تجربتي مع سوزوكي التو بعد تركيب جهاز توفير البنزين وزيادة العزم بالهيدروجين

**محمود المليجي** · 28-07-2015 12:45 AM

السلام عليكم
انا عضو جديد معاكم وحبيت اني اشارككم تجربتي في سيارتي سوزوكي التو 800 سي سي بعد تركيب جهاز توفير البنزين وزيادة العزم والتصارع بالهيدروجين:
بدأ الموضوع من حالي شهر لما عرفت عن مشروع توفير البنزين وزيادة العزم باستخدام الهيدروجين من خلال صفحة على الفيس بوك, هم عاملين شغل كويس ومركبين الجهاز في انواع مختلفة من العربيات, لانسر وهايونداي ورينو, انا بمشي كثير جداً في الشهر والتوفير ولو 10% هيفرق معايا, المهم, رحتلهم وركبت الجهاز وهو عبارة عن زي علبة صغيرة فيها فتحتين واحد بياخد مياة من قربة بتتركب مع الجهاز والتاني بيطلع الهيدروجين وبيتركب على علبة الهواء عندي, الجهاز دة بياخد كهرباء ويحول المياة الي هيدروجين واكسجين, الهيدروجين يتمم الاحتراق والاكسجين يعمل عمل التربو تشارجر, يزود العزم والتصارع, في طبعاً مجموعة صمامات امان, المهم انا بعد ما ركبته فولت العربية اول تكة وصفرت العداد وبدأت احسب على ظروف مشيي العادية, المفاجأة كانت اول تفولية عملت معايا ورفر 19% يعني اللتر عمل 19.8 كيلو, وتاني تفويلة عملت 23% يعني اللتر عمل 20.5 كيلو ماشاء الله, الثالثة بقي عملت 16% يعني اللتر 19.4 كيلو, دة غير ان العزم زاد وضغطتي على دواسة البنزين بقت اقل, دة غير ان الجهاز بيطول عمر زيت الماتور وبيخلي البوجيهات تعيش للابد, بسم الله ماشاء الله على الاختراع دة, خسارة اني عرفت عنه متاخر, بس كل شئ بوقته.
انا صورت الفيديو دة علشان تشوفوه:
[youtube]https://www.youtube.com/watch?v=eJC4B_xgaUw[/youtube]
اي استفسار عن تجربتي انا حاضر

**crazy car** · 28-07-2015 01:22 AM

العربية 800 cc وعاوز توفر كمان :)
عنوان الشركة ايه وصوت الموتور ليه عالى اوى اوى كده والسعر كام

**makarther** · 28-07-2015 02:12 AM

المشاركة الأصلية كتبت بواسطة crazy car

العربية 800 cc وعاوز توفر كمان :)
عنوان الشركة ايه وصوت الموتور ليه عالى اوى اوى كده والسعر كام

أيوه يا ريت بعد إنك تقول لنا عنوان الشركة و سعر الجهاز نكون شاكرين لك جدا و هل بيركب لكل العربيات ؟

**kaza** · 28-07-2015 08:13 AM

جديدة فكرة خلط الهيدروجين بشحنة الحريق طيب الاولي كان النيتروس .....باضحك طبعا بس فكرة وياريت نشوف عنوان الشركة او وسيلة اتصال بها لنعرف اكتر

**محمود المليجي** · 28-07-2015 04:33 PM

المشاركة الأصلية كتبت بواسطة makarther

أيوه يا ريت بعد إذنك تقول لنا عنوان الشركة و سعر الجهاز نكون شاكرين لك جدا و هل بيركب لكل العربيات ؟

عربيتي بتجيب زيت من الموتور ودة صوتها في العادي كمان لانك فاتح الكبوت, لكن في الداخل الصوت كويس, اما عنوانهم هم لهم صفحة على الفيس اهه:
https://www.facebook.com/EgyHydroFuelCell
ومركز التركيب في مدينة 6 اكتوبر, التركيب بياخد ساعة تقريباً والجهاز مضمون سنتين, بس بيعيش 5 سنين على الاقل, اما السعر على حسب السي سي للعربية ونوعها, هيسألوك عن مشيك في الشهر كام كيلو واللتر بيعمل معاك كام كيلو علشان يحددوا نسبة الوفر لك كام في المتوسط.
انا جهازي اتكلف 1200ج, معاه ضمان استرجاع فلوسك مش ناقصة مليم لو الجهاز موفرش معاك في البنزين او محستش بفرق في الاداء.

