استفسار قانوني عاجل عن وضع سيده شبه مطلقه

**Bassem Youssef** · 07-08-2015 01:38 PM

زوج السيده دي راجل داخل علي الستين .... بعد مشاكل سنين طويله ... سافر بلد خليجيه و اشتغل فيها و اتجوز فيها واحده مش مصريه و خلف بنتين من الزوجه الجديده

زوج السيده دي لم يطلقها و سايبها عايشه في بيته بدون الانفاق عليها ... السيده بتصرف علي البيت من شغلها بس دلوقتي بقت مريضه و مش قادره تشتغل

السيده ملهاش الا بنت متزوجه و عايشه مع جوزها في محافظه تانيه و ابن في اواخر العشرينات من سني تقريبا و متجوز برضه و عايش في بلد اجنبيه بعيده ... يعني هي قاعده في البيت لوحدها و بتصرف علي نفسها فقط

دلوقتي جوزها بيهددها ببيع البيت و طردها منه + انه اصلا مش بيديها مليم

طب هي وضعها القانوني ايه دلوقتي ؟؟؟ ايه افضل حل ليها ؟؟؟

طبعا هي مش عايزه تروح عند بنتها و لا تقدر تسافر بلد تانيه مثلا

ما الحل ؟؟؟

**prof2013** · 07-08-2015 02:33 PM

ربنا يعينها

**medo_31** · 07-08-2015 03:27 PM

مسألة افضل حل ده في ايديها هى فقط , واضح ان سنها كبير ومش حمل البهدلة ورايي -بعيد عن القانون - تسايس امورها وتحاول تمشي حالها لانه في حالة العند جوزها هيطلقها وفي الحالة دي ملهاش غير حقوقها الشرعية من نفقة عدة ومتعة ومؤخر صداق وبالاضافة لمنقولات الزوجية ,وهي مش حاضنة علشان تتمكن من مسكن الزوجية لانك بتقول ان ابنها عشرين سنة فيقدر جوزها ينفذ تهديده ويطردها فعلاً , علشان كده بقول تسايس امورها معاه وتستحمل

**Bassem Youssef** · 07-08-2015 09:38 PM

شكرا لردودكم و دعواتكم الجميله و في انتظار المزيد من الردود المفيده

**mk3** · 07-08-2015 10:54 PM

ابنها

**mr_vampire** · 07-08-2015 11:19 PM

ابنها يسترجل ويكلم ابوه يقوله عيب.

**Bassem Youssef** · 08-08-2015 08:33 PM

ابنها غلب كلام مع ابوه و مفيش فايده

**hilal** · 08-08-2015 08:37 PM

هذه مشكلة فعلا
واعتقد أننا في حاجة ماسة لاصدار تشريع لحماية هذه الفئة المظلومة في المجتمع
ولكن أعتقد لو عرفنا أسباب الطلاق ، ومبررات الرجل في هذه القسوة ، فقد تكون لديه أسباب خفية