ملحوظة لاننا بنستخدمه في الشتا فغالبا العربيات بتكون مهدية اقصي سرعة 40 الي 50 واقصي rpm 4000 علشان كده معتقدش انها مؤذية لكن اكيد لو علي السرعات العالية حتاثر كتييييييير علي الجير بوكس
عرض للطباعة
ملحوظة لاننا بنستخدمه في الشتا فغالبا العربيات بتكون مهدية اقصي سرعة 40 الي 50 واقصي rpm 4000 علشان كده معتقدش انها مؤذية لكن اكيد لو علي السرعات العالية حتاثر كتييييييير علي الجير بوكس
تسقيط النقلات بغرض الفرملة بتحمل على البلى اللى فى الفتيس... يا ترى تغيير بلى الفتيس ارخص ولا تيل الفرامل؟؟؟
طبعا انا بتكلم على السواقة العادية مش فى وقت الخطر
MMamdouh
بص يا سيدى السقيط فى الغيار ده معناه إنك تقلل مرونه التروس و العجل مع لفات الموتور
وده انا شايف إنه خطر لآن ده على المدى البعيد ممكن يأدى لتأكل التروس ... و أنتا نفسك ممكن تغلط و تكون على سرعه عاليه و تسقط غيار قليل و ده ممكن يخلى الموتور يفوت
بس فى ناس كتير بتستخدم التسقيط عشان تجمع سرعة يعنى أنا أنزل من رابع ل تالت عشان يبقى معايه تجميع الرابع على التالت و ده الى بقوله ... إن هيبقى الموتور بسرعه الرابع و العجل و التروس على التالت .
و الله أعلى و أعلم
محمد باشا كلامك صح طبعا بس اكيد انت مزرتش اسكندرية في الشتا كتييير
وخليني اشرح حاجة :
في اسكندرية الشوارع تم تصميمها علي شكل ((بمومبيه)) علشان صرف المطر علي الجانبين والتصميم ده في رايي غبي جدا جدا لان له عيوب
اولا بيخلي الطريق من اعلي نقطه فيه يتشبع بزيت والسولار والبنزين وبواقي الكاوتش طول الصيف ويبتدي يدوب مع المطر وفي وحود المطر الغزير مع الاتربة ورزاز البحر ((المشبع بالاملاح)) بيكون طبقة من الصابون... ايوة صابون فعلا ودي فكرة تكوين الصابون((املاح +زيت في وجود مادة قلوية)) وبالتالي بيقي كانك ماشي علي ساحة للتزحلق علي الجليد واسوا
ثانيا شكل البومبيه مبيخليش العربية متزنة خاصة في المنحنيات لما بتكون الاجزاء العالية في اتجاه محور الطرد المركزي للملف ((وليس العكس كما هو مفترض)) وده بيقلل ثيات العربية
الطرق دي بتبقي فيها اجزاء خشنة كتير قرب الاماكن المعتاد الفرملة فيها ورغم خشونتها الا انه اثناء المطر بتفقد السيارة تماسكها لقلة مساحة تلامس الاطارات مع الارض..
واخيرا قليل جدا من سكان اسكندرية اللي عندهم طقم كاوتش احتياطي خاص بالمطر
وبالتالي النتيجة ان اي محاولة لاغلاق العجل حتكون نتيجته حجز طبقة من الماء بين الكاوتش والطريق وفي وجود الشكل البومبيه للطريق وانعدام التماسك مع ملف حلو ..... توقع انت الباقي
وهنا الحل ان العجل يستمر في الدوران لكن بعجلة سرعة متناقصة وبالتالي يسمح للسائق بتوجيه العربية وطرد الماء من تحت الكاوتش في نفس الوقت مع الاحتفاظ بمركز ثقل في مستوي قريب من سطح الاسفلت
واعتقد ان الحل بالنسبة لتصميم الطريق انه يكون مائل بزاوية خفيفة في احد الاتجاهين فقط يعني نص بومبيه
ميزة التسقيط الوحيدة انك ما بتفقدش نقطة احتكاك الكاوتش بالاسفلت وعليه لا العربية حتعوم ولا تلف حولين نفسها ولا حتتزحلق
تصدق بقى انى عمرى ما سوقت عربية فى اسكندرية؟؟
عموما اللى انت وصفتة دة صح جدا و هى الطريقة المثلى للقيادة فى الطرق الزلقة... بس فى الاحوال دى بيبقى تماسك الكاوتش مع الطريق قليل اوى و بالتالى اى حمل زائد حيزحلق الكاوتش قبل ما يحمل على بلى الفتيس و بالتالى مفيش خطورة من الموضوع دة على الطرق الزلقة
MMamdouh
الخطورة علي السيارة بتبقي مقتصرة علي الضغط الزائد علي الموتور والجير بوكس لكن علي السرعات العادية (اقل من 50 كم/ساعة) معظم اعربيات تقدر تتحمله
اما علي السرعات العالية جدا فطبعا الامور بتكون مختلفة
وعلشان منخرجش عن الموضوع انا عملت موضوع جديد عن القيادة في الطرق الزلقة وكل واحد يساهم فيه بخبرته الشخصية
انا بسقط غيارات لو ماشي والفرامل بايظه بس