الموضوع: سؤال فى الكمبيوتر

الحقيقة انا قلت اسأل فى المنتدى هنا يمكن حد يدلنى على حل..جبت راوتر نوعه Linksys من امريكا..و طبعا توصيل الرواتر عندهم مختلف عن عندنا..هما عندهم التوصيل بيتم بسلك داتا بتاع الشبكات ال8 اطراف و احنا هنا الراوترات بيتم توصيلها بسلك تليفون 2 طرف او 4 فطبعا المداخل مختلفة..سؤالى هو..هل فى حل انه يشتغل فى مصر..هل فى طريقة لتحويل ال Rj45 بتاع الشبكات الى Rj6 بتاع التليفون ..يعنى هل فى Converter او حاجه شبيها بيه ولا اصلا القصة فى السجنال اللى داخله متنفعش ...اصل الناس افتونى فيها كتير و قالولى ده فى و ينفع و انتوا عارف المصريين معندهمش حاجه اسمها مينفعش ...اتمنى حد يفيدنى و شكرا جزيلا

حبيت افيد الناس بمعلومة ممكن تكون مهمة لبعضهم..طبعا بعد فتاوى كتيييييير من ناس كتيييييييييييييير و اغلبهم فنيين فى مجال الكمبيوتر(بس مصريين) و طبعا احنا عارفين ان المصريين ميعرفوش يقولوا معرفش..يفتوا الاول و بعدين يقولوا يمكن..الله اعلم...انما معرفش صراحة لالالالالالالالا و الف لا....المهم..لما دخلت على النت و بعت لفنيين Linksys افادونى بأن الراوترز فى منها بينزل بدون مودم و ده للدول زى أمريكا اللى النت فيها كابل Ethernet يعنى مفيش اتصال عن طريق التليفون و لا الكلام اللى عندنا..وفى دول لازم يكون الراوتر فيه مودم زى مصر لان خدمة الADSL بتوصل عن طريق خطوط التليفون و طبعا لازملها Adsl Modem عشان يفلتر اشارة التليفون من اشارة النت و يجيبها يديها للراوتر اللى بدوره يوجهها للكمبيوتر..يعنى طالما الراوتر مفهوش مودم ..يبقى لازم يركب قبله Adsl Modem و ده مش موجود بكثرة فى مصر بس موجود و ده عشان اغلب الراوترز اللى عندنا فيها مودم منها فيها.اسف على الرغى الكتير بس حبيت افيد زى مانا استفدت من الموضوع و اقولكم لو فى ايدكم تسألوا صانع الحاجة اسهلكم بدل ماتسمعوا رغى كتييييييييير و اجتهادات و افتاءات كتير