الموضوع: الشارع المضئ

المشاركة الأصلية كتبت بواسطة MoToRiZeR

الكلام سليم تماماَ لأن البلطجة أصلاَ بتبقي محاولة لإثبات الذات بالعنف .. لكن لو كل إنسان حس إن اللي قدامه بيديلوا التقدير الذاتي اللي محتاجه مش هيبقي فيه بلطجة .

و انا حصلي موقف شبه كدة إن كنت ماشي في شارع العربيات راكنة فيه كذا صف و ضيق و كان فيه توك توك جي معاكس ليا .. و لقيت المكان مش هيعدينا إحنا الإتنين .. فا إستنيت مدخلتش و عديته مع إن كان ممكن أرجعه بضهره لأنه في أول الشارع .. الشاب اللي سايق التوك توك إهتم جداَ بإظهار تقديره لإني عديته و قعدت يشكرني من بعيد و اما عدا من جنبي قاللي 100 100 يا باشا و الله إنت راجل جدع .

بعيد عن إنه شكله مستحماش من قرون و إنه منعكش شعره و شكله بيغير ريقه الصبح علي مية نار و العياذ بالله و لكنه شعر بتقدير إني أديتله أفضلية المرور و أكيد حس بالتقدير ده لأن كل الناس بتكبس عليه و تزنقه لحد ما يحك فيهم و ينزلوا يضربوه بعد كدة و يقولوا أمك و أبوك .. ببساطة لو تعاملنا مع بعض علي إننا جميعاَ بني أدمين الوضع هيتحسن كتير .

كلام جميل ... وكلام معقول ... مقدرش أقول حاجة عنه ... غير
يا ريت كل الناس بكل المستويات تكون كدة

الحمد لله يا أ/ سمير
قدر ولطف
وربنا يكتر من الناس المحترمين
إللي يدعموا الواحد في المواقف الصعبة
عشان دايما نحس إننا لسة بخير
وربنا يبعد عنا شر المشاه ... بجد
أكبر أذى ممكن يعترض قائد على الطريق

http://www.nilemotors.net/Nile/showthread.php?t=72705

ودي كانت مشكلة عرضتها على هذا اللينك

لسة حالاَ حاصل موقف بس مش في العربية

كنت قاعد في البيت و لقيت الباب بيخبط، بفتح لقيت المكوجي بيديني المكوة و 7 جنيه !
فا بقوله إيه دول ؟! قاللي أصل لقينا 10 جنيه في البنطلون .

المشاركة الأصلية كتبت بواسطة نور القمر

سلامتك يا بشمهندس سمير
ربنا يلطف بيك انا ملاحظة انك بتتعرض لمواقف كتير مشابهة
اوصيك بوصية مسلمة بدعاء الركوب

أنا فعلا بأقول الدعاء ده علي طول ده غير المصحف الذي يلازمني منذ أيام الدراسة و حاطه جنبي في العربية و لولا كده كان حصل لي بلاوي بحكم سفري المستمر في طرق مايعلم بها الا المولي عز و جل و ربنا هو الستار

ألف شكر يا (نور القمر - نور العمر - مسلمه) علي مروركم الكريم و ربنا يحفظنا جميعا من شرور الطريق

المشاركة الأصلية كتبت بواسطة MoToRiZeR

الكلام سليم تماماَ لأن البلطجة أصلاَ بتبقي محاولة لإثبات الذات بالعنف .. لكن لو كل إنسان حس إن اللي قدامه بيديلوا التقدير الذاتي اللي محتاجه مش هيبقي فيه بلطجة .

و انا حصلي موقف شبه كدة إن كنت ماشي في شارع العربيات راكنة فيه كذا صف و ضيق و كان فيه توك توك جي معاكس ليا .. و لقيت المكان مش هيعدينا إحنا الإتنين .. فا إستنيت مدخلتش و عديته مع إن كان ممكن أرجعه بضهره لأنه في أول الشارع .. الشاب اللي سايق التوك توك إهتم جداَ بإظهار تقديره لإني عديته و قعدت يشكرني من بعيد و اما عدا من جنبي قاللي 100 100 يا باشا و الله إنت راجل جدع .

