الموضوع: مشكلة في لمبة البِاور في a5 ٢٠٠٨ .. منورة احمر و البِاور فصل فجأة

لمبة البِاور منورة احمر و مش راضية تطفئ و الدركسيون تقيل اوي ( لمبة علي شكل دركسيون منورة احمر في العداد الشمال و بتدي ٣ صفارات تحذير لما أدور العربية .. و الدركسيون تقيل اوي )
دي الحلول اللي حاولت فيها مع العلم انه العربية بتدور عادي و ماشية عادي :
انا فصلت كابل البطارية و استنيت شوية برضه هيا هيا
بصيت علي الفيوزات و الكتاوت هيا هيا
بصينا علي الفيش اللي تحت برضه راكبة و كويسة
و العربية بتدور عادي يعني مفيش تأخير في الدوارة خالص ( يبقي ازاي البطارية ضعيفة ؟؟ )
حركت الطارة يمين و شمال و هي واقفة .. برضه لا
مشيت بالعربية و قعدت أحركها برضه يمين و شمال برضه لا
اخدت مطبات بيها برضه لا
و طبعا ركنتها و قعدت جنبها شوية و بعدين حاولت برضه لا
انا معايا كابل الفاج بتاعها و بعرف اعمل سكان بس مش لاقي السي دي بتاع البرنامج خالص كان معايا و ضاع .. غالبا الصبح هاوديها اكشف عليها كمبيوتر عند حد معرفة و امري لله

.. كلمت طبعا كذا حد اعرفهم بس في توكيل الغردقة و القاهرة اللي قالي علبة دركسيون محتاجة موتور و اللي قالي سكترا ب٧ آلاف جنيه .. ما رأيكم دام فضلكم

الف مبروك ان المشكلة اتحلت والحمدة لله بسيطة
معلش انت كشفت كمبيوتر بكام وعمل ايه بالضبط وشكرا مستنى ردك