الموضوع: تجربتي مع سوزوكي التو بعد تركيب جهاز توفير البنزين وزيادة العزم بالهيدروجين

المشاركة الأصلية كتبت بواسطة محمود المليجي

انا قرأت موضوعك يا استاذ ياسر وهو يقول كملخص: استخدام الهيدروجين يوفر في الوقود ولكن يجب ان تعرف الكم المطلوب من الغاز الذي يحتاجة محرك سيارتك ويجب ان يكون التصميم جيد, ويعمل بدون حرارة زائدة, ولم تذكر اي شئ عن العمر الانتاجي للخلية, كذلك لم تذكر التكلفة, علما باني استعلمت عن سعر ارخص استانلس ووجدته غالي, كذلك وهو الاهم, لم تذكر كيفية تأمين الجهاز ضد التلف, او اتلاف المحرك, او الحريق او ما شابه, على العموم انا الجهاز في سيارتي وراضي عن ادائة واداء فريق الدعم الفني اللي اذا اتصلت بيهم ردوا علية مهما كان الوقت, واخيراً انا راضي عن نسبة التوفير التي لا تضر المحرك
خلاصة القول باني: لا امانع من شراء خبرة ناس فاهمة قدمت لي منتج يحقق ما اريد بشكل مستقر ودائم ولا يضر سيارتي ومن واجبني ان ادفع مقابل هذه المنفعة, تحياتي

يا اخي الفاضل اولا شكرا علي اسهامك بالتجربة و تجربتك في حد ذاتها تدعيم لمشروعنا عن الغاز انه مش وهم ولا كذب زي ما ناس اتهمتنا
ثانيا انت لو قريت الموضوع كله بتأني و الردود هتلاقي اننا تناقشنا في كل النقاط تقريبا
كمية الغاز اللي انت محتاجة و كيفية التأمين و التحكم في الخلية و درجة الحرارة و الفولت و الامبير و التوصيل و التصاميم كله دة مغطينه مع الاخوة الاعضاء بس الظاهر انت مقريتش كويس ... بس انت معاك حق في نقطة سعر التكلفة ..لان بصراحة دي مش مشكلتنا ....تكلف زي تكلف دة مشروع للهواة وغير اجباري ...بس اكيد لو انت عملتها بايدك هتكون ارخص و خاصة لو فهمت نظريتها و هاوي و حابب كهربا ...بعد كدة ممكن تكبر وتصغر وتزود و تقلل كمية الغاز و تتحكم في خليتك براحتك حسب قدرة المحرك لان نظرية تصميم مشروعنا مرن قابل للتغيير و التكبير
اما عن رأيي في الفيديو بتاعك فخليتك نسبة انتاجها للغاز قليل جدا جدا لا تتعدي 150 ميلي لتر في الدقيقة ..عندي خلية ممكن بإذن الله تشغلك عربيتك بنسبة 85% يادوب تدور العربية بنزين و بعدها تقلب هيدروجين مع 15% فقط بنزين .. ومازلنا تحت الدراسة و التجارب و حقيقي اتعلمت من تجربتك حاجات كتير
الخلاصة ان مشروعنا مش تجاري لكنه للهواة و اللي حابين الفكرة
تحياتي للجميع

من خبير بالمنتدى لا ضرر اطلاقا من الغاز شرط

المشاركة الأصلية كتبت بواسطة zarif

على فكرة الكلام اللى بيتقال على الغاز دة اشتغلات صنايعية مش اكتر

انا مركب غاز بقالى 8 سنين

وكلمة السر فى المحافظة على الموتور من اى شيى هو الزيت ( فيسكو cng )
الزيت دة مصمم خصيصا من شركة bp للمحركات التى تعمل بالغاز المضغوط والبنزين

لو غيرت الزيت او لو حطيت حتى اغلى زيت موبيل1 هتبدا تظهر معاك المشاكل

والكلام دة من عشرة 8 سنين مع الغاز وسيبك من الهرى اللى بيتقال دى ناس بتسمع وتردد

اما موضوع الحساسات والكمبيوتر له علاج طبعا انا بعتبرها اسرار حاليا

المشاركة الأصلية كتبت بواسطة محمود المليجي

===
تعرفت على صفحة الجهاز على واحد سوري قال انه نجح في تشغيل مولد كهرباء كامل على الهيدروجين ويقدر يشغل المولد 12 ساعة في اليوم بس المولد هيحتاج عمرة كاملة بعد سنة واحدة من التشغيل.

