الموضوع: الشارع المضئ

سبحان الله
عمالة أعصر دماغي عشان افتكر حاجة إيجابية
أول حاجة افتكرتها ... تصدقوا ... لزوجي العزيز
كنا في اسكندرية عند فندق المندرة .. وبيركن بسرعة كعادته
بحكم كونه متمكن .. خبط نوبيرا واقفة سودا ... طبق الباب + لونه بلون عربيته وهي بيضا ...
أنا كنت محرجة مش عارفة حيحصل ايه ... جوزي فضل واقف .. ولاطعنا في الشمس والحر .. في انتظار صاحب العربية يظهر ... عشان يعتذر ويدفع تكلفة رد الباب ...... كان ذوق ذوق ذوق الصراحة
المهم الراجل اضايق على عربيته ... بس موقف زوجي .. لجمه .. وقال كفاية انك انسان محترم واتحملت مسئولية مواجهة الموقف
وطلعوا بلديات في الشغل وفي المحافظة كمان ..... ( ملاكي القاهرة ) ههههههههه

بس خلاص
يا رب افتكر حاجة تاني

شكرا للسادة الاعضاء اللي فكرونا بالموضوع الجميل ده , انا كنت نسيته رغم اني اللي كاتبه بس من كتر الشغل و الهم اللي بأشوفه كل يوم في الطرق كنت خلاص أمنت أن مافيش أمل , مش عارف ليه الوضع بيختلف هنا في نايل موتورز و برجع أحس بالامل و التفاؤل

ياريت كل شوارعنا تبقي نايل موتورز

انا بقي من كام يوم كنت محبوس في شارع سوريا و متعكنن من الزحمة ببص قدامي لقيت عربية أكسنت لازقة ستيكر نايل موتورز واقفة قدامي :) الصراحة إتبسطت قوي

المشاركة الأصلية كتبت بواسطة نور القمر

وده دليل عى حاجة تانية ان اي انسان مهما كان سلوكه فيه نوع من البلطجة الكلمة الحلوة بترضيه وتريحه

الكلام سليم تماماَ لأن البلطجة أصلاَ بتبقي محاولة لإثبات الذات بالعنف .. لكن لو كل إنسان حس إن اللي قدامه بيديلوا التقدير الذاتي اللي محتاجه مش هيبقي فيه بلطجة .

و انا حصلي موقف شبه كدة إن كنت ماشي في شارع العربيات راكنة فيه كذا صف و ضيق و كان فيه توك توك جي معاكس ليا .. و لقيت المكان مش هيعدينا إحنا الإتنين .. فا إستنيت مدخلتش و عديته مع إن كان ممكن أرجعه بضهره لأنه في أول الشارع .. الشاب اللي سايق التوك توك إهتم جداَ بإظهار تقديره لإني عديته و قعدت يشكرني من بعيد و اما عدا من جنبي قاللي 100 100 يا باشا و الله إنت راجل جدع .

بعيد عن إنه شكله مستحماش من قرون و إنه منعكش شعره و شكله بيغير ريقه الصبح علي مية نار و العياذ بالله و لكنه شعر بتقدير إني أديتله أفضلية المرور و أكيد حس بالتقدير ده لأن كل الناس بتكبس عليه و تزنقه لحد ما يحك فيهم و ينزلوا يضربوه بعد كدة و يقولوا أمك و أبوك .. ببساطة لو تعاملنا مع بعض علي إننا جميعاَ بني أدمين الوضع هيتحسن كتير .

المشاركة الأصلية كتبت بواسطة OlaOsman

تحياتي الحارة يا محمود :k49:

شرف كبير لي ان تشرفني "الاستاذة/ علا عثمان" بالمشاركة في موضوعي المتواضع هذا , من زمان لم أر مشاركاتك يا علا

اليوم صباحا كاد أن يحدث لي حادث مروع كان من الممكن ان يكون موضوع لبرنامج "القاهرة اليوم" و "العاشرة مساء"

بأختصار كنت في طريقي المعتاد من الرحاب الي "الماظة" و بعد أن عبرت الكيلو 4و نص بسلام و السيارة أخذت سرعتها كباقي السيارات (80 ككم/ساعة) و عند مستشفي الكهرباء أذا بشخص يتحرك علي عكازين يعبر الطريق فتوقفت له السيارة "الافيو" التي كانت أمامي علي بعد حوالي 10 أمتار فجأة و بدون سابق أنذار فأضطررت الي أستخدام الفرامل بشكل لم يسبق لي من قبل و لاحظت وجود جيب شيروكي خلفي مباشرة فظننت أنها سوف تصطدم بي و لكني عندما أنحرفت جهة اليمين كي أتفادي "الافيو" المتوقفة أذا بي أجد الرجل أمامي مباشرة فضغطت علي الفرامل بقوة أكبر للتوقف السيارة و تميل الي اليمين قليلا و تتوقف الشيروكي و من خلفها طابور طويل من السيارات و قد سمعت أصوات الفرامل و تهيأت لسماع أصوات الارتطامات و لكن.....

الحمد لله لم يحدث أي أرتطام لأننا جميعا كنا نسير بسرعات منخفضة و محتفظين بمسافات بينية أمنة , ليس هذا فقط بل ....
عندما نزلت من السيارة لأتمالك أعصابي وجدت بجانبي من يهدئ من روعي من سائقي السيارات الاخري و أولهم قائد "الشيروكي" الذي قال لي بالحرف:
"الحمد لله جت سليمة و مافيش أصابات و حتي لو حصل كفاية أنك وقفت و ماخبطتش الراجل و ماهمكش أن عربيتك تتخبط من ورا , الله ينور عليك"

هذا ماقاله الرجل حرفيا و أعتقد أن هذا الرجل محترم جدا و عنده تقدير للمسؤلية

فألف شكر له و لغيره من قائدي السيارات المحترمين