الموضوع: مشكلة حصلت معاى واتحلت لوحدها

أعتقد ان حضرتك فعلا معندكش مشكله ولا حاجه.......بس كنت تقريبا ماتفولش بنزين كويس......وكنت بتمون بنزين على القد.....وطبعا ده مش كويس..............على أساس قلة تواجد البنزين بالتنك بيؤدى الى حدوث انسداد فى مصفاة طلمبة البنزين وبالتالى سيكون هناك أخفاق فى بدء الدواره......ولكن حينما قمت بالتفويل الكامل للتنك.....حدث غسيل للمصفاه بواسطه البنزين(وممكن تكون عملية التقليب والفوران أثناء التموين الأخير هى اللى عملت شطف للمصفاه)....وده من حسن الحظ.......يارب أكون حللت كويس وتكون الطلمبه عندك مغموره بالتنك....لأننى فعلا مش عارف نوع عربيتك...ولكن التحليل ده من خيالى

ياريت تقولنا بيانات أكتر عن السياره....سنة الصنع....نوع المحرك(أنجكشن أو هاف)....الكيلومترات المقطوعه....آخر صيانه واللى تم فيها.....وهل طلمبة البنزين من النوع المغموور فى التنك

المشاركة الأصلية كتبت بواسطة moh_code

أخى الفاضل بارك الله لك
أنا سيارتى BYD F3 موديل 2008 والمحرك انجكشن وعدد الكيلو مترات المقطوعة أكثر من 4000 كم وبصراحة مش عارف طلمبة البنزين فين بالضبط - بس ممكن تقولى إيه الفرق بين النوع المغمور أو غير ذلك وإيه الأحسن للسيارة
وأخيراً أشكرك للتواصل معى

ياأخى الله يكرمك واحنا أخوات وبنحاول نفكر مع بعض للوقوف على أسباب المشاكل......وبالنسبه للطلمبه المغموره بتكون مركبه أسفل فرش الكنبه الخلفيه ومغموره داخل تنك البنزين....وطبعا بيكون ده أفضل للطلمبه لتزويد كفاءة التبريد لها بالبنزين نفسه.......والأنواع الأخرى معروفه وهو النوع الميكانيكى العادى وممكن يكون فيه أنواع أخرى كهربيه وبعيده عن تنك البنزين(على حسب الصانع).....وأوعدك بالتواصل بالتفكير فى أبعاد المشكله الأساسيه لحضرتك

هو أنت بتستعمل زيت معدنى ولا تخليقى....وياريت توضح متى تم غيار الزيت

وهل كنت معتاد على تموين البنزين من نفس المحطه الأخيره.....ومعلش استحملنى فى الأسئله شويه