على فكره 12*360=4320 سعه تشغيل كويس لو حيعمر كل سنه بعد اكتر من 4000 ساعه شغل

المشاركة الأصلية كتبت بواسطة محمود المليجي

===
المجهود اللي حضرتك بذلته ضخم يا استاذ ياسر وللاسف معرفتش عنه الا متأخر ولكن, انت سيارتك تعمل بالديزل وكربراتير ودة سهل انك ترفع نسبة التوفير (لانه لا توجد حساسات وكمبيوتر) وبالطبع على حساب تقصير العمر الافتراضي للمحرك الغير مصمم لتحمل كل هذا الكم من الغاز, اما سيارتي فهي حقن الكتروني ولرفع التوفير عندي سيلزمني اجهزة اضافية غالية ومستوردة وانا مش عاوز ازود التكلفة على نفسي, انا راضي بنسبه ال23% مع ضمان عدم تلف الاجزاء الداخلية للمحرك ومع بقاء برمجة السيارة على حالها حتي اذا كنت عاوز ابيعها فقط افك الجهاز وخلاص, وشكراً على نصيحتك وخلي بالك من نفسك, ما تفعله لا يرضي شركات البترول والزيت وقطع الغيار.
تعرفت على صفحة الجهاز على واحد سوري قال انه نجح في تشغيل مولد كهرباء كامل على الهيدروجين ويقدر يشغل المولد 12 ساعة في اليوم بس المولد هيحتاج عمرة كاملة بعد سنة واحدة من التشغيل.

العفو يا استاذ محمود بس فكرتك عن المحرك الديزل خطأ ..مفيش حاجة في الديزل اسمها كاربراتير كل الديزل رشاشات زي الانجكشن في البنزين و اكتر تعقيدا و معلومة ليك ان المحرك الديزل اكثر تعقيدا من البنزين و اشد بأس من البنزين. .. 95% من العربيات الملاكي في اوربا ديزل و اغلى من البزين كل انواع العربيات اللي انت عرفها بنزل منها بنزين و ديزل هنا..والعربيات الحديثة ما تقدرش تعرفها انها بنزين ولا ديزل من نعومتها و قوة ادئها بالاضافة ان المحركات الديزل موفرة جدا يعني ممكن تركب عربية ديزل بمحرك 2000 سي سي مصاريفه للوقود زي عربية بمحرك 800 سي سي بنزين بالاضافة للقوة العربية الديزل
اما عن كمبيوتر السيارات سواء في الديزل او بنزين التكنولوجيا تقريبا واحد بل بالعكس تكنولوجية الديزل اكتر
وكمان في الصفحة عندي في فيديو لشرح فوائد الهيدروجين علي المحرك و تنظيفة للبساتن و اطالة العمر الافتراضي للمحرك..
اضف لمعلوماتك ان الديزل شره للهيدروجين جدا لان الhho يساعد علي حرق الديزل بنسبة كبيرة لكن للاسف لاتقدر باي حال من الاحوال ان تزيد نسبة التوفير اكتر من 30% اما البنزين ممكن تصل الي نسبة 3% لتشغيل المحرك في البداية ثم يتم تحويله الي غاز 97% تشغيل ولذلك بعت العربية الديزل و هشتري إن شاء الله بنزين بعد نجاح الفكرة علي عربية كنت مشتريها للتجارب
موضوع تشغيل مولد كهربة بالهيدروجين فدة سهل جدا جدا بس مش هدفنا من المشروع ...
اما حرب شركات البيترول علي فكرة الهيدروجين كانت زمان لكن حاليا في تكنولوجية حديثة في انظمة الخلايا الهيدروجين الاكثر تطورا نفذت التكنولوجيا علي سيارات بالفعل و قريبا هتنزل الاسواق
اما فكرة خليتنا فهي بداية و متناول الجميع و مش مخترعينها ولا حاجة دي فكرة قديمة جدا جدا من القرن ال 18 تقريبا
بالتوفيق
تحياتي للجميع