الشارع المضئ

**Samir Elshahawy** · 03-12-2008 01:17 AM

بالرغم من الظلام الحالك الا ان هناك دائما بصيص من نور يبعث علي الامل في غد مشرق و انه مهما طال الليل فلابد له من فجر يبدد ظلمته
أحببت أن أقص عليكم موقف مضئ في وسط أحداث مؤسفة تعرضت لها يوم السبت الماضي عندما تعرضت لذلك الحادث الاليم ( راجع موضوع : لاحول و لا قوة الا بالله , اللهم لا أسألك رد القضاء و لكن أسألك اللطف فيه ) , فبعد الحادث تعرفت علي امين شرطة كان متوجها بالصدفة الي مدينة الشروق توقف و جاء معي الي نقطة الشرطة لتحرير المحضر و تولي هو بنفسه كل شئ حتي انه دفع النقود من جيبه لامين الشرطة الذي عاين السيارة و قام تحرير المحضر و عندما أعطيته النقود التي دفعها رفض بشدة و لم ينصرف الابعد ان أطمأن علي و علي قدرتي علي القيادة و العودة وحدي الي المنزل

فتحية واجبة لهذا الامين الذي أعاد لي الثقة بأن هناك رجال شرطة علي خلق و شرفاء يؤدون واجبهم و يلتزمون بخدمة هذا الشعب دون مقابل أو مصلحة

**elassar2010** · 03-12-2008 11:33 AM

انا حهكى علة موقف حصل مع عمى عمى كان جاى من القاهرة لدمنهور علشان نينتى الى هى والدتة طبعا توفت وكان هو جاى بالعربية يوم الجمعة الصبح وكان ماشى على 120وبيزود علشان يلحق يصلى عليها الجمعة المهم فى الطريق قابل لجنة وكان فيها نقيب شرطة وامين شرطة النقيب قعد يقولى انت معدى السرعة وشاف الرخصة وقاعد يفرد نفسة عمى قالة الى عندك اعملة انا ماشى بسرعة وكل متاخرنى هزود فى السرعة علشان الحق اصلى صلاة الجنازة امين الشرطة دخل فى الموضوع وقال للنقيب اديلة الرخص ياباشا خلية يروح يدفن والدتة وخد الرخص من النقيب وعطاها لعمى وعزاة ونصحة كمان ان يهدى لان الوقت معاة وهيلحق كل دة والنقيب مبلم لان امين الشرطة خد منة الرخص وعطاها لعمى يعنى امين الشرطة قدر وحس والنقيب ولا الطراوة

**نور القمر** · 03-12-2008 11:36 AM

حمدا لله على سلامتك بشمهندس سمير
ربنا يعوض عليك

مشوفتش موضوع الحادثة دي قبل كدة يا رب يكون الموضوع بسيط

ممكن اقول لحضرتك حاجة بسيطة لما تيجي تتكلم على عربيتك وتشكر فيها على الملأ ابقى اكتب ماشاء الله
لاني لاحظتك بتشكر فيها كذا مرة

المهم انك بخير

**Samir Elshahawy** · 03-12-2008 02:06 PM

حمدا لله على سلامتك بشمهندس سمير
ربنا يعوض عليك

مشوفتش موضوع الحادثة دي قبل كدة يا رب يكون الموضوع بسيط

ممكن اقول لحضرتك حاجة بسيطة لما تيجي تتكلم على عربيتك وتشكر فيها على الملأ ابقى اكتب ماشاء الله
لاني لاحظتك بتشكر فيها كذا مرة

المهم انك بخير

ألف شكر ليكي يا أخت نور و ربنا مايوريكوا حاجة وحشة و يسترها معانا جميعا , و ان شاء الله الموضوع بسيط و العربية ترجع زي الاول و احسن كمان بس أثرها النفسي هو اللي صعب و خاصة أني بأمر من مكان الحادثة كل يوم تقريبا و لسه اثارها موجودة بالطريق , ربنا يهون علي و يلهمني الصبر و السلوان

ألف شكر ليكي و لكل من واساني و خفف عني فعلا لم أشعر بوحدة و شعرت أن لي أخوة كثيرون بجانبي

**ahmediz2000** · 03-12-2008 02:48 PM

الموضوع بصراحة جامد جدا وبيعطى شيئ من الامل والتفاؤل ... وياريت نكتر من المواضيع اللى زى دى .. لاننا لو ركزنا على السلبيات هتلاقى الدنيا اسودت ومفيش امل ومفيش فايدة وكلام من ده .. عاوزين نركز اكتر على الايجابيات ونقولها ونعمل زيها علشان الدنيا بجد لسه فيها خير بس احنا مش واخدين بالنا

**Samir Elshahawy** · 12-12-2008 02:32 PM

كل سنة و انتوا طيبين و يارب دايما ايامنا كلها اعياد و فرحة و بهجة و سعادة و شارعنا دايما مضئ بالخير و الايجابيات اللي بنصنعها او غيرنا بيصنعها

النهاردة عايز أحكي لكم عن موقف عملته بنفسي

كنت مسافر السويس يوم الاحد الماضي و كنت بصراحة ماشي 140 كم/ساعة و كان أمامي علي اليمين سيارة 128 يقودها رجل كبير يعني في أواخر الخمسينات تقريبا المهم كنت بدات اتخطاه و لاحظت ان سيارته بتقترب من الخط الابيض الفاصل بين حارته اليمين و حارتي الشمال فاخذت شمال شوية و اديتله كلاكس كي انبهه و فعلا عديت من جنبه بسرعة لكن لاحظت حاجة غريبة بعد كده

