الموضوع: ** ده من اييييه **

ياجماعا انا كان فى حاجه غرييييبه جداا فى العربيه قبل ماتتقلب والحمد لله
كنت مثلا لما ابقى ماشى على مثلا على 90 واجى مثلا اخد غرز والاقى حاجه فجأه قدامى
اجى ادوس فرااااامل الاقيها بتهدى ومابالحقش الم نفسى والعربيه بتفضل تزحف تزحف مع انى مش دايس فرامل اووى بس الحمد لله ربنا بيستر
لما لاحظت الموضوع انه مش عيب سرعه لما جربت عربيات تانيه نفس النوع
قولت لازم اجربها فى طريق فاضى وفعلا طلع ان الديسكات اللى قدام هى اللى بتوقف العربيه وبتخلى العجلتين اللى قدام بيزحفو واللى ورا بيهدو وبحس ان ضهر العربيه من ورا عمال يزق العربيه على العجلتين اللى قدام
قولت اوديها لميكانيكى عارفه والمصيبه انه قالى عاوزه ماستر عمومى
وقالى هتلف الدنيا دى كلها هيقولك ان العجلتين اللى ورا عاوزين يترجلشو قولتله ازاى دى العربيه زيرو قالى عندك الماستر مابيوصلش زيت بسرعه ولو رجلشت عليهم هيرجعو تانى زى ماكانو بعد كلم يوم وقالى غيرو فى التوكيل على حسابهم دى العربيه لسه فى الضمان
قولت اروح اشوف فى التوكيل وماقولتلهومش ولا رجشه ولا اى حاجه من اللى المكانيكى قالهولى قولتلهم بس اللى بيحصل معايا لما بدوس فرامل
ده فى صيانه ال 1000 جه واحد جرب معايا العربيه وكتب فى الاوردر رجلشه العجلتين اللى ورا وكان فى كمان لمبه كمبيوتر العداد محروقه قالى هنغيرلك طقم العداد كله وده بـ 2000 جنيه !!!! قولتله ازااااااى علشان لمبه اغير طقم العدادات كلها قالى هو عندنا كده قولتله انتو حريين المهم اللمبه تشتغل والعربيه لسه فى الضمان قالى ماتقلقش فضلت قاعد من 10 الصبح لحد 9 بليل وفى الاخر وانا باخد الفاتوره بتاعت تغيير الزيت قالى عاوزين 80 جنيه حق اللمبه اللى اتغيرت !!
قولتله لمبه ايه قالى اللمبه بتاعت العداد قولتله العربيه لسه 1000 ك تقولى 8 جنيه قالى خلاص اطلع للمدير طلعت للمدير قالى انت بقالك قد ايه جايبها قولتله اسبوعين قالى خلاص خلاص ياجماعا دى لسه يعنى جديده مفيش مشكله خدت بعضى ومشيت الفرامل تمام بس العربيه لما بدوس بنزين بتصفر ولما ادوس دبرياج تسكت الصفاره المهم قولت عادى الصفاره مش باينه اووى عادى عادى واللمبه شغاله وزى الفل
تالت يوم كانت الفرامل زى ما الميكانيكى قالى رجعت زى الاول لحد ما العربيه اتقلبت والفرامل لسه كده !! ( على اساس انها كانت المفروض تتغير فى القلبه ) ومتهيقلى ان ده السبب اللى خلى العربيه تتقلب بعد قدر ونصيب ربنا طبعاا بس ده بقى ياترى من ايه !!
مع العلم ان العربيه هيونداى فيرنا 2008
اسف على الاطاله .....

والله الفيرنا مش ناقصها الا abs مكان الطنابير اللى ورا وكده تبقى عشره على عشره
وموضوع انها واطيه ده مش صحيح كل الموضوع ان العربيه بتنزل بعد ماتتقفل علبه الشكمان بتبقى ساقطه وطبعا حرام تعملها تسخين علشان زيرو انما بتتعمل بستيك من تحت عند اى ميكانيكى وده عن تجربه مرييييح جداا فى المطبات