الموضوع: مشكلة عجيبة

السلام عليكم ورحمة الله وبركاتة
برجاء من اهل الخبرة المتخصصين يشوفولي حل في هذه المشكلة ضروري يا اخواننا انا معايا دايو لانوس 1
موديل 69 كوري اتوماتيك ومشتريها من حوالي 4 شهور المهم عملتلها الصيانة العادية تغير سيور وزيت وفلاتر والصراحة العربية جميلة ومش مزعلاني في حاجة غير من كام اسبوع كدة وقبل رمضان ركنت العربية ونزلت الصبح لاقيت بقعة زيت حمرا صغيرة تحت العربية طبعا عرفت انها من لافتيس او الباور مكدبتش خبر ورحت للمكانيكي بتاعي كشف علي الفتيس ونزل تحت العربية واكدلي انها مفيهاش اي تسريب من تحت في الزيت لا في الباور ولا في الفتيس وقالي ده ممكن يكون فايز من زيت الفتيس ونزل صدقتو وروحت لاقيت تاني يوم نفس المشكلة روحتلو تاني قالي اصبر عليها اسبوع او بعد رمضان وهتهالي المهم صبرت عليها وكل يوم لاقي نفس البقعة بتاعة الزيت لحد ما روحت محطة بنزين اغير زيت الماتور وقولت للراجل بتاع الزيت يشوف ازا كان فية تسريب من عند الفتيس قالي فية مسمار مرشح زيت في الحلة بتاعة الزيت مكدبتش خبر وطيرت علي مكيانيكي كان فاتح يوم الاحد وقولتلو ربطلي مسامير كارتيرة الفتيس وفعللا قالي كان فية مسمار عايز يتربك وربطو وربط كل المسماير بتاعة الكارتيرة وفكرت ان كدة المشكلة اتحلت الا اني برضو النهاردة لاقيت نفس بقعة الزيت الي مش عارف دي جاية منين الصراحة فهل حد عندو خلفية ممكن اكشف علي اية يكون بيسرب الزيت ده وشكرا

ما دام عديت على صنايعى و التانى بالصورة دى.....هات حصيرة و انزل بص بنفسك و شوف اعلى نقطة فى القتيس بتجيب زيت....هى دى مصدر التسريب...و نشف الزيت المتسرب بالكامل و تابع.....المسامير مش بتحبك الزيت ....الجوانات او الكاوتشات هى اللى بتحبكها عن طريق المسامير