سؤال بخصوص تكيف سيراتو

**MoHaMeD MKM** · 02-10-2014 11:05 AM

السلام عليكم

ياجماعه انا عندى عربية سيراتو 2009 الشكل القديم ومن سنه ونص بالظبط التكيف فجأه وقف فلما روحت لبتاع التكيفات غير الكباس وقالي ده بايظ خالص وركب واحد مستعمل وفعلا شحنه واشتغل تمام التمام وفضل شغال معايا اكتر من سنه
ومن يومين بالظبط وانا ماشي فجأه لقيت التكيف مطلع هواء سخن فأنا كنت فاكر ان الشحن فضي ومحتاج يتشحن
فلما رحت لبتاع التكيف الي روحتلوا قبل كده قالي ان الكباس برضه باظ ولما قولتله مهو ده الي انت مركبهولي قالي ده راكب اكتر من سنه وانت بتقول انه كان كويس معاك وبصراحه دى الحقيقه فعلا المهم فقالي اركبلك واحد تانى برضه مستعمل بكام بقا ؟؟؟؟ بالشحن بالدورة بكله ب 1000 جنيه ولو عاوز واحد جديد خالص هيبقا ب 2500 بكله برضه .... فأنا مش عارف اعمل ايه ؟؟؟؟ انتوا رئيكم ايه اركب واحد جديد ولا اركب تانى استيراد
وعلى فكره برضه هو قالي الاستيراد برضه ممكن يديك شغل سنه او سنتين بس برضه بعد فتره هيقف معاك وبصراحه الميزانه اليومين دول مش مظبطه يعنى هيبقا صعب جديد .... فاأنا مش عارف اعمل ايه ؟؟؟ ولا انزل الوكاله واحاول اجيب الكباس انا واكب بس عنده وده هيبقا بثمن اقل اكيد ولا اعمل ايه ؟؟؟
ارجوكم حد يفيدنى ياجماعه قولولي اعمل ايه ؟؟؟؟

**MoHaMeD MKM** · 07-10-2014 10:45 AM

بصراحه مكنتش متوقع ان محدش حتى يقولي رئيه ايه

**mixatoz** · 12-10-2014 05:40 PM

انزل هات حاجتك يا باشا على التجربة و جرب فى مشاكل رجعه

ابعد عن استغلال الصنايعية

**sonaeg** · 12-10-2014 06:16 PM

المشاركة الأصلية كتبت بواسطة mixatoz

انزل هات حاجتك يا باشا على التجربة و جرب فى مشاكل رجعه

ابعد عن استغلال الصنايعية

+111

**MoHaMeD MKM** · 22-10-2014 12:28 PM

شكرا على التفاعل ..... بس المقصود انى اجيب جديد ولا استيراد

**mbx4e** · 03-08-2015 10:18 AM

حبيت اشرح نقطه مهمة لما الكباس بيتحرق او كبسه بيفوت او بيبوظ ( دا غير نقص الزيت والشحنة الزياده مع عدم وجود او عطل بلف الكنترول او سويتش الظغط العالي )
في الحاله دي اللي بيحصل تكون رواسب كربونيه زي الطينه لونها رمادي غامق نتيجة تفاعل اجزاء معدن الكومبروسر الداخليه مع الزيت والفريون مع الضغط والحراره بيعملو وساخه بتلزق وتكلكع فتسبب سدد ولوبسيط فياي جزءمن اجزاء الدوره زي السربنتينه الخارجيه والسربنتينه الداخليه والفلتر (المجمع او الرسيفر دراير) وصمام التمدد (الاكسبانشن او اكسبنشن تيوب) او اي تلوث ناتج عن بخار مياه بسبب عدم عمل تفريغ كافي او اجزاء من الطينه الرمادي دي اللي بتنتج عن كومبروسر محروق اتغير قبل كدا او كباس استيراد مركون كان فيه وساخه او تراب او زيته قليل كل دا يلف في دورة المواسير لغاية مايجي عند مكان معين يجمع فيه اللي بيتنتج عنه سدد مره تانيه فايحرق الكباس مرة تانية بسبب الضغط الزياده مع وجود السدد مع الاضافه ان السدد ممكن يجمع في اجزاء من الدوره فايبوظها ومش هاتكفي عملية التنظيف هنا ولو كان بمذيبات خاصه وهوا مضغوط والاجزاء دي زي الاكسبانشن والفلتر واحيانا السربنتينه الخارجيه على حسب نوعها وحالة التلوث الداخلي وكميته فابتتغير لان تنظيفها مابيجبش نتيجه وفيه خطر انها تتركب والموضوع يكرر بعد فترة عشان كدا عند تغيير اجزاء في دورة التكييف انصح باستخدام القطع الجديده والعيب ممكن في يكون حاجه تانيه يعني لما التكييف مايشتغلش والتشخيص خراب الكومبروسر لازم نبحث اللاسباب ( شحنة فريون زياده
او عمر افتراضي وقلة الصيانه ونقص الزيت ونقص الشحنه دايما كل صيف بسبب تسريب
ولا تلوث للدوره من الداخل فايسبب سدد مع ارتفاع الضغط
ولا عطل بلف الكونترول الداخلي في الكومبروسر
او وجود وساخه على المكثف( السربنتينه الخارجيه )من الخارج فاترفع درجة حرارتها فاتزيد ضغطها او عطل مروحة التبريد اوفلتر تالف او ملوث او مسدود او اكسبنشن بايظ
ولا كذا عامل مع بعض)