سلامتك يا بشمهندس سمير
ربنا يلطف بيك انا ملاحظة انك بتتعرض لمواقف كتير مشابهة
اوصيك بوصية مسلمة بدعاء الركوب
عرض للطباعة
سلامتك يا بشمهندس سمير
ربنا يلطف بيك انا ملاحظة انك بتتعرض لمواقف كتير مشابهة
اوصيك بوصية مسلمة بدعاء الركوب
الحمد لله يا أ/ سمير
قدر ولطف
وربنا يكتر من الناس المحترمين
إللي يدعموا الواحد في المواقف الصعبة
عشان دايما نحس إننا لسة بخير
وربنا يبعد عنا شر المشاه ... بجد
أكبر أذى ممكن يعترض قائد على الطريق
http://www.nilemotors.net/Nile/showthread.php?t=72705
ودي كانت مشكلة عرضتها على هذا اللينك
لسة حالاَ حاصل موقف بس مش في العربية
كنت قاعد في البيت و لقيت الباب بيخبط، بفتح لقيت المكوجي بيديني المكوة و 7 جنيه !
فا بقوله إيه دول ؟! قاللي أصل لقينا 10 جنيه في البنطلون .
أنا فعلا بأقول الدعاء ده علي طول ده غير المصحف الذي يلازمني منذ أيام الدراسة و حاطه جنبي في العربية و لولا كده كان حصل لي بلاوي بحكم سفري المستمر في طرق مايعلم بها الا المولي عز و جل و ربنا هو الستار
ألف شكر يا (نور القمر - نور العمر - مسلمه) علي مروركم الكريم و ربنا يحفظنا جميعا من شرور الطريق
قبل الحادثة بتاع الكورلا ب 10 دقايق كنت لسه متكلبشه واول مرة اتعرض للموقف ده ومكنتش عارفه اعمل ايه كان يوم حلومن اوله
الحمد لله على كل شيء
لقيت امين شرطة سألته اعمل ايه
قالي اروح كشك المرور ووصف لي مكانه وادفع غرامة 41 جنيه ويرفعوا الكلبش
انا بقه ماشية من غير رخص العربية وطبعا قلقت اروح الكشك لان اكيد هايطلبوها وتوقعت انه ممكن الاقي ظابط مش امناء
عرضت عليه ياخد هو الفلوس ويحل لي الموضوع ده بمعرفته رفض
وروحت الكشك وهناك عصلجوا معايا شوية علشان موضوع الرخصة وبعدين وافقوا وجبتلهم بيانات الرخصة بالتليفون واخدوا اللي فيه النصيب
بصراحة انا احترمت الامين الاولاني جدا
الناس لسه فيها خير بس مش بيظهر الا في المواقف دي
ربنا يحميك وانا عارف الموقف بيبقى صعب جدا
والوقت مش بيسعف انك تدي انتظار او تفادي بدون ما تخبط
فهنا بقى بتيجي اهميه المسافات الآمنة والفرامل القوية
وطبعا ستر ربنا ورحمته في الاول والآخر
بس الحمد لله انا عدت سليمة
وربنا يكفينا واياكم
شر الحوادث والمواقف الصعبة دي
يوم ماكنت راجع من مقابلة المنتدي بالاسكندرية بمناسبة عيد ميلاد المنتدي , و أثناء مروري علي المحور أتلخبطت و حسيت أني عديت المطلع بتاع الدائري فوقفت علي جنب يادوب بعد الفتحة بحوالي 4 متر و اديت انتظار و لسه بأرجع بظهري لاقيت اللي بيخبط لي علي الازاز ببص لاقيت أمين شرطة
- أنا: أيوه خير أن شاء الله
الامين: رخصتك لو سمحت
أنا: ليه كدا ؟؟
الامين: مخالفة , حضرتك ماشي عكسي
- أنا: عكسي ؟؟ فين العكسي ده ؟
الامين: أيوه حضرتك راجع بظهرك
- أنا: و ده عيب و لا غلط؟ أنا ليا الحق أرجع بظهري طول يساوي طول العربية
الامين: تقوم ترجع كل ده , حضرتك رجعت أكثر من 3 متر
- أنا: بسيطة أنزل و نقيس المسافة اللي رجعتها و نقيس العربية و نصور بالكاميرا و بعد كده نروح اللجنة زي ماأنت عايز
طبعا الامين برضه أصر أنه يشوف الرخصة فأعطيتها له , بص فيها شوية و بعدين قالي :
- الامين: حضرتك رايح فين ياباشمهندس
أنا: مروح و رايح الرحاب ممكن تدلني علي مطلع الدائري لو سمحت لأن مافيش يفط تقول الاتجاهات منين و ده السبب أني أتلخبطت , يعني لو غلطان يبقي بسببكوا برضه (و ضحكت)
الأمين: ضحك و قالي حضرتك كنت راجع بظهرك و داخل غلط أنت كنت هاتدخل من الفتحة اللي ترجعك علي الهرم
أنا: يعني أمشي أزاي دلوقتي ؟
الامين: تمشي علي طول الفتحة اللي جاية يمين و توصل بالسلامة
و أداني الرخصة
جيت أديله 10 جنيه الراجل بصراحة رفض و قالي "عيب يا أفندم أنا ماعملتش حاجة" و رفض أنه يأخد حاجة