ربنا يوفقك.

------------------------------------------------------------------------------------------------
مش بالضرورة لان العربيات اللى بيعدى عليها 5سنوات الناس بتنسي او تتناسي الفرق بين الالماني والمصري وطبعا لو لقيت 250 حالة جيدة تبقي صفقة رابحة لانها اقل من 2000cc والعليا منها فيها كم مدهش من الكماليات وقوة تقريبا 210 او 206 حصان مش متاكد

شكرًا على ذوقك في الرد يا باشمهندس.

أظن أن الأنسب لطلباتك كما تفضل الزملاء هو مرسيدس e (يحدد الفئة والكماليات السعر والحالة طبعًا)، وأود أن أضيف إلى ذلك الاختيار bmw 5، فهي أيضًا سيارة عائلية وليست شبابية كالفئة الثالثة، وربما تحصل منها على حالة أفضل في نفس حدود السعر.

وإن أردت أن تتوسع فيمكنك الرجوع بالسنة قليلًا لعلك تجد مرسيدس s أو bmw 7، ولكن هذا يحتاج إلى بعض الصبر ومداومة على مراجعة المعارض وإعلانات المستعمل حتى تجد سيارة بحالة جيدة.

الاستاذ/Mankindforceاشكرك على التوضيح وخاصة ان فيه معلومات مكنتش اعرفها زي انها فئة واحدة وانها تعتبر كلاسيك ومع ذلك فيها فتحة سقف ومرايات ضم...... لى صديق كان معاه عربية 2011 احتمال قريبة منها كان بيشتكى انها بتحك فى المطبات فهل هذا صحيح ولو صح السبب ان العفشة طرية اكثر من اللازم ولا الخلوص الارضى قليل

الاستاذ/احمد محمد اشكرك على انك هندستنى مع انى طبيب--يلا اهى حاجة للزمن
اقتراحك الفئة eاقتراح مرحب به ومحل اعتبار اما الفئة الخامسة والسابعة وsفقدقتلناهم بحثا ونقاشا فى مواضيع سابقة وبدون الدخول فى تفاصيل فهم مستبعدون تماما مع ان فيهم واحدة فيها اكتر مما احلم به والتانية قريبة منها شوفلنا كمان اقتراح ربنا يكرمك وياريت المرة
دى تكون زيرو عشان نفاضل

حتى المرسيدس يامطبات بلدنا يامفترية وحضرتك بتقول خاصة لو كان المطب مش عريض المطبات العريضة دى فى مواقع معينة بالقاهرة اللى بيمر بيها المسئولين كل يوم لكن غير كدة لو اتولد مطب قانونى عريض الاهالى بيطلعوا بالمعاول ويقطعوله الحبل السرى من ناحيه ويطاهروه من الناحية التانية ويسيبوه ياعينى عضم على اسفلت
شوف لنا اقتراح كمان بس زيرو وهقول لك راىى بعدها

المشاركة الأصلية كتبت بواسطة د.اسماعيل النجار

الاستاذ/احمد محمد اشكرك على انك هندستنى مع انى طبيب--يلا اهى حاجة للزمن
اقتراحك الفئة eاقتراح مرحب به ومحل اعتبار اما الفئة الخامسة والسابعة وsفقدقتلناهم بحثا ونقاشا فى مواضيع سابقة وبدون الدخول فى تفاصيل فهم مستبعدون تماما مع ان فيهم واحدة فيها اكتر مما احلم به والتانية قريبة منها شوفلنا كمان اقتراح ربنا يكرمك وياريت المرة
دى تكون زيرو عشان نفاضل

اعذرني يا دكتور على خلط الألقاب فالعتب على النظر كما يقولون.

بالنسبة للسيارات السيدان الجديدة، فباستثناء المرسيدس والـ bmw فلا أعلم في السوق المصري كله أفضل من هذه السيارات:

• أوبل إنسيجنيا
• سيتروين ds5
• بيجو 508
• فورد فيوجن
• فولفو s80
• فولكس فاجن cc

وكلها في حدود 300 إلى 400 ألف جنيه

المنافس لما سبق من حيث الحجم هو أودي a5 و a6، ولكن السعر يصل إلى حوالي 500 - 650 ألف.

تتفاوت السيارات المذكورة في عناصر القوة والضعف، ولكنها جميعًا تجمع الكثير مما تريده من مواصفات (مع ملاحظة أن السيتروين أصغر قليلًا). وتبقى جميعها في الجملة الأفضل في السوق المصرية في حدود هذا السعر وبلا منازع، والله أعلم.