بعيد عن إنه شكله مستحماش من قرون و إنه منعكش شعره و شكله بيغير ريقه الصبح علي مية نار و العياذ بالله و لكنه شعر بتقدير إني أديتله أفضلية المرور و أكيد حس بالتقدير ده لأن كل الناس بتكبس عليه و تزنقه لحد ما يحك فيهم و ينزلوا يضربوه بعد كدة و يقولوا أمك و أبوك .. ببساطة لو تعاملنا مع بعض علي إننا جميعاَ بني أدمين الوضع هيتحسن كتير .

ربنا يبارك فيك يا محمود
وانا والله بعملها كتير وببقى مش متوقع الشكر ده كله وكأني مثلا بعمل حاجة غريبة
انا والدي بيعمل كده دايما وبيقول متعرفش ظروف التاني ايه
بس بجد لو كلنا بنعمل كده حنبطل غرز وتزنيق والمرور حيبقى سلس
وحنوصل اسرع واهدى نفوسا

المشاركة الأصلية كتبت بواسطة SE_coralsea

اليوم صباحا كاد أن يحدث لي حادث مروع كان من الممكن ان يكون موضوع لبرنامج "القاهرة اليوم" و "العاشرة مساء"

بأختصار كنت في طريقي المعتاد من الرحاب الي "الماظة" و بعد أن عبرت الكيلو 4و نص بسلام و السيارة أخذت سرعتها كباقي السيارات (80 ككم/ساعة) و عند مستشفي الكهرباء أذا بشخص يتحرك علي عكازين يعبر الطريق فتوقفت له السيارة "الافيو" التي كانت أمامي علي بعد حوالي 10 أمتار فجأة و بدون سابق أنذار فأضطررت الي أستخدام الفرامل بشكل لم يسبق لي من قبل و لاحظت وجود جيب شيروكي خلفي مباشرة فظننت أنها سوف تصطدم بي و لكني عندما أنحرفت جهة اليمين كي أتفادي "الافيو" المتوقفة أذا بي أجد الرجل أمامي مباشرة فضغطت علي الفرامل بقوة أكبر للتوقف السيارة و تميل الي اليمين قليلا و تتوقف الشيروكي و من خلفها طابور طويل من السيارات و قد سمعت أصوات الفرامل و تهيأت لسماع أصوات الارتطامات و لكن.....

الحمد لله لم يحدث أي أرتطام لأننا جميعا كنا نسير بسرعات منخفضة و محتفظين بمسافات بينية أمنة , ليس هذا فقط بل ....
عندما نزلت من السيارة لأتمالك أعصابي وجدت بجانبي من يهدئ من روعي من سائقي السيارات الاخري و أولهم قائد "الشيروكي" الذي قال لي بالحرف:
"الحمد لله جت سليمة و مافيش أصابات و حتي لو حصل كفاية أنك وقفت و ماخبطتش الراجل و ماهمكش أن عربيتك تتخبط من ورا , الله ينور عليك"

هذا ماقاله الرجل حرفيا و أعتقد أن هذا الرجل محترم جدا و عنده تقدير للمسؤلية

فألف شكر له و لغيره من قائدي السيارات المحترمين

الناس لسه فيها خير بس مش بيظهر الا في المواقف دي
ربنا يحميك وانا عارف الموقف بيبقى صعب جدا
والوقت مش بيسعف انك تدي انتظار او تفادي بدون ما تخبط
فهنا بقى بتيجي اهميه المسافات الآمنة والفرامل القوية
وطبعا ستر ربنا ورحمته في الاول والآخر
بس الحمد لله انا عدت سليمة
وربنا يكفينا واياكم
شر الحوادث والمواقف الصعبة دي