بطاريه لفنتازيا 2012

**zaza2020** · 13-08-2015 09:34 AM

السلام عليكم

رجاء الافاده بتغيير البطاريه هل هناك اى اكواد او اعاده ضبط مصنع للسوفت وير عند تغيير البطاريه بما يلزم تغييرها لدى الوكيل ؟؟

ولا ممكن الواحد يغيرها بره عاادى ؟؟؟؟؟؟؟ بدون اى مشاكل فى الكهرباء او سوفت وير الفتيس لان فى واحد بتاع بطاريات وانا بسأله على نوع بطاريه جديد قالى معاك اكواد العربيه

قولتله اكواد ايه ؟؟ قالى هنحاووووووووووووووووول نعملهالك

قلتله هنحاول لا يا عم شكرا اتصلت بالوكيل لقيت البطاريه ب 800 جنيه ليه مش عارف الحقيقه؟؟

**Omar.Shawki** · 13-08-2015 10:57 AM

مفيش اى مشكلة فى تغيير البطارية
هتحتاج تظبط الساعة فقط
وهتلاقى لمبة الباور منورة شوية هتمشى شوية وهتروح او تلف الدركسيون كله يمين وبعدين كله شمال وهتروح

**aymanshebl** · 13-08-2015 12:09 PM

ممكن تغير البطارية و العربية دايرة ما فيهاش مشكلة

**shake** · 13-08-2015 12:09 PM

متابع

**Adnfalcon** · 13-08-2015 05:43 PM

ولا اكواد ولا يحزنون
هتغير البطاريه وتجيب بطاريه 70 امبير فارتا او ac delco
هتلاقي العربيه تمام
بس ممكن تلاقي مكن رفع الزجاج مش شغال
تحلها ازاي ؟؟!!
ارفع الزجاج و نزله 3 مرات لكل باب
هتلاقي المره الرابعه المكن اشتغل

**AHMEDJUDDY** · 14-08-2015 02:42 AM

مفيش أي مشاكل من تغيير البطاريه برا أو جوا التوكيل
ال70 أمبير فارتا الماني .. البلو .. عند ممدوح غطاطي مريوطيه فيصل ب 760 أو 730 جنيه و هيأخد القديمه ب 60 جنيه .. بس سمعت والله أعلم ان البطاريه زي البطيخه أنت و حظك لأن في ناس بتشترى البطاريات القديمه و تفكها و تحطها في كفرات بلاستيك جديده و تبيعها أنها جديده .. فأنا حليت الموضوع ده و ربحت دماغى سألت في ارتوك القطاميه لقيت نوعين من البطاريات ... الأصلي اللي في العربيه و سعرها 1200جنيه
و واحده ثانيه لقيتها ب 800 تقريبا زي ما انت قلت فاروحت التوكيل و جبت أم 800 وبعث القديمه ب 60 جنيه و اكني اجيبها من عند غطاطي و ربحت دماغى و بطاريات التوكيل مافيهاش لعب و لا اكواد ولا حاجه ولو في اكواد أو أي حاجه هما هيعملوها ..
فكر فيها صدقني هتلاقيها هي هي نفس سعر برا ....

**طارق _عبد السلام** · 14-08-2015 03:09 AM

غيرنا البطاريات قبل كده ومفيش موضوع الاكواد ده.............. توكل على الله هات ماركه محترمه انتاج جديد (مهم جدا)

**Eng.Tarek Eladwy** · 16-08-2015 01:59 AM

المشاركة الأصلية كتبت بواسطة zaza2020

السلام عليكم

رجاء الافاده بتغيير البطاريه هل هناك اى اكواد او اعاده ضبط مصنع للسوفت وير عند تغيير البطاريه بما يلزم تغييرها لدى الوكيل ؟؟

ولا ممكن الواحد يغيرها بره عاادى ؟؟؟؟؟؟؟ بدون اى مشاكل فى الكهرباء او سوفت وير الفتيس لان فى واحد بتاع بطاريات وانا بسأله على نوع بطاريه جديد قالى معاك اكواد العربيه

قولتله اكواد ايه ؟؟ قالى هنحاووووووووووووووووول نعملهالك

قلتله هنحاول لا يا عم شكرا اتصلت بالوكيل لقيت البطاريه ب 800 جنيه ليه مش عارف الحقيقه؟؟

السلام عليكم ورحمة الله وبركاتة

غير و مفيش اكواد او اي احتياجات ..
و يمكن التغير أثناء تشغيل السيارة لتفادي نزلة الزجاج من تكة واحدة و رفعة من تكة واحدة
و لتفادي ضبط الساعة
و انصحك بماركة فارتة ال 70 ال silver
تحياتي لحضرتك
م . طارق العدوي