اصحاب الخبره فى التفاوض حول زيادة المرتب

**new_man** · 10-08-2015 04:56 PM

فى البدايه اتمنى اجد عندكم استفسار لصديق لى عاوز يتفاوض مع مديره لزيادة راتبه فأنا بصراحة مش عارف افيده فقلت اسألكم

تفاصيل وظيفته كالاتى

شركة انشاءات وتشغيل عماله عند كبرى الشركات العالميه فى مجال الانشاءات وبتطلع ناس فى نفس وظيفته للشركات دى ب 4000 واكتر عشان طبعا بتاخد عليها عموله

هو لسه شغال جديد فى وظيفة سكرتير للشركة وكان عاوز ياخد مرتب 2500 بس مدير الشركة وهو بخيل اقنعه ب 2300 فقط وبعد 3 شهور واول 3 شهور 2100

بعد عمله ب 3 شهرين وشويه وحب زملائه ليه واحترامهم وثقة مديره فيه بأنه يسيبله مفتاح مكتبه فى خروجه لاى مشوار وانه بيؤدى مهام السكرتاريه بشكل جيد جدا وبيشكر فيه قدام الناس و انه مهندم وواجهة ممتازة للشركة ولبق وهادى ودايما حاضر ونعم....وكمان اتضاف عليه حاجات فى شغل ال hr زى عمل ورق تأمينات والعقود...الخ بسبب انشغال ال hr الاساسى بشغل كتير وفيه منه خارج عمله ايضا!!...وده مكانش فى الاتفاق الاول فى الانترفيو

فهو حس ان شغله بقى سكرتاريه + مساعد hr وعارف ان الشغل هيزيد سواء فى السكرتاريه او ال hr

هو خبرته 4 سنين فى شركتين سنتين وسنتين منهم شركة عالميه

اللى كانت شغاله قبله فى نفس المنصب كانت بتاخد 3000 ومشيت علطول بعد 3 ايام عشان هى بتقول انها كانت جايه تشتغل hr والمدير كان عاوزها سكرتيره مع ان خبرتها ضعيفه بس معاها كورس hr من الجامعة الامريكيه ( هو كمان معاه كورسات hr بس عاديه ومعاه ICDL و CCNA وفوتوشوب و N+ وكورسات سوفت سكيلز كتيييير بس مش معتمد فكل الشهادات دى)

والولد اللى قبلها كان خبرته ضعيفة جدا وكان بياخد 2500 ومن اول شهر وكان مستهتر وقعد 3 شهور والمدير مشاه لانه لقاه كان بيتجسس على بعض بيانات الحسابات

المهم صاحبى كده مرتبه بعد ال 3 شهور هيكون 2300 وهو حاسس انه انضحك عليه ومضايق من الموضوع ده وهيتكلم مع مديره بعد انتهاء الشهر الثالث

فمش عارف يطلب 3000 عشان لو المدير فاصله ينزل ل 2750 ولا يطلب 2750 ويصر عليها جدا واهى لو نزلت ل 2500 فيبقى اتحقق الرقم اللى كان عايزه فالاول

وهل ممكن المدير يعتبره طماع وبيستغله عشان هو هو محبوب وكمان عشان عارف ان الناس اللى بتشغلهم الشركة فى الشركات التانيه بياخدوا ارقام كبيره فلما شاف الارقام دى طمع وان الرقم ده يعتبر مخالفه للاتفاق الاول مابينهم وان مافيش زياده بال 700 جنيه

هو خايف يطلب 3000 والمدير يرفض ويغير فكرته عنه وخصوصا ان المدير حاسس بالانتصار انه شغل حد كويس جدا ب 2300 اى اقل من السابقين ومديره امن عليه صحى واجتماعى يعنى معتمد عليه انه مكمل معاه

الحكمة بتقول ايه؟

**amr011111** · 10-08-2015 05:44 PM

الموضوع بسيط جدا
هوه هيدخل للمدير يقوله انا متحمل شغل كتير من الاتش ار غير شغلى وبصراحه المرتب مش كافى. ويقوله عاوز كذا
المدير لو متمسك بيه هيزوده. غير كده هيقوله ظروف البلد وبتاع
ساعتها يبقى قدامه حل من اتنين يفضل فى الشركه لحد ما يلاقى فرصه بره او يستمر فى الشركه

**sfahmy6** · 10-08-2015 07:58 PM

اى واحد بيطلب زيادة في المرتب يعمل حسابه انه ممكن يتفور فى أى لحظة. ........ميرجعش يعيط بعد كده

المهم ....ميشتغلش شغلانه أقل من عادل مرتبة. .....علشان ميحسش بالقهر. ...ولأن نفسه امانه ميظلمهاش

والارزاق بإيد ربنا سبحانه وتعالى ☺

**MaZaGAngeE** · 10-08-2015 10:46 PM

يدور علب شغل الاول و بعد ما يعمل مقابلة و يتفق علي مرتب احسن من اللي بياخده… يكلم صاحب الشركة انه عايز زيادة لو وافق خير و بركة موافقش يقوله شركتك عندك و متعطلنيش يا باشمهندس

**new_man** · 10-08-2015 11:44 PM

الموضوع بسيط جدا
هوه هيدخل للمدير يقوله انا متحمل شغل كتير من الاتش ار غير شغلى وبصراحه المرتب مش كافى. ويقوله عاوز كذا
المدير لو متمسك بيه هيزوده. غير كده هيقوله ظروف البلد وبتاع
ساعتها يبقى قدامه حل من اتنين يفضل فى الشركه لحد ما يلاقى فرصه بره او يستمر فى الشركه

