انواع و تركيب usp على الكومبيوتر

**ali ashraf** · 01-08-2015 09:16 PM

السلام عليكم عاوز اعرف نوع usp كويس بأربع وصلات مثلا , لأن المشكلة قلة فتحات اليو اس بى فى جهازى رغم انه فيو و دى مرمة محترمة لكن له ثلاث مخارج فقط يو اس بى اتنين ضيعين على الماوس و كى بورد خارجى و الاخيرة على طباعة يعنى مفيش مخارج يو اس بى جبت كذا نوع و كلهم فاشلين مرة يشتغل و عشرة لأ و جبت واحد بيتوصل بأدبتور و مصدر كهربائى خاص و برضه مش شغال كويس هل هناك انواع كويسة؟ تحل لى مشكلة قلة مخارج اليو اس بى؟ و اكون من الشاكرين

**Abo_Mazen** · 02-08-2015 10:32 AM

عن تجربة ..المشتركات دي كلها فاشلة ..تجيب الواحد منهم يشتغل شوية ويفصل بعد كده ...أو ما يتعرفش على الجهاز اللي إنت موصله ..تحسه شغال بالتايمر إبن التيت

**ali ashraf** · 02-08-2015 04:39 PM

المشاركة الأصلية كتبت بواسطة abo_mazen

عن تجربة ..المشتركات دي كلها فاشلة ..تجيب الواحد منهم يشتغل شوية ويفصل بعد كده ...أو ما يتعرفش على الجهاز اللي إنت موصله ..تحسه شغال بالتايمر إبن التيت

تمام حضرتك بتوصف اللى انا واجهته بالضبط, لكن انا كنت دخلت على موقع جوميا للتسوق لقيت مخارج يو اس بى من 20 جنيه لحد 300 جنيه ....اكيد هناك فرق ....بس خايف اشترى حاجة غالية و تطلع فى الاخر فالصو .....انا مش ضليع فى المواضيع دى و مستنى رأى عضو زميل يساعدنى فى الاختيار الامثل و معلش آسف للخطأ الاملائى كتبت usp و ده خطأ لأنها usb

**Abo_Mazen** · 02-08-2015 05:55 PM

المشاركة الأصلية كتبت بواسطة ali ashraf

تمام حضرتك بتوصف اللى انا واجهته بالضبط, لكن انا كنت دخلت على موقع جوميا للتسوق لقيت مخارج يو اس بى من 20 جنيه لحد 300 جنيه ....اكيد هناك فرق ....بس خايف اشترى حاجة غالية و تطلع فى الاخر فالصو .....انا مش ضليع فى المواضيع دى و مستنى رأى عضو زميل يساعدنى فى الاختيار الامثل و معلش آسف للخطأ الاملائى كتبت usp و ده خطأ لأنها usb

ياسيدي الخطأ ملحوق متشغلش بالك

هو أنا بس كنت عاوز اقول ان المشكله ممكن تكون من المازر بورد بالاضافه لكونها من المشترك..لاحظ المازربوردات عندنا في مصر فرز تامن برضه

**miam0502788391** · 02-08-2015 08:15 PM

هات ماوس ولوحة مفاتيح عادىة ( ps2) مش يو اس بى وكده هتوفر مخرجين

**ali ashraf** · 03-08-2015 05:46 AM

أعتقد العيب مش من الجهاز لأنه vaio و مصنع لمنطقة امريكا الشمالية و بالمناسبة مفهوش مخارج بى اس2 لكن و انا بقرأ عن يو بى اس فيه هاب سرعة 2 و هاب سرعة 3 و لكن هل يخدم فعلا و لا لأ معرفش عايزين راى جهابزة الكومبيوتر مع خالص شكرى لأهتمامكم الكريم