الموضوع: ماذا تفعل لو كنت مكاني ..؟؟؟بس ما البسش المبلغ ده

المشاركة الأصلية كتبت بواسطة abo_mazen

والله هسأل وهشوف

نسيت أقول لسيادتك انه مازال عندي رفرفين وكبوت واكصدام وشبكة أصلي بحالة الزيرو
قررت أن أحتفظ بهم احتياطا لأي خبطات في المستقبل
وربنا يوفقك في اتخاذ القرار السليم

المشاركة الأصلية كتبت بواسطة mif

اعتبر نفسك نازل تشتري عربية .... اكيد انت عايزها علشان تريح نفسك ... يبقى اكيد بلاش من المتعبة

مش حيلاقي حد يشتري بالسعر اللى يريحه و حيبقى حله فى تاجر يخلصه منها و ياخدها بالسعر اللى تاجر يفرضه عليه.

او تعمل الغلط و يكون واحد معندهوش خبرة و تلبسه فيها ... حيبقى حرام طبعا

هو مكن الماروتي بيقبل العمره عادي جدا

لكن المشكلة في المكنه اللي معايا..اللي بتاعة السوزوكي التو ..بيقولوا إنها ما بتقبلش العمره عشان البلوك كله المونيوم ..

أنا عموما حاليا حاططلها سائل لحام البلوك block seal ..وماشيه معايا زي الفل ..ولا باين عليها حاجه ..ولا تقدر تعرف إن هي بتخلط زيت في المياه ..ولو عايز أبيع من بكره هبيع على إنها سليمه وبالسعر اللي أنا عايزه ..واللي هيشتري مش هيكتشف غير كمان كام سنه ..أو على ما يكتشف يكون هو ركب العربية وإستخدمها ولو جه يتكلم هقوله دي منك مش مني ..لكن والله العظيم أنا أستحرم ..عشان الفلوس اللي أنا هاخدها دي هعمل بيها حاجه برضه ..فعاوز ربنا يبارك فيها مش أكتر

المشاركة الأصلية كتبت بواسطة hilal

نسيت أقول لسيادتك انه مازال عندي رفرفين وكبوت واكصدام وشبكة أصلي بحالة الزيرو
قررت أن أحتفظ بهم احتياطا لأي خبطات في المستقبل
وربنا يوفقك في اتخاذ القرار السليم

أعتقد يا فندم إن سعر النص هيكون غالي جدا ..أتوقع إنه ممكن يدخل في عشرين الف مثلا ..

انا شفت مكنة التو بتتباع بألف ريال
و اعتقد مكنة الالتو لا تتعدى الالفين
و انت ضامن بعد تغيير المكنة ميكونش فيه مشاكل جديدة؟
و انت ضامن ان تكون المكنة الجديدة بحالة جيدة؟
و بعدين الراجل ياخد فوق ال7000 مكنتك كمان؟
يعنى يديك مكنة ب7000 و يصلح مكينتك و يبيعها هى كمان ب7000 يبقى جاب نصف تمن العربية تقريبا
---حاول تستشير ناس اكثر خبرة عشان يقولولك الخلاصة تغير ايه

المشاركة الأصلية كتبت بواسطة volociximab

انا شفت مكنة التو بتتباع بألف ريال
و اعتقد مكنة الالتو لا تتعدى الالفين
و انت ضامن بعد تغيير المكنة ميكونش فيه مشاكل جديدة؟
و انت ضامن ان تكون المكنة الجديدة بحالة جيدة؟
و بعدين الراجل ياخد فوق ال7000 مكنتك كمان؟
يعنى يديك مكنة ب7000 و يصلح مكينتك و يبيعها هى كمان ب7000 يبقى جاب نصف تمن العربية تقريبا
---حاول تستشير ناس اكثر خبرة عشان يقولولك الخلاصة تغير ايه

بص يا دكتور ..اولا المكنه اللي هتطلع من عندي مش هينفع تتباع تاني عشان هي من غير ورق ...ودي بنسميها في مصر مكنه خليع ..يعني طالعه من عربيه بدون ورق ..لكن هو طبعا التاجر مش هيغلب يقطع امها ويبيعها حتت...ده المسمار فيها بفلوس برضه...

حاجه تانيه..هو الراجل بيقولي المكنه بالكنترول بالضفيره بالطابلوه الكامل ..لان الطابلوه اللي عندي مش كامل ..مفيهوش rpm..بيقولي كل ده بسبع تلاف جنيه
انا بصراحه حسبتها ..قلت لو المكنه لوحدها اديهالي بتلاته...والكنترول بالفين ..والضفيره بالف ..والطابلوه الكامل ب ٥٠٠ جنيه ..ومصنعية التسقيط ب ٥٠٠ جنيه ..طيب ما هي برضه مسكت ال ٧٠٠٠

هو الراجل بقى بيقولي السعر كله شاكب راكب طالع نازل كله على بعضه مصنعيه على طابلوه على ضفيره على مش عارف ايه ب ٧٠٠٠

انا بقول كده كويس بدل ما اروح اجيب وش بتلات تلاف وفي الاخر المكنه ٨٠٠ سي سي ...انما اللي هسقطها هتبقى ١١٠٠
يبقى انا برضه طلعت بالسعه اللتريه بتاعة المكنه


مش عارف رايك ايه ؟...فكر معايا كده وقولي برضه