اشتريت سينيك مو 2000 اوتوماتك ولقيت الغيارات بتخرف

**mm15102001** · 04-08-2015 12:07 AM

السلام عليكم
الي و حوش الرينو محتاج المساعدة و المشورة باي شكل لاني حاسس اني بغرق
انا اشتريت سينيك مو 2000 اوتوماتك و موتورها فبريكة و كانت محتاجة شغل عفشة و سمكرة خفيفة علشان تبقي عروسة
و فجاة و انا ماشي بالعربية لقيت الغيارات بتخرف علي الشاشة مثلا و انا علي D الاقي العربية بتنتش و الغيار علي الشاشة مرة يبقي 2 و مرة يبقي p و هكذا و لو قرصت شوية علي العربية بحس انها بتسقط غير و برجع للسرعة اللي قبلها يعني لو طلعت من التالت الي الرابع طبعا اوتوماتك الاقي السرعة خفت مرة واحدة كاني سقطت غيار وانا حاليا ماشي علي 2 لان العربية مش بتنتش علي الغيار ده و لما رحت لكهربائي احمد في امبابة القومية قالي غير ضفيرة الحوض مع انها شكلها سليم مفهوش حاجة ونزلت صقر ادور عليها لقيت التجار قمة الاستغلال في حد قالي 2000 جنيه و ليك 1700 مع اني سالت عليها في اماكن تانية قالوا ب 1000 جنيه بس حاجة تاني انا بعد ما قرصت علي العربية علي الغيارD الفتيس ضرب اولسيه .
العربية حلوة و عجباني و رياضية و في نفس الوقت عائلية بس اللي بيحصلي ده مكرهني فيها فا ياريت حد يدلني عي ميكانيكي و كهربائي شاطر في الهرم يكون بيفهم بجد و مش استغلالي اعمل عنده العربية و حد بتاع قطع غيار استيراد او جديد اقدر اجيب من عنده الحاجات دي و هل الاشياء اللي قلتها دي نخوف من العربية ولا بسيطة

بالله عليكما ارجو الرد و الافادة

**wael30003** · 04-08-2015 01:37 AM

اعتقد مشكلتك هيكون ليها دخل بالكشف الالكترونى المتخصص فى الوكيل ...ومع ذلك اسأل .....وممكن تكشف فى التوكيل وتصلح بره ...عشان ما حدش يعك لك فى العربية

**tito85** · 04-08-2015 03:22 AM

التوكيل او صقر قريش

**mm15102001** · 04-08-2015 10:22 AM

ممكن يكون ايه التوقع لاني مش عاوز اصرف كتير لاني متبهدل

**mm15102001** · 04-08-2015 10:27 AM

طيب عند مين في صقر او الهرم
و ارقام تليفونات لو تسمحوا

**medo_molto** · 04-08-2015 11:22 AM

دا ميكانيكي وبتاع عفشة ممتاز اسمع عنة بصراحة مجربتوش بس ناس كتير بتشكر فية وفاهم في الرينو وهو فى الهرم اسمة محمد صبحى ودا عنوانة وتليفونة
01003390213 في ظهر جاردينيا تدخل شارع بنك التعمير ةالاسكان هو هناك

**mm15102001** · 04-08-2015 01:32 PM

شكرا يا باشا علي الرد هحاول اكلمه و اشوف الدنيا فيها ايه

**fepsceasar** · 04-08-2015 02:49 PM

محمد صبحي فى الهرم اسمع عنه كويس ..بس المواعيد مش اد كدة
بس ارشحلك تروح لرامى الكهربائي فى صقر قريش يوم الصبح فى الروقان وهو هيفيدك ان شاء الله بسيطة
فى كمان اتنين ميكانيكية كانوا فى التوكيل وكويسين فى حكاية الاويل سيل بس بعيد عن الهرم
ممكن اللى عندك سويتش الفتيس او ممكن زيت مش مناسب مخليها تهيس

**Super_Star_h** · 05-08-2015 04:14 AM

خلى حد يبصلك على السويتش الاسود اللى على الفتيس جمب البطاريه
فيه حوالى 3 مسامير رجلاش

**mm15102001** · 05-08-2015 11:05 PM

طيب ممكن رقم رامي الكهربائي؟
لاني جبت ضفيرة حوض جديدة يمكن في حاجة ملمسة و عاوزه يغيرهالي
و سمعت ان في برده السيخ محمد بس بيشتغل بالراحة و ممكن ميخلصش فا يا ريت رقم رامي