بروتون بيرسونا و لا شارك 2016 اوتو طبعا

**khaled edrise** · 05-08-2015 07:36 PM

هل ممكن عمل مقارنه عربيه اصاد عربيه من السحب و الثبات و ألأبشن و تحمل الصدمات يعني مثلا اكصدامات الشارك و الصاج ضعيف جدا و ده عيب في الشارك و سعر اعادة بيع افضل و هكذا لكن الهدف من الموضوع المقارنه الموضوعيه

**eng.m7md.ali** · 05-08-2015 08:17 PM

المشاركة الأصلية كتبت بواسطة hesham fawzy h

الحرفين مليانة سواء استيراد او صينى :)
انت حاببها بس علشان معاك ، و كل سنة و انت طيب هههههههههههه

وانت طيب ياباشا .. سواء بحب دي ولا دي انا بحب الاتنين ومجرب الاتنين وحافظهم .. الشارك احسن من جوة وفرامل احسن .. غير كدة مش حلوة اني ادفع كووووول ده فيها والفرق بردو مش قليل .. بس انا عايز اسمع وجهة نظرك انت بتقول لا تقارن طب ليه لا تقارن؟؟

عشان صاحب الموضوع يستفيد لانه في حيرة بقاله فترة كبيرة

**ammar matter** · 06-08-2015 01:39 AM

السلامة أولا .... يبقا بروتون من غير كلام ... لما تسوق العربيتن وتشوف الاداء بعد 160 مثلا تتعرف ان البروتو ن مش سهله
الاثنين من الداخل متواضعين ممكن الشارك احسن شوية
إعادة البيع يبقا شارك
قوة صاج وأمان يبقا بروتون .. بإذن الله طبعا
قطع غيار يبقا برتون
وكيل .. الاثنين زي بعض وعز العرب محتاج شدة شوية
شكل .. البرتون اجمل
لو هتجيب إلهاي لاين في الشارك الاسبويلر هيدايقك وهتشوفه في المراية
استهلاك بنزين ... البروتو ن اعلا شوية
عزل السيارة ... الشارك أحسن

البروتون ماتورها جامد وشبابية .. ولو بتحب السرعات العالية تبقا هي طبعا
لو بتدور علا مقارنة بين العربيتين من حيث السعر يبقا هتقارن البيرسونا بالفئة الثانيه أو حتا الثالثه في الشارك
ودا طبعا رأيي الشخصي بعد التجربه
لو مكانك أنا ادفع 120 ألف أحسن وهلاقي كل اللي انا عايزة

**Omar_alaa** · 06-08-2015 03:27 AM

الشارك أفضل طبعا حتي في ال resale و كمان في الثبات و السرعات العاليه بس المشكله في حجم الشنطه

**hesham fawzy h** · 06-08-2015 05:58 AM

المشاركة الأصلية كتبت بواسطة eng f3lix

وانت طيب ياباشا .. سواء بحب دي ولا دي انا بحب الاتنين ومجرب الاتنين وحافظهم .. الشارك احسن من جوة وفرامل احسن .. غير كدة مش حلوة اني ادفع كووووول ده فيها والفرق بردو مش قليل .. بس انا عايز اسمع وجهة نظرك انت بتقول لا تقارن طب ليه لا تقارن؟؟

عشان صاحب الموضوع يستفيد لانه في حيرة بقاله فترة كبيرة

انا مش هتعب نفسى فى منافسة خسرانة 100%

**khaled edrise** · 06-08-2015 03:44 PM

ممكن اعرف استاذ هشام ليه خسرانه 100 % انا هاشتري واحه من ألتنتين و عارف كوبس ان تجميع البروتون من 0 الي 100 يفرق او يساوي تحميع الشارك ثبات البروتون اعلي من الشارك ساج البروتون اقوي من الشارك ممكن اعرف من حضرتك ايه مميزات الشارك عن البروتون غير سعر اعادة البيع و سهولته و توفر قطع الغيار و شكرا مقدما

**eng.m7md.ali** · 06-08-2015 05:13 PM

المشاركة الأصلية كتبت بواسطة hesham fawzy h

انا مش هتعب نفسى فى منافسة خسرانة 100%

ربنا يجعلنا عصفورة في قفص صدرك .. صاحب الموضوع بردو مستفدش اي حاجة من الكومنت بتاعك

**hesham fawzy h** · 06-08-2015 08:40 PM

المشاركة الأصلية كتبت بواسطة eng f3lix

ربنا يجعلنا عصفورة في قفص صدرك .. صاحب الموضوع بردو مستفدش اي حاجة من الكومنت بتاعك

انت مش عصفورة .. انت كنارى اصفر جميل هههههههه.. ولا هيستفيد علشان الموضوع دة اتقرر بينى و بينك كذا مرة .. وانت هى هى نفس ردودك .. بس مكناش بنقارنها بشارك كنا بنقارنها باوبترا تقريبا .. و الاوبترا تكسب برضو :)

الصل انت مينفعش تقارن خامات نضيفة ببلاستيك اعادة تصنيع هههههههههههههه

واخد بالك يا فيلكس

**hesham fawzy h** · 06-08-2015 08:53 PM

المشاركة الأصلية كتبت بواسطة khaled edrise

ممكن اعرف استاذ هشام ليه خسرانه 100 % انا هاشتري واحه من ألتنتين و عارف كوبس ان تجميع البروتون من 0 الي 100 يفرق او يساوي تحميع الشارك ثبات البروتون اعلي من الشارك ساج البروتون اقوي من الشارك ممكن اعرف من حضرتك ايه مميزات الشارك عن البروتون غير سعر اعادة البيع و سهولته و توفر قطع الغيار و شكرا مقدما

حضرتك ركبت العربيتين ولا مركبتهومش

لو ركبتهم قولى احساسك اييية وانت قاعد قدام و ورا فى العربيتين

و بالذات لو قاعد ورا فى الجين 2 هتحس انك هترجع :)

**eng.m7md.ali** · 06-08-2015 09:04 PM

المشاركة الأصلية كتبت بواسطة hesham fawzy h

انت مش عصفورة .. انت كنارى اصفر جميل هههههههه.. ولا هيستفيد علشان الموضوع دة اتقرر بينى و بينك كذا مرة .. وانت هى هى نفس ردودك .. بس مكناش بنقارنها بشارك كنا بنقارنها باوبترا تقريبا .. و الاوبترا تكسب برضو :)

الصل انت مينفعش تقارن خامات نضيفة ببلاستيك اعادة تصنيع هههههههههههههه

واخد بالك يا فيلكس

ملناش دعوة بالاوبترا دلوقتي ياريس احنا بنتكلم في حاجات معينة .. وردودي كلها بتطلب منك توضح وجهة نظرك لاني مش فاهمة ولا صاحب الموضوع بردو يعني ادينا نبذة عن عناصر المقارنة من وجهة نظرك .. والخامات النضيفة دي هتلاقيها في عربيات عالية زي بي ام دابليو فولكس فاجن ستروين .. مش هتلاقيها في شارك ولا اوبترا ولا جين2 ولا العربيات دي لانها كله اقتصادية