شوفت ال 128 في المراية و هي بتلف الي اقص اليمين بشدة و بدات تدور حول نفسها و كادت أن تنقلب ثم توقفت بشكل عمودي في الحارة اليمين

علي الفور ضربت فرامل و بدأت اعمل مارشدير و رجعت علشان اشوف ايه اللي حصل للراجل ده و اطمئن عليه و لان كان فيه طابور عربيات جاي علي اليمين اديت انتظار علشان أنبههم لوجود خطر علي الحارة دي و فعلا ابتعدوا عن الحارة اليمين

نزلت من العربية و أطمأنيت علي سائق ال 128 و كان معايا زجاجة مياه أعطيتها له و طوفت معه حول سيارته للاطمئنان عليها و انها بخير و لم اتركه الا بعد أن تمالك نفسه مرة اخري و بدا يتحرك امامي

الحكاية أن عينه غفلت لثانية في الوقت اللي كنت انا باتخطاه من اليسار فلما نبهته بالكلاكس ظن أني سوف أصطدم به فأنحرف بقوة جهة اليمين مما افقده السيطرة علي السيارة بهذا الشكل و الحمد لله انه لم تكن هناك سيارات قادمة خلفه مباشرة و الا كان سيحدث مالا تحمد عقباه

**Casio2000** · 12-12-2008 08:22 PM

في كمين في طريق السويس القاهرة - داخل الكمين و الناس واقفه, لما وصلت عند الامين وقفني. قعدت افكر ثواني كدا و مش قادر افهم انا عملت ايه غلط
- خير؟
- قاللي حزام الامان

اتخضيت لما لقيتني مش لابسه. اصلا بربطه على طول لكن اليوم دا ماتفهمش كنت سرحان لدرجة اني حتى داخل على الكمين و اساسا مش منتبه اني مش رابطه.

المهم نازل متنكد راح الضابط بيقولي -كدا يا استاذ محمد, مش لابس الحزام ليه؟

رديت بكلمتين مش اكتر - انا فعلا ناسيه حضرتك

قاللي اتفضل و راح مرجعلي الرخص و قاللي مع السلامة

**hossameid** · 12-12-2008 08:56 PM

المشاركة الأصلية كتبت بواسطة نور القمر

كان معايا من فترة 127 وكنت بمون وجيت خارجة العربية وقفت ومش راضيه تدور
بتوع النزينه مسألوش فيا يدوب زقوها شويه علشان يوسعوا لباقي العربيات

كان فيه عربيه معدية جنبي فيها شباب واحد نزل يزق معرفتش ادورها معاه
راح خلاني نزلت خالص وهو دورها واصحابه زقوا
حسيت انه انقذني لان اول مرة عربيه تقف مني وحسيت اني متورطة
فضلت مراعيه انها متبطلش تاني في السكة والحمد لله مبطلش غير على ناصية شارعنا واتصلت بقرايبي اتصرفوا فيها

مع كامل احترامى, لو كان شاب هو اللى عطلت بية العربية مكنش حد عبره, هو كدا احيانا الشهامة تتطلع فبلدنا لو المزنوق بنت

**Samir Elshahawy** · 12-12-2008 09:08 PM

مع كامل احترامى, لو كان شاب هو اللى عطلت بية العربية مكنش حد عبره, هو كدا احيانا الشهامة تتطلع فبلدنا لو المزنوق بنت

[grade="800080 800080 800080 800080"]مع كامل أحترامي لسيادتك , كويس أن لو المزنوق بنت الناس بتساعد لكن شوف بره ماحدش بيسأل في المزنوق سواء كان بنت او ولد , مصر برضه لسه بخير طول مافيها ناس جدعة و عندها شهامة[/grade]

**نور القمر** · 14-12-2008 10:13 PM

المشاركة الأصلية كتبت بواسطة hossameid

مع كامل احترامى, لو كان شاب هو اللى عطلت بية العربية مكنش حد عبره, هو كدا احيانا الشهامة تتطلع فبلدنا لو المزنوق بنت

على فكرة مش شرط
مرة كنت سايقه وبابا الله يرحمه راكب معايا والعربية الاكسيل وقفت في النفق الجديد بتاع جنينة الحيوانات
بابا هو اللي زقها وانا كنت واقفه على جنب
وواحد معدي في النفق شاف بابا وزق معاه لحد ما ركنوها في الباركينج بتاع النفق
وبعدين فرضا انهم بيساعدوا البنات اكتر من الشباب ايه المشكلة
ليه ديما ناخدها بسوء نية
مش يمكن بيساعد علشان عارف ان البنت اوالست بتتورط في المشكلة الصغيرة ومش هتعرف تتصرف لوحدها

الموضوع: الشارع المضئ

LinkBack

أدوات الموضوع

عرض

-

شكر واجب -

موقف أيجابي عملته -

-

-

-

المواضيع المتشابهه

60 شخص في الشارع ....!!!!

رجل الشارع

الأطار المضئ

بقع الزيت في الشارع

الشارع المضئ

الكلمات الدلالية لهذا الموضوع

المفضلات

المفضلات

ضوابط المشاركة