مشكله ف تكيف بولو 97 .

**maged251** · 01-08-2015 04:59 PM

السلام عليكم ورحمه الله و بركاته ,, انا يا جماعه عندى مشكله ف تكيف العربيه انا كنت مشتريها هى فيها تكيف بس كان ف مشكله سعاتها و كنت جايبها ف الشتا فمهتمتش قوى وجيت سافرت وركنتها وطبعا دخل الصيف دلوقتى ف كنت عايز حد يكشف على التكيف ويقولى ايه النظام عايزكم ترشحولى حد كويس و سعره كويس اكشف الاول واشوف ف ايه لان كده كده التكيف ده تركيب مش بتاعها هى اعتقد نازله من غير تكيف اصلا هى موديل 97 بولو 1300 . والف شكر ليكم وياريت تردو عليه بسرعه قبل ماسيح ف العربيه .

**mbx4e** · 03-08-2015 07:27 AM

ممكن تحدد المكان ونوع المشكله

**maged251** · 03-08-2015 08:59 AM

التكيف بيطلع هواء عادى اعتقد محتاج حد يكشف عليه

**maged251** · 04-08-2015 09:20 AM

مفيش حد بتاع تكيفات كويس أكشف عنده .

**mbx4e** · 05-08-2015 05:32 AM

اسال مركز كول اير
م ايمن عبد الجواد 26202455
متخصصين و فاهمين و شغلهم مضمون
بلغهم من نايل موتورز لو الكباس مش شغال هاتحتاج كبس وتفريغ و شحن بس لازم تكشف قبل الشحن في تسريب او لا بعد كدا تقدر تحدد انت نوع المشاكل بتواجها (الكومبروسر شغال كويس او بيسرب ولا لا )بس ممكن تحتاج تغيير فلتر واولسيهات وممكن ابر شحن مبدأيا

**mbx4e** · 05-08-2015 05:47 AM

وممكن يبقى كباس او سير او اي شيء كل الاحتمالات وارده
وبلاش ياجماعة كلمة اصله محتاج شحن (عشان فضفاضه جدا) قولوا الاعراض وسيبوا التشخيص للفني وممكن تناقشوهم في الاحتمالات او اللي انتم شاكين في ايه
(الكلام دا مش لصاحب الموضوع عشان الراجل محترم ومحدد انه عايز يكشف على العيب من الاول عشان ماحدش يفسر الكلام على غير محمله)
اكشف ياباشا وانشاءالله بسيطه بالمناسبه المركز في اخر جسر السويس تقريبا كلمهم وخد العنوان بالزبط