هو المكان كويس بالنسباله فعشان كده قلقان من موضوع الكلام فى الموضوع ده ومش فى نيته يترك المكان

اى واحد بيطلب زيادة في المرتب يعمل حسابه انه ممكن يتفور فى أى لحظة. ........ميرجعش يعيط بعد كده

المهم ....ميشتغلش شغلانه أقل من عادل مرتبة. .....علشان ميحسش بالقهر. ...ولأن نفسه امانه ميظلمهاش

والارزاق بإيد ربنا سبحانه وتعالى ☺

ماهو ده اللى هو خايف منه هو ممكن يطلب الزياده توصل ل 2500 فهو يعتقد ان المدير هيوافق على الرقم ده انما 3000 هو حاسس ان المدير ساعتها ممكن يديله بحاجه رغم انه كان بيدفعها للى قبله

يدور علب شغل الاول و بعد ما يعمل مقابلة و يتفق علي مرتب احسن من اللي بياخده… يكلم صاحب الشركة انه عايز زيادة لو وافق خير و بركة موافقش يقوله شركتك عندك و متعطلنيش يا باشمهندس

اظن ان ده افضل شغل ومرتب جوله واعتقد انه حتى لو مديره موافقش على الزياده هيفضل موجود بس نفسيا هيبقى مضايق

**matrix_it** · 10-08-2015 11:56 PM

انا رأي ميطلبش ! مش 200 جنيه هيعمل عليهم مشكلة . الحل انه ياخد خبرة و يدور علي حاجة أحسن ، صدقني لو اتعرف انه بيفاصل في مرتبه ممكن يتفور في اول تجديد للعقد

**sfahmy6** · 11-08-2015 12:49 AM

غالبا طالما رضي بالواقع. .......يبقي يستحمل. .......
وهيا دى سياسة القطاع الخاص

إنما هوا كان الأول المفروض يلتزم بالعقد ....ويعرف انه بيضحك عليه من أول شهر

أو يقول. ...انا مش هاشتغل فوق شغلة إلا بفلوس زيادة

وفى الأول والآخر .........

أى حد بيطلب حقه في البلد دى بياخد بالجزمه. ......

وحتى لو ماطالبش. ......برضه ممكن يطير في أى لحظة علشان جيبه قصيره حبتين أو توتو حبيب عمو

البلد الوسخه دى مفيهاش قانون عمل

**new_man** · 11-08-2015 11:03 AM

انا رأي ميطلبش ! مش 200 جنيه هيعمل عليهم مشكلة . الحل انه ياخد خبرة و يدور علي حاجة أحسن ، صدقني لو اتعرف انه بيفاصل في مرتبه ممكن يتفور في اول تجديد للعقد

هى الفكره مش ف 200 جنيه هى الفكره ان حد قبله كان اقل منه وبياخد اكتر منه فده اللى مضايقه وحاسس ان المدير عنده استعداد يدى اكتر فليه ميطلبش يمكن يوافق!

غالبا طالما رضي بالواقع. .......يبقي يستحمل. .......
وهيا دى سياسة القطاع الخاص

إنما هوا كان الأول المفروض يلتزم بالعقد ....ويعرف انه بيضحك عليه من أول شهر

أو يقول. ...انا مش هاشتغل فوق شغلة إلا بفلوس زيادة

وفى الأول والآخر .........

أى حد بيطلب حقه في البلد دى بياخد بالجزمه. ......

وحتى لو ماطالبش. ......برضه ممكن يطير في أى لحظة علشان جيبه قصيره حبتين أو توتو حبيب عمو

البلد الوسخه دى مفيهاش قانون عمل

فعلا حتى لو مطلبش ممكن يطير فأى لحظه..فعشان كده هيطلب عشان ميحسش بالظلم لما ييجى يمشى

توضيح..هو لسه ممضاش عقد مع الشركه

**exelence** · 11-08-2015 11:27 AM

هو بقاله اد ايه فى الشركة ؟
لو ما بقالوش مده يبقى يصبر شويه علشان يبقى داخل و يقوله انى بقالى فترة و انا عاوز مرتيبى يزيد

**حسام الغرباوي** · 11-08-2015 11:29 AM

بواقع خبرتي في النقطة دا ...الطلب يكون على استحياء بالشكل دا :

يدخل للمدير في وقت ميكنش فيه ضغط عمل عليه
يحاول يكلمة بهدوء انه مش طالبة زيادة راتب ولا حاجة
يحاول يلفت نظر المدير ان تم اضافة التزامات عليه من قبل ادارة hr بالاضافة إلى عمله
يدي انطباع وسط الكلام انه مش هيكون مستريح نفسيا لأنه شايف ان الراتب غير متناسب مع مهام وظيفته , وايضا يوصل للمدير انه مش هيترك العمل بس هو عايز زيادة بسيطة في الراتب بشكل غير مباشر

الكلام دا فايدته حاجتين
( أولا احتمال كبير جدا المدير يزودة فعلا خصوصا ان على كلامك المدير محتاجة والزيادة المطلوبة مش كتيرة )
( ثانيا لو مزدش حاليا ..هيحاولوا يقللوا الشغل من عليه وهتفضل النقطة دي كويسة عند المدير انه لم يترك العمل وبعد فترة بنسبة 99 % هيزودة )