سيدى الفاضل انا عندى مشكله مختلفه عن حضرتك شويه
بمنتهى البساطه انا عندى مشاكل فى الجيوب الانفيه وعلى غير العاده ده أدى ان حاسة الشم عندى بقت عاليه جدااااااااااا
المهم ان مشكلتى انى اصبحت غير قادر على احتمال رائحتى مع العلم ان كل اللى حواليه أكدوا لى ان عمرهم ما شموا رائحه لعرقى ابدا
المهم بدأت اجرب كل انواع الاسبراى وبصراحه النتيجه دائما كان اخرها ساعتين وارجع احس انى مش مظبوط لغاية لما عملت التالى والكلام ده من سنة 2006
اولا بدأت اشرب كميات مياه كتييره
ثانيا بطلت اغسل وشى او اعمل اى طقس من طقوس النظافه الشخصيه على الحوض - اى حاجه تحت الدش - انا بغسل اسنانى تحت الدش
ثالثا ومتسألنيش ليه كل الفوط بتاعتى بقت بيضاء وأول لما احس انها بدأ لونها يغير مش ريحيتها تتغير على طول
رابعا بما ان الموضوع مكلف بقيت بأشترى كميات ملابس داخليه درجه تانيه لأنها أوفر وانا مش فارق معايا الشكل - انا فارق معايا الراحه وانه يكون قطن 100% وممكن اغير ملابسى الداخليه مرتين أو 3 فى اليوم الواحد
خامسا ممنوع استخدام اى معطرات أو منعمات ملابس على هدومى - بيتحط فقط نصف غطاء ديتول على المسحوق - ودرجة حراره 40 - وخلى بالك ان الموضوع بقلل من العمر الافتراضى للملابس
سادسا وديه بالنسبه ليه سحر ومريحه جدااااااااااااااااااا - انا تقريبا باخد حمام مرتين فى اليوم - مدة الحمام لا تتجوز 5 دقائق - كل 10 أو 15 يوم باملى البانيو واحط كمية شاور جيل كبيره جدا ومعاها نصف غطاء ديتول بقعد فى الميه لمده لاتقل عن 30 دقيقه - بصراحه باحس ان كل وظايفى الحيويه تحسنت جدااااااااااا
المعطرات والاسبريهات - يا تشترى أصلى يا بلاش - اشترى حاجه اصلى من مكان موثوق فيه وصدقنى هاتبقى ارخص بكتيييييييييير من الحاجات الرخيصه مجهولة الهويه او المصدر
الحاجه الوحيده اللى مقلقانى موضوع العرق الاصفر - هو حضرتك وزنك زايد شويه؟؟؟
المفضلات