الموضوع: ماذا تفعل لو كنت مكاني ..؟؟؟بس ما البسش المبلغ ده

المشاركة الأصلية كتبت بواسطة mif

اعتبر نفسك نازل تشتري عربية .... اكيد انت عايزها علشان تريح نفسك ... يبقى اكيد بلاش من المتعبة

مش حيلاقي حد يشتري بالسعر اللى يريحه و حيبقى حله فى تاجر يخلصه منها و ياخدها بالسعر اللى تاجر يفرضه عليه.

او تعمل الغلط و يكون واحد معندهوش خبرة و تلبسه فيها ... حيبقى حرام طبعا

هو مكن الماروتي بيقبل العمره عادي جدا

لكن المشكلة في المكنه اللي معايا..اللي بتاعة السوزوكي التو ..بيقولوا إنها ما بتقبلش العمره عشان البلوك كله المونيوم ..

أنا عموما حاليا حاططلها سائل لحام البلوك block seal ..وماشيه معايا زي الفل ..ولا باين عليها حاجه ..ولا تقدر تعرف إن هي بتخلط زيت في المياه ..ولو عايز أبيع من بكره هبيع على إنها سليمه وبالسعر اللي أنا عايزه ..واللي هيشتري مش هيكتشف غير كمان كام سنه ..أو على ما يكتشف يكون هو ركب العربية وإستخدمها ولو جه يتكلم هقوله دي منك مش مني ..لكن والله العظيم أنا أستحرم ..عشان الفلوس اللي أنا هاخدها دي هعمل بيها حاجه برضه ..فعاوز ربنا يبارك فيها مش أكتر

المشاركة الأصلية كتبت بواسطة mazen56

طيب في حل تاني وده رآيي الشخصي كدة في الغالب العيب في البلوك علشان حضرتك بتقول إنك خرط الوش طيب الحل إنك تخرط البلوك وده هيكون أوفر من كل الحلول اللمقترحة
بمعنى تاني أن التكلفة هتكون جوانات و طقم شنبر علشان هتفك البلوك والمصنعية وشوية مصاريف مثل زيت وفلتر زيت ممكن تلاقي أولسيل عايز يتغير و في الغالب كل المصاريف مش هتجيب 700- 800 جنيها
بذلك أنت عملت السيارة بأقل التكاليف

ياباشا حضرتك لما قلت العيب عندك في البلوك كنت متوقع انك هتقول في شرخ في البلوك مش في الوش ..متهيألي البلوك ميقفعش ..صعب قوي حكاية ان البلوك إقفع ..لكن الخوف ان يكون البلوك فيه شرخ وهو ده اللي بيخلي الزيت يخلط مع المياه

يا جماعه خيار البيع على الحال اللي هي فيه ده معناه اني بخسر فيها كتيييير جدا ...لإن مفيش ركيب هيرضى ياخد عربيه فيها شغل بالشكل ده غير لو تاجر ..وتاجر يعني هيخسف بسعرها تحت الارض اساسا

المشاركة الأصلية كتبت بواسطة abo_mazen

يا جماعه خيار البيع على الحال اللي هي فيه ده معناه اني بخسر فيها كتيييير جدا ...لإن مفيش ركيب هيرضى ياخد عربيه فيها شغل بالشكل ده غير لو تاجر ..وتاجر يعني هيخسف بسعرها تحت الارض اساسا

مش كل الناس يعنى انا لما بدور على عربيه بحب اوى الاقى عربيه متور رايح واخصم تمنه واجيب واحد لمزاجى

المشاركة الأصلية كتبت بواسطة rotanamasoud

مش كل الناس يعنى انا لما بدور على عربيه بحب اوى الاقى عربيه متور رايح واخصم تمنه واجيب واحد لمزاجى

طيب وانا الاقي واحد زي حضرتك كده فاهم منين؟


طيب انا بصراحه كان عندي رأي وعايز اعرضه عليكم


انا ممكن اسقط مكنه واثبتها على الرخصه واعرضها للبيع بسعر كويس ...رزقها جه واتباعت ..كان بها ..رزقها مجاش ومتباعتش ..يبقى خليها ..وفي النهايه انا استفدت في كلا الحالتين ..بعت ..يبقى بعت بسعر حلو ..قعدتلي ومتباعتش ..يبقى استفدت بمكنه سعه لتريه اكبر من اللي فيها ..

مع ان ربنا عالم انا هزنق نفسي ازاي عشان احقق خيار تسقيط المكنه ده

وبكده برضه يبقى بعدت عن احتمال اني اغير الوش بالشئ الفلاني ويطلع العيب في الاخر من البلوك .

ايه رايكو؟؟

فكره جيده يا ابو مازن
يعنى حتظبط لنفسك ولو بيعه مظبوطه تمام بيعه معجبتكش خليها معاك
بصراحه 7000رقم فلكى على التو شورت بلوك تمبرا 1600 ب2000 جنيه مكنه كامله ب3500
حتى الستروين نفس اسعار التمبرا فى المكن

المشاركة الأصلية كتبت بواسطة rotanamasoud

فكره جيده يا ابو مازن
يعنى حتظبط لنفسك ولو بيعه مظبوطه تمام بيعه معجبتكش خليها معاك
بصراحه 7000رقم فلكى على التو شورت بلوك تمبرا 1600 ب2000 جنيه مكنه كامله ب3500
حتى الستروين نفس اسعار التمبرا فى المكن

هما ال 7000 سعر مكنه كاملة بأدوات التغذية بتاعتها مش شورت بلوك بس ..بالإضافة للكنترول بالإضافة للضفيره ..لإن طبعا الكنترول هيتغير فلازم الضفيره هي كمان تتغير عشان الفيش ..بالإضافة للعدادات ..لإن العدادات في المكنه الإستيراد فيها rpm غير عندي مفيهاش ....شامل كمان مصنعية التركيب ..يعني المفروض إن المبلغ ده هيتدفع وبإذن الله هاخد العربيه على المفتاح ..يعني دور وإطلع ..

إيه رأي حضرتك في السعر ده