**mohamed_rhem** · 29-07-2015 07:59 PM

بصيت علي الفيديوهات وبصراحة مش مقتنع

**محمود المليجي** · 30-07-2015 12:00 AM

المشاركة الأصلية كتبت بواسطة mohamed_rhem

بصيت علي الفيديوهات وبصراحة مش مقتنع

طبعاً رأيك يحترم وكل واحد حر, انا اتكلمت عن تجربتي وعن واقع اللي حصل في سيارتي, مش بنقل كلام وخلاص, احنا ممكن نتقابل لو عاوز وتشوف بنفسك ومن ناحية تانية ممكن تسأل عن متوسط اللتر بمشي كام كيلو في السوزوكي التو وتقارنها بارقام سيارتي.

**محمود المليجي** · 30-07-2015 12:13 AM

المشاركة الأصلية كتبت بواسطة rotanamasoud

الموضوع موجود على المنتدى وانا بجمعه خلاص والالى يحب ينفذه بنفسه يتابع معانا (وعشان ميتنصبش على حد تكلفه جهازى 300 جنيه لتشغيل مولد بالكامل)
http://www.nilemotors.net/nile/46711...l-wetcell.html

انا قرأت موضوعك يا استاذ ياسر وهو يقول كملخص: استخدام الهيدروجين يوفر في الوقود ولكن يجب ان تعرف الكم المطلوب من الغاز الذي يحتاجة محرك سيارتك ويجب ان يكون التصميم جيد, ويعمل بدون حرارة زائدة, ولم تذكر اي شئ عن العمر الانتاجي للخلية, كذلك لم تذكر التكلفة, علما باني استعلمت عن سعر ارخص استانلس ووجدته غالي, كذلك وهو الاهم, لم تذكر كيفية تأمين الجهاز ضد التلف, او اتلاف المحرك, او الحريق او ما شابه, على العموم انا الجهاز في سيارتي وراضي عن ادائة واداء فريق الدعم الفني اللي اذا اتصلت بيهم ردوا علية مهما كان الوقت, واخيراً انا راضي عن نسبة التوفير التي لا تضر المحرك
خلاصة القول باني: لا امانع من شراء خبرة ناس فاهمة قدمت لي منتج يحقق ما اريد بشكل مستقر ودائم ولا يضر سيارتي ومن واجبني ان ادفع مقابل هذه المنفعة, تحياتي

**rotanamasoud** · 30-07-2015 02:02 AM

المشاركة الأصلية كتبت بواسطة محمود المليجي

انا قرأت موضوعك يا استاذ ياسر وهو يقول كملخص: استخدام الهيدروجين يوفر في الوقود ولكن يجب ان تعرف الكم المطلوب من الغاز الذي يحتاجة محرك سيارتك ويجب ان يكون التصميم جيد, ويعمل بدون حرارة زائدة, ولم تذكر اي شئ عن العمر الانتاجي للخلية, كذلك لم تذكر التكلفة, علما باني استعلمت عن سعر ارخص استانلس ووجدته غالي, كذلك وهو الاهم, لم تذكر كيفية تأمين الجهاز ضد التلف, او اتلاف المحرك, او الحريق او ما شابه, على العموم انا الجهاز في سيارتي وراضي عن ادائة واداء فريق الدعم الفني اللي اذا اتصلت بيهم ردوا علية مهما كان الوقت, واخيراً انا راضي عن نسبة التوفير التي لا تضر المحرك
خلاصة القول باني: لا امانع من شراء خبرة ناس فاهمة قدمت لي منتج يحقق ما اريد بشكل مستقر ودائم ولا يضر سيارتي ومن واجبني ان ادفع مقابل هذه المنفعة, تحياتي

انا بكتسب خبره انت بتشترى خبره كل واحد يعمل اللى يريحه وانا اعرف اامن جهازى كويس اوى والعربيه وقريبا نتائج تشغيل مولد 2 كيلو 100% هيدروجين ودى حتكون اول خطوه وطموحى التشغيل الكامل 100%للسياره مش مجرد توفير(لوح الاستالس 100*200 ب210 جنيه
(احتمال تكون انت اللى بتبيع وبتسوق للجهاز اصلا ولا الومك لانك بتساعد ناس متعرفش